1 Cegu: wa Yuda, jhaung zug: Zedikia byu qe kau" tung" to" ra" Sholomun: dao:2 zham" jham ngaid: ra". – Mo"so wa yao: nyham" to" ra" ja" mau" mathao mae phung bao nga: qo" ra".Jhaung zug: wa yao: tarha" dao: phyid' ra" ru mae myo,3 nho nga: qo" ra". – Jhaung zug: myid: ra" ru re ca: qu" yang: maqo" ba. Mug: gaung ru: myhao mung: myid gaung ru:4 no; ra". – Ngaui jam: khug mae" xa re phaid' yhug' kyang" pye' yang: ba: sheim: yaug wa ngaui keim re qo" sheim" yu:5 li" nae". – Mashab makhyang: mo, re jhaung zug' nhae mae" va: va: khyo na nhao: pye' re yao" ug khang" khyo wa tarha" din" ra" ga" khyo" ham" hung: qi"6 li" nae". – Jhaung zug' qhid' kheim: mae yao: yao" gaung re nga: dakaid'. Ade, qe:7 jo, qo mae daye: na. – Pe" mung: ga" re the' myao: na: jhaung zug' qhid' kheim: mae nyham: khyo" pye' qhug' ra" tho' ce: jo, qo khyo do, wa ga" dao: wa je: no: gyo:8 yo: ra". – Phaug' tau: nae" dahin. Yham kyo: cao: wa nao re qho' phyo' lao" nao9 khoru: kaid' nae"?. – Ni" yham kyo: cao: we' myo, khung: zam" zaung mung: byin nyang nyhang" ge,. Zug' to" ra" ja: su re10 daci: qhu". – Airu: mangaid: re yao: wa nao re qho'phyo' mung: ni" myo, nho nga:11 lao: seim: lo" li" nae". – Dau nyang: ra" dao: kheim: wa ngaui jao mae hhang ce'12 jham pau" te' to" ru we' dau: ra". – Jhaug' zaug taung" ba: tae" gyo" ra" yaug re: dau nyang za: ba: mho" shid' ra" yaug wa hhang no: to' we' re: hhang gyang" lo, pin:13 jham we' re: dau: ra". – Gaug yaid yo, re gyu" yang ngin" ru: lam ga" ra" logyo: wa yao: re nhao: ke' ra" yaug: tau: mae" airu: ngaid mung: yao" asang tau: mae nhag' jo,14 yo nhao: li" nae". – Byid: nae" ga: ta" to: mung: mabyid' ra" mo, wa mug: qid mabo: ra" jham thaui: we' la ru: ngaid: ra".15 Nhag' lam: qhang qhang za: zang: qhao" ra" yaug wa jhaung zug: re qo" shang" jhu" yu: ra". Dao: lho" dao: yo ba: jhau: ru wa qug: gyug: nae bai" sho' qo"16 kaid' ra". – Byo: yhid re ga" laug shaug'17 wa, saung" shaug' lao" phoe" ba: ra". – Ni" yham kyo: cao: yham mae myao" sho' daye: jhau: nai" na.Nao re phabau bau18 mung: nghang" li" nae". – Yham kyo: cao: qhid' mae" madang: ra" sagso: kham: yaug wa thao: khyaung: shae lhae we' dau: ra".19 Lam maga" ra" byu re qug: khai: thaung" qhug' ra" au: myid: lam: ru wa zaui laui: khe' yang vo" ruru: khyid lhag' yang: kaui: su" re"ru: ngaid: ra".20 Nhag' ngai: na: ra" yaug re nghaui" thoe nghaui" kyo" ru wa gyo, yo, mae bau: khyaid' pye' byid' re"ru: mangaid: lao" myo, no mae cao: qang: ke' byid' re"ru:21 ngaid: ra". – Ni" gyevo vae: moe; qid shab'22 na: re byid: zho: byid: jhaug' wa, . – Ai ru: kaid' re yao" au: dao mae myi: gyoe: kai" to: mung: AsAng wa nao re jhaung qhu"23 aphug' byid' li" nae". – Qid meim: la wa mug: ce' re ci: lo: ru we' dakhyo: su: gaui mho: ru wa su re nhag' yo: nhao ba: ra".24 Nyung: ra" myhi" zang we' byu myo" ra" yham mae na nae" tho' mae yham khaung25 dao mae na nae" ru wa je: gai: ra". – Mug: va: mae" joe" lo: ra" lau dao: gai wa qid shab' au: the' shaug' ra" qid cae: danhaid'26 we' dau: ra". – Byu gai dayaug wa makhy- ang: mashab: ra" mo; qhid' kheim: mae zai" shaid' nghung" ru wa moe: ru we' qid bab bo: ra" qid thug' qid thaung: we' dau:27 ra". – Byo: yhid re shaug' ze: ru magai: ru: yao: yao" myo, nho nga: lao: qho: ra"28 yaug wa myo, nho sham nae". – Yao: yao" nhag' lam: re maqo" khang" ra" yaug vo kham" byo, mung: gyao: lao vin" ngaid: ra" vogaung: we' dau: ra".