1 Makhyang: yaug wa cao" khe' yaug mabo qere: tao" phao ba: ako".Nhag' lam: dang main" ra" mo, kam" wa Lo:tin: re"2 ru: vae" ako". – Mang: byu qe: mathao mae jhaung zug: dayaug: thao dayaug tao" zaung: li" genae". Sozo: du: ba: myid: qu" ra" yaug au: jhui" she: re ai: mang: din" qam: bo mung: gang" tang: jo; li"3 nae". – Myaung sho: mo, re deim" zag zo: qhug' ra" myaung yaug wa qhovo: re be; nhaug' se' pye' ra" mug: ce' we'dau: ra".4 Tarha" re pe" shui manho: ra" yaug wa , mashab makhyang: yaug: bo: de, yaug ngaid: ra". Tarha" cao" ra" yaug kam" wa ai bam we' gye kaid' yaug ngaid:5 ra". – Makhyang: mashab mo, wa tarha" ga" ru pe" ngaid: ru maba ngaid: ako". AsAng re qho: ra" mo, kam" wa ai: tarha"6 re nyang" za: ba: gyo" ako". – Nhag' lam: dang main: mung: myaung sho" na: ru wa jo, nho" qo" mung: nhag' lam: kaui:7 ra" yaug tho' je: gai: ra". – Tarha" cao" ra" yaug wa sozo: du: yaug ngaid: ra". Pe" khyag' mathaid' ra" byu qe we' zam" ra" yaug wa yao: pho" re qho' phyo' yaug8 ngaid: ra". – Su re vhain" yang: ngaui pai: pai: zo" dai yaug: jo, nho" wa myaung mo, re nhag' ba: khyag' yaug: lo, khug vao lo"9 li" nae". – Tarha" macao" ra" yaug jhaung: mho' thoe wa Mo"so: qhid' kheim: maca' majhaid' ngaid: ra".10 Nhag' lam: din" ra" yaug re magai: ra" shaid' khyo ju" phyo' ra" yaug wa yao: dau" ra" dung: gyain: mae yao: gyo" li" nae". Nhag' myid din" ra" yaug kam" wa jhaung11 qhu" Ma re qo" khae: yu: li" nae". – Ngaui hhang jo, nho" qo" ra" mo, wa yao: yao: re juyi ba yaug ngaid: ga: myid: jho ba: ako". Au: naug: gai: ra" myaung sho: yaug kam"12 wa ai: yaug tho' je: gai: ba: ra". – Byu gai qe kheim: so' qo" gelao" yaug khao: ngo" ngaui bau" ako". Mang: ug yaug magai re kam" wa mang: byu qe phao: sin" lo"13 ako". – Yao: yao" qobo re zug' to" ra" yaug wa yaug yo: ru maqhug' ngaid: ra". Yao: yao" qobo re ba yang: mho' bain" ra" yaug kam" wa nhag' myain" ru qhug' li"14 nae". – Khonhae" re: gyaug phug' na yaug wa, nga: lho" nae". Nhag' lam: qain: ra" yaug kam" wa qug: khai: thaung" qhug'15 li" nae". – Myaung sho: mo, re ug: ra" zug: lain wa kyid' na: ra" Lo: tin: we' lae"16 lhang: qin" ra" vae we' dau: ra". – Nyain: mabo: ra" zug: wa pyam" yhin" ba: ra". So' kho' myo, no; rure nghang" ra" zug: kam"17 wa myao" myao" qo" ug: li" nae". – Byu : kao re yhin" se' ra" yaug wa lab bug mang: khung: khyo tao" ye" lo" shao: .Khag' re:18 daye: tam" pye' ge,. – Din" ra" khyo gau: mae su" ra" yaug wa qug: khai: mae" loe, nae". Akaui aga: su" ra" yaug kam" wa19 gyang: lang" lo" nae". – Yo thaung: qam: ke' zaui: so" ra" yaug wa gyi: gyi: qhug' zo" li" nae". Ayo, akhin: re mageim: za: na: lhai: pye' yaug kam" wa myaung sho" ru qhug' li" nae".20 Kyid: ra" nhag' myid bo yaug wa na: dai mung: yaug yo: li" nae".Jo, nho" qo" nug yang: hin so: ladain mau" zaui" ra" yaug kam" wa zai" shaid' mung: dae phau"21 li" nae". – Byu: myo, nho magai: khyin. Cinman" dayho' za" mathao mae tarha" re22 nai: lhang: ke' ru wa magai ngaid: ra". – Jo, nho" qo" nae" re za: myid: hin: na ra" yaug wa nhung: ra" nhag' lam: bo: ra".Thao re myaung sho" lo" nae" rure maba ko" ngaid:23 ra". – Byu re jhu" dao: ba: ta" ra" yaug jeju the' yu: ra" tho' qobo byid: mho" shid' kyang" ra" yaug wa je yang: so' ha" qo"24 nae". – Myhi" pho" jo, nho" re yu: ru wa qobo mangaid: ga: myid yang: lhaid' yu: ra" yaug wa phyo' qheim" ra" yaug: byin zam"25 cao: ngaid: ra". – Myo, no; ra" nhag' myid bo yaug wa myain" myo: sho she nhao ba: ra". AsAng re khug ngha: ra" yaug kam" wa26 na: gai: lo nae". – Yao: yao" nhag' myid khyo" za: cao" yaug wa kopyaid' ngaid: ra". Juyi: khyo mae cao" ra" yaug kam" wa qug:27 khai: mae" loe, nae". – Masho: majhin: mo, re byid: gae yaug wa khonhae" re: myaung nae" mangaid: . Ai re jao" pye' ra" yaug kam" wa nhang: kheim: zao" ru qhug'28 nae". – Makhyang: mo, kheim: so' qo" li" gelao" mang: byu qe phao: vho' ba: ako". Byo, qeim: lo" byaug lao" dang main: mo, myo" laug: li" ako".