1 Gai mung: ave; yang nga: lho" ru wa jo, nho" dai kham tho' je: phug' de; ra". Byu myo: sho' yang o ngaui: ra" jeju wa ngaui2 tho' je: phug' de; ra". – Myaung sho: yaug we' qo" yaug dau:ru daja: wa shid' zo" geim"3 re Mo"so phain: to" ga" ru ngaid: ra". – Jid' gam" jao gaug ba: myid: qu" ra" yaug wa thaung" qhug' nae" qug: khai: re byu: myao yang: jao" pye' li" nae". Maba: myid: qu" ra" yaug kam" din: za: ye" lo" mung: qug:4 khai: thaung" qhug' ra". – Mo"so re gyaug phug' ru , nhag' lam: nyham: khyo" ru aire jo, nho" we' nga: lho" ru qhug' mung: kao qhang nae".5 Nhag' lam: kaui: ra" yaug su" ra" khyo dang mae zau: jam" we' taui: kheim" jo; ra". Yao: yao" nhag' lam: solo re qo" gug: gam: ra" yaug kam" wa va: va: mae" jao"6 pye' li" nae". – Zoshao qe ye" lo" ra" khyo dang mae mho" shid' wa, airu: lao" yao: wa ai: khyo mae" malai: lo: mao: sho' cao"7 li" nae". – Ngaui qo" yaug wa myaung mo, re qo" ug: gam: ra". Jhid' shai: ra" yaug wa jhid' shai byid: yaug jeim ngaid:8 ra". – Qobo myug: shi: sin" ra" yaug wa qug: khai" ashi: re qhug' yaid: yu: li" nae". Nhag' jam: yo: mung: qobo dae byid' ra"9 kheim: so' re: baui" lo" byaug nae". – Byag: ra" myid mabo lo: myaung sho: mo, re zho: jhaug' ra" mathao min jhaung: qo"10 nae". – Ngaid beim" ra" yaug re kang" thug' pye' wa, ailao" jho" ngag jho" byo; jho" zai" shaid' ru majo, lo: nae".11 Nhag' lam: shaogyang" rure o: ra" yaug wa dau nyang: ra" dao: thoe ba: jhau: mung: jhaung zug: we' ba nam boe" lo: li"12 nae". – Mhug' hab' qe: dao: re Mo"so wa gyo" lhaui" pye' mung: juyi bo: ra" dao:13 thoe jham re xam" to" ra". – Byu noe" shoe: yham kheim: mae lo:tin: na: ra". Khyo khyo thug' ye: lao" ngo shid nae" ga:14 ta" ba: ra". – Magyang" shao: ra" myiqe" nhaid' wa myid sao: dung: ngaid: ra". Mo"so: yang ca' ra" mo, ai: dung: gyain:15 khug khyo gyo" li" genae". – Zoshao qe wa mangaid mangung" atug' akhyug' mau" re lhaung" ba: kaid' thug' li" ako". Mho" shid' ra" vose: kam" wa yao: bam re nyang" za: ba: to: genae" tau: mho" shid' byid'16 ra". – Myaung sho: mo, re deim" zag: yhin" ra" yaug we' ngaui qo" ra" mo, re byid' gae: ra" yaug wa dang dang myaung: lo" byaug nae".17 Juyi ba yaug: dao: re no: khae khae mung: tae" gyo: wa, . Nga" juyi re nhag'18 khug mae xam" to: wa, . – Ai jham re myid: xam" ci mung: dam: qo" ta" re ngaui19 bau" ru qhug' nae". – Nao Mo"so re khug ngha nae" akhyo nao yao: re ngo ana" ba20 mho" shid' nae". – Nao ana" ba dang main: ra" dao: kheim: ba nae" we' nao jhao" nhao: ke' ra" yaug re dang main: dao: qo" ta" nae"21 tau: pin: ke' mung: , – Juyi qhu" byid: zo" mug' pho" akhyo jham re ngo tung" mung:22 byid' ke' va" mangaid: i"?. – Myaung sho: mo, re gaui qu" yang: yao: bam: jo, nho" re dalhaid' yu. Khyid yaung: lo, mayo" qug:23 khai" na: ra" yaug re dayhin". – Pe" mung: ga" re Mo"so wa ai ru" mo, re gug: gam: na: ra". Yao: bam: jo, nho" zai yo re lhaid'24 ra" mo; kao re yu: pye' nae". – Nhag' lam: lang" ra" byu qain qe we' ba nam dakaid'.25 Nhag' jam: yo: yaug: thao dacao". – Cao" re yao: bam: ave, nao ba mung: ni" kao26 dau: je, nae". – Lo, vo: cao: jho" be; ra" byu zhain qe we' yao" jhin re bokham: ra" mo, thaui: khyo davao.27 Nao maqo" xe' yang: ngaid: re wa yao: bam ni" yab qo jham re li" yu: pye'28 li" genae" i?. – Ni" phug' phyid' qe zhaug' to" ra" yoso" dang: laug: re khonhae" re:29 daqhui: . – Zaui: so: ca" ra" mau" zo" re qam: qhao: zaui" kyab' ba: ra" byu na: i"?. Ai: yaug wa mang: da: voyo: byu qe maqo" zaui" ra" jhaung zug' mau" re qo" zaui" ra".