1 Kopyaid' re khin" ru wa zin vao kheim: mae nghin khyo" ruru: , byao gin mae mug: qu: ru we' dakhyo: madau ma ang2 ngaid: ra". – Nhang: kheim: wa nao re zao" nae" mamain: qi" re wa ai: nhang: kheim: wa dao" lai: lo" ra" ngho' jham we'3 dau: ra". – Myao: re jang vai" yang be, ca" , lau gung: myao: re nhaid' kho' byid: ca" ru we' dakhyo: kopyaid' re vose" yang4 mho" ca". – Mangaid makhung" ra" dao: myid: re phaug' tau" re wa nao yao: re: mangaid makhung" ru myid yaug we' dau:5 li" nae". – Ma ngaid makhung" ra" yaug: dao: myid: re ma ang: ra" khyo" phyid byid: wa, ai ru: mangaid: re yao" nhag' myid6 nghao" li" nae". – Kopyaid' re dao: pyang: ke' ru wa ni" khyid re nao yao: phyid' pye'7 ru we' dakhyo: boe" nae". – Kopyaid' dao: zham" ta" ru wa khyid goe: yaug khyo su"8 ru we' dau: ra". – Mashab makhyang: yaug re caung: khin" ru wa laug baui bam mae laug nyug ce' pye' zaui: ke' ruru: boe"9 ra". – Kopyaid' dayaug wa juyi dao: khyo: re ci mung: nao re ta" peim" na: ru wa yhid yid yaug yao" lo, mae" zau: thung:10 na: ru we' dau: ra". – Kopyaid' re o: kaung lhaung: ra" yaug wa yao: we' tin" ra" mo, re11 dae no nhao: ru za: ngaid: ra". – Da lhang shaid' va" rure dam: shaid' nghung" ra" kopyaid' wa yao: daug: to" ra" ru re dam:12 gaug zo" ra" lakha: we' dau: ra". – Ngo juyi ba: ga: jho: ra" yaug na: re ai: yaug mae myid: nghae" ra" akhyo jo, ra" tho' byu vhang: yaug mae myid: nghae" nae" khyo je: jo; ra".13 Byu noe" shoe qe wa yham kheim: mae lo:tin: na: ra". Khyo mae lo: tin: na: ra" ga:14 ta" ako". – Kham: the: wa kham: lhang mae lhang: na: ru: byu noe" qere: yao" yab15 qo mae phaug' lhag' na: ra". – To" noe" va" yaug wa yao: yao" nhaid' mae zo gaug: ke'16 nae" lao" re: gyai qug' ako". – Noe" shoe: ra" yaug wa yao: ta" ra" dao: jham re ngaid: ra" khyo" qo" ta" pheim mo, nhaid' yaug tho' je yang: laba lajhao bo: ga: myid: li"17 genae". – Yao: we' matin" ra" myain" myo: jho" ngag: ru mae yebo: bo yaug wa hau" mo" khyo mae" lakha" no: khye' re ye: lao:18 byid: yaug we' dau: ra". – Dayaug yaug19 re khyo nghung: jhui" nghung" , – Yham kyo: cao: we' mageim: anghin" keim" re ga: ta" yaug wa shid nhao ba: ra" myi: , myo: khe' , zo: zai" zai" ra" ago we' dau:20 ra". – Thao: khyaung: mabo re myi: shid: lo" ra". Su: gaui mamho re myain" myo"21 ru jo; tae" lo" ra". – Myi: gyoe: wa thao: khyaung: mae de, nhao: ra". Aqug: aqe" mau" boe" nhao mo, wa jho" ngag: rure22 xo' boe" nhao: ra". – Ju" phyo' ra" dao: kheim: wa myho' ra" zo: pho: ru: ngaid mung: nhag' lam: aung khug khyo vao lo"23 ba: ra". – Nhaid' yaung" yaung" ra" ru we' nhag' lam: kaui: ra" ru wa myid zhai: ug' mae yae: qang: sheim" to" ra" ug' cug' we'24 dau: ra". – Geim kaid' yaug wa yao: ta" dao: lho" jham: nhaung thao" mae magai:25 ra" nhag' myid nyham" to" ra". – Airu" mo; dao: lho" wa no: yaug: yo ngaid qere: dalam" , yao" nhag' khug mae ca' gyaug26 pho: nhaid' ja: ba: ra". – Yao: wa yao manug mung: ra" ave, re nghoe' to: ba: ra". Ngaid qere: yao: makhyang" ra" lo, mau" zo" re byu qe: qhid' kheim: mae de: de:27 za: myao: li" nae". – Dung: khung: dau" ra" yaug wa yao: dau" gyain: mae yao: gyo" li" nae".Yao: deim" lhang" ra" laug baui:28 yang yao: re nhai" li" nae". – Ba: mhug' ra" yaug wa yao: yhin" ra" mo, re gyid' ra". Ba: shang: ba: jhu" ra" yaug re: phyo' qheim" ba: ra".