Dao: Zham"-24

(SHAO GYANG" JHAM: PAUG' )

切换到福音影视网-新版圣经

  • 1 Mashab makhyang: mo; ave, re daqu" cao" nug. Yao: bam we' re: zam" khug nae"
  • 2 damyid. – Yao: bam wa anhaung" akhoe' kaid' nae" za: myid: ako". Nhaid' khyo"
  • 3 re: gye byo, dao: za: ata" ako". – Juyi laba lajhao: yang yham dang: ug' khug' re vai"
  • 4 to" ra". – Juyi laba lajhao khyo" yang qe, khug byang" sho' jo,nho" dai kham qo"
  • 5 lo nhao: ra". – Juyi bo yaug wa qam: o: kheim: so' qo" ra". Laba lajhao we' jab byang" ra" yaug wa qam: o: myo" je" lo:
  • 6 ra". – Juyi bo mo, we' byin qham mung: gye mau" agai: zaui" ra". Juyi ba: byid: mo,
  • 7 myo: sho' bo lao" za: aung doe; ra". – Juyi wa saung" myhao yang: byu vhang: qe maqo" myhi. Vomo" kham: dung: mae dao: re: mavae" jhau ko".
  • 8 Mangaid makhung" mau" kaid' nae" myid: yaung: to: yaug re lhau: phyo' yaug
  • 9 ga: su mhang" genae". – Kopyaid' qe myid: yaung: to" ra" mau" wa qobo za: ngaid: ra". Su geje re magai: khyo" za: lau mung
  • 10 yaug re byu qe ca' ako". – Nao qug: qae" thaung" qhug' ra" au: nhag' lam: gyug'
  • 11 ngaid: re qam: nang" ru ngaid: ra". – Lab khyo jhui" ye: mung: se' pye' naeva" mo, re nao wa khyaid' yu nae" tau: qam: maphin:
  • 12 lo: na mung: , – Ngo we' pe" matin: ga: nao ta" qere: ni" nhag' lam: Solo re qu" zhaug' na: ra" AsAng wa myao: ba byid: mung: byu yaug khao: ngo" re yao: yaug yao" ave, re
  • 13 cao" yang: aphug' dae byid' li" nae". – Nga" zo: we" byo: yhid shaug' wa, ai wa gai: ra". Byo: kye' mae" byo:yhid wa ni"nhaid'
  • 14 sho mae cug: ru we' dakhyo: , – Nao the' myao: ra" Juyi wa ni" nhag' myid solo re min qo" pyang" byid: mung: nao myid: nghae" jao: ma thao" gai: ra" akyu" the'
  • 15 khae: yu: li"nae". – O" makhyang" ra" yaug we" dang main" ra" yaug; yham re daye: jhug' qu" yao: na myain: rure daye: phyo'
  • 16 qheim". – Dang main" ra" yaug wa nhaid' lhang lang" be, ngaid qere: dam: qo" to" li" nae". Makhyang: yaug kam" wa qug;
  • 17 khai: qhug' yang: baui" lo" nae". – Ni" gyevo gyang: lang" lo" au: daqu" bau: , yao: khyid au: the' thaung" ra" au: qu" ngaui:
  • 18 myid dabo. – Airu" nhag' myid bo: ngaid: re AsAng Mo"so ba mung: maqu" o nae". Ailao" yao" nhag' yo" ru lhang: pye' li" nae".
  • 19 Makhyang" ra" mo; mathao mae nhag' lam: daqu" laung , yao: bam re o: daqu"
  • 20 byid. – Pe" mung: ga"re mashab yaug: tau: qhid' au: mae jeju qo" nae" mangaid:. Azhaug' amhe' kaid' yaug; myi: dam shid;
  • 21 lo"byaug nae". – Nga" zo: we" AsAng re re: Jhaung zug: rere: gyaug phug' wa, yao: shid' zo: re tau: lhain: mo, we' dabo:
  • 22 be; baung: . – Ai ru" mo, wa khomyhao" mamyao" re byo, qeim: lo" li" genae".Ai shid' yaug; athao" re khoyaug gai: qo" ba nae"?
  • 23 Juyi bo mo, we' tin" ra" mau" wa tarha" pyam" ra" au: myo, nho magai: khyin ga" ru
  • 24 ngaid: ra". – Qobo qo" yaug re dang main" ra" ga: ta" re wa yao: re yaug khao: ngo" yang ceim" nhang" li" genae". Byu boe:
  • 25 khao: ngo" re: ca' li" genae". – Qobo re ceim" shid' yang: ba: mho" shid' ra" yaug kam" wa nhag' jo, yo mung: nga: yhe' ru
  • 26 qhug' nae". – Dang main: ra" khyo" ba: jhau: ra" yaug: nhaid' dao: thoe re yaug
  • 27 khao: ngo" gyo" ngaui: ako". – Jao: dae mae mau" kyae wa, yothaung: yogug re nao yao" tau: qo" seim" nyhang" thao yham
  • 28 dang: ug' khug' vai" se,. – Ni" yham kyo: cao: re zao" nho nae" sagso: dakham: . Ni"
  • 29 nhaid' sho: yang su re daju" phyo'. – Yao: ngo re kaid' ru we' dakhyo: yao: rere: ngo kaid' nae". Yao" ave, re qu" yang: ngo yao:
  • 30 re qobo dae byid: nae" ein: data". – Byu noe" shoe: yo thaung: nhae khyo" we' laba lajhao mabo: ra" yaug: Sabyi' khyae nhae
  • 31 khyo" ngo su" lai: ye" lo" re , – Yao" yo thaung: myo, se: byaug mung: myo, gae jham: yang: se: nghoe' to" ra". Yao: khyae
  • 32 kyae" to" ra" rure: gyoe; jo; ra". – Aire myao yang: ngo gelho: myid: phaid' qu" mung: lag ba: qu" yu va".
  • 33 Dazab yab dazab pyo: yab mo" myid' mung: lo, pyid' thaug' ci yang: za: na: na:
  • 34 re, – Myaung sho: ru wa gyaung: su: yaug re" ru: jo, nho" lhau: paui" ru wa gyevo re" ru: joe" li" lo nae".
回到本卷目录 回到本版本目录 回到首页