1 Ne, mo" ba mae" ge, yang: damyid: bau" nghao". Daba: aqho" mae pe" boe" lo2 nae" ru khag' re: maba ngaid: ra". – Yao: yao" gaung re daphug dakhin", su: yang khin" vegeshao: . Yao: yao" nhaid' thoe: yang yao" gaung re makhin" shao: . Getau:3 byu qe: yang khin" vegeshao: . – Laug je, we' ma coe wa la" ra". Kopyaid' nhag' yo"4 ru wa ai shid' ja: tho' la" ra". – Nhag' lam: qao: ru wa qain: ra" nhag' myid bo: ra". Nhag' jam: yo" ru wa gyaug pho: ngaid: ra". Nyung: ra" nhag' myid re khoyaug qo"5 tam" pye' nae" i"?. – Bao bao za: mho" shid' kyang" ru wa sae sae za: jho" jhid' ru6 tho' je: gai: ra". – Ba nam wa nao re dae no nhao ngaid qere: agai khyo" amyid byid' ra".Gyevo wa bobaug geim kaid' yang: ju"7 phyo' ava". – Zo" gyi: va" yaug wa byo: min" re lao" ha: pye' li" nae". Moe, shab' ra" yaug kam" wa akho: re lao" cug thoe gyo"8 li" nae". – Yao: yao" na jao: re to: co' mung: lae" vhang" qin" ra" yaug wa yao" said' re9 to" pye' co' ra" ngho' we' dau: ra". – Sheim nae pyo" ra" xau we' xau qang: wa byu re zung: nhao: ru: , lam: lang" myid we' juyi ba: byid' ra" ba nam: jhid' kao: ve, lho10 wa zung: nhao: ra". – Ni" pho" ba nam we' nao yao" ba nam re dashepye'. Nao qug: khai: thaung" qhug' ra" au: ni" mao: nhaung" yham khyo daye: .Jhao" na: ra" yham kyo: cao: wa va" na: ra" ni" mao:11 nhaung: tho' je: gai: ra". – Nga" zo: we" juyi bo taung" na wa, gaui mho shao" pyao: ra" yaug: dao: re ngo qo" phyid sho' nga"12 nhag' myid re yaug yo nhao la, . – Laba lajhao bo mung: xam: mag: ra" yaug wa qug: qae" re ba: byu: myao mung: qo" jao" pye' ra". Laba lajhao nang" ra" yaug kam" wa gelho: za: maba: myid: qu" yang: qug:13 khai: thaung" qhug' ba: ra". – Bang" vo dayaug: tau: we' mang qeim va" myiqe: myhi" dayaug: tau: ama' bokham: ra" yaug wa mai bau: jo, nho" daja: ja: re ngha: to:14 shao: . – Ni" ba nam dayaug re ne, seim no' mae" thoe mo" ke' yang: caung" ru wa yao:15 re ye: nhang" ru boe" ra". – Nyung: ra" myhi" zang wa qu mo" thaui: mae" mug:16 ce' we' dau: ra". – Airu" myiqe: jhui" na yaug wa la re zam" to" ru we' dau: ra". Lo, mae xau zhab' ci: rure maqo" tam" ngaid:17 ra". – Jo, to' re jo, to' yang saui" tho' yu: ru we' dakhyo: byu wa yao: cao: yao: mae" jho" mho" xeim: yu: ra".18 Pho' ham" gae qu" caung yaug wa pho' ham" shi: the' zo: nae". Aire" ru: AsAng: mau" re zaui: so: vin vo, yaug wa nga:19 yhe' qhug' nae". – Qid mae qu" re byu: myo, khung: jho" dau: ru byu dayaug we'20 dayaug: nhag' myid jho" dau: ra". – Movo: mug: we' no; thao" dung: gyain: wa matho' byang" ruru:, Byu: myo, re: o: ru matho'21 jab byang". – Hhang we' ngaui re myi" yang gai: phaid' kyang" yu nae" tau: myi: khyeim" jo; ra". Byu re kyang" yu nae" wa22 su geje: yang caung: khin" ru jo; ra". – Ko pyaid' re , gaug re xam mae gyid daung" yang thaung" ru: thaung: qere: magyang" rure wa maqo" thaung" thug' pye' ngaid:23 ra". – Ni" yao we' gug' nyhug' jham re24 gai: boe" qhi" qu" caung wa, . – Jo, nho" dai kham wa magang" tang: jo, ngaid: ra". Jhaung zug' jo, nho" re: byu myu" byu xag' ru: magang" tang.25 Myo, gae re: yaug: ra". Qhovo: zo: re: qang" ra". Taung yo mae" ashi: re: jham"26 yu: ra". – Yao mug' mae" nai" yu: ra" sug' khyang: yang mai bau: gai qo" qo; yu: ra". Caid' zang dadau: mae" nug' jhab' aung: mung: qo" ra" ngaui: yang myid gaung qo"27 vai: yu: ra". – Dang: ra" caid' be, jham wa nao we' ni" yham byu qe: tau: we' daui nhao myiqe: nau" qere zho: jhaug' nae" caid' nug' byid' li" nae".