1 Jhaung zug: we' nao daga" zo:shaug' na: au: ni" qhid' kheim: mae khag' na: rure2 gelho: myid: qu" wa, . – Nao zo: shaug' myo, no, yaug ngaid: re nao yao" gaung3 re tu" ka" lha" wa, . – Jhaung zug: da" zho" ra" zo: nam re myo, no, so' dakho'. Yao: wa nao re juyi khyug' na: ru ngaid ba:4 ra". – Ngaui qo" nae" khyo: qam: dake'.5 Nao yao" nyain: re dakhug ngha. – Byaug: lo" ra" ja: re zhaug' qu" na ja: i"?. Dang dang Zeim baung: re" ru: la dao mae dao"6 gain: lo" byaug ba: ra". – Nhung yaug: zo: shaug' re dazo: , yao" zo: pho: shaug'7 pho: re daqu" so' kho'. – Laung: zo: shi: wa, ga: yao: ta" ngaid qere: yao" nhag'8 khug mae ai: khyo: mamyid. – Nao zo" ra" zo: nam re dam: phoe" pye' li" nae". Nao yao: re caung: khin" rure: aseim boe"9 byaug nae". – Kopyaid' the' gyo: sho' dao: daye: jhau. Ni" dao: kheim: mae bo: ra" juyi re maphug' makhyaid' kaid' li"10 nae". – Qhid' phyao: mae" zhaug' to" ra" yoso" dang: laug: re daqhui: , Cug' zo:11 nau" qe: yothaung: re daye: lhaid'. – Yao: bam re gug: gam byid' ra" yaug wa kheim: so' bo mung: yao: bam: thao khyo bobo:12 li" nae". – Phyo: mho" dao: re nhag' kao" vao" taung" khae: yu mung: mho" shid' ru13 re gyo" yu wa, . – Zoshao qere mamho" shid' lo: dana, ga" laug zo: vose" yang be;14 re mashid nae". – Gai lho" vose" yang yao" kao so' solo re movo: mang: mae" khyaid'15 yu ca" nae". – Nga" zo: we" ni" nhag' myid mae juyi bo: re nga" gaung khyao we' nhag'16 lam: ngaui bau: nae". – Ni" nhaid' mae" dang main" dao: ta" re nga" noce' yaug yo17 nae". – Qobo qo" ra" mo, re daqu" nhung , dane; geim" AsAng re gyaug phug' ru yhau: gyin: to: wa, .18 Gaigai: yao: dao: phyid' nae" ayo, joe" li" nae". Nao myid: nghae" ra" khyo19 mabyo; qeim shao: . – Nga" zo: we" nga" dao: re tae" gyo: yang: juyi bo mung: ni"20 nhag' myid re shao kyang" wa, . – Sabyi' yhid shaug' yid mung: ai: zo: shaug' re au: am: yaug , nung: sho: zo" ze yaug we' byin21 zam" dakaid'. – Zo" ze yaug we' shaug' ze mo, wa myaung: lo" li" genae". Yab; ze: ra" yab bab byu wa mai jaid: thaui: mae lang:22 nae". – Nao re khau myhung: ke' ra" ni" pho" dao: re tae" gyo: wa, kao qi: va" myhi"23 rere: maphug' makhyaid' dakaid', . – Dang main: tarha" re vai: yu wa, , da-aung" pye'. Juyi rere: phyo: mho" dao: rere: laba lajhao24 qam: o: re re: ai ru: za: kaid' wa, . – Dang main" ra" yaug: yao: pho" wa gyai ngaui bau" li" nae". Juyi bo: ra" zoshao re khau: ke' ra" yaug wa ai: zoshao: dao mae nga:25 gai: yu: ra". – Ni" myhi" pho" tao ngaui bau: mung: nao re khau myhung: ra"26 yaug wa qi sam: su nae". – Nga" zo: we" ni" nhag' myid ngo mae ngha wa, nga" na qab: ye, bao re gelho: za: qu" xam" ci27 wa, . – Yaug zhang: myhi" wa no; thao" myid sao: dung: ru: , ave, made; ra" myiqe:28 wa dung: gyain: ru: ngaid: ra". – Yao: bam wa cangtau: jham re"ru: lham: na ba: ako". Dae xo: ra" yaug gai myo: sho' re jhui"29 poe" ke' ako". – Khoyaug wa nhag' ngai: na:? khoyaug wa kaug' na: laug? khoyaug wa gye she: na: laug? khoyaug wa nyung: na: laug ? khoyaug wa dae no: na: laug? khoyaug wa myo, nae nae mung: na: i"?30 pe" mung ga" re – Sabyi' yhid re mathang mano: shaug' ra" yaug , mocid' nyhain" to" ra" sabyi' yhid re qho shaug' ra" mo, ai: ve,31 boe" ko" ra". – Ai wa byao byao ne mung: keim khug mae re: qid qid mung: kud ein: shaug' ke' nug taung" ngaid: ra" sabyi' yhid re daqu".32 Lo" thao" mae lhao maui ru: bin: ba: ra". Maui bab: thoe" re"ru: no nhao ba:33 ra". – Ni" myo, jid' wa ve, mavin: ra" myiqe: re zhaug' qu" mung: ni" nhag' khug34 mae" re: dao: qeim jhau: li" nae". – Gaigai: yao: nao wa qid dae mo" dao mae yab: jo, yaug , lha thao mae yab: jo, yaug re"ru:35 ngaid: li" nae". – Yao: bam ngo re be, veko", ai qere: ngo mano. Ngo re theim ko" qere: ngo maba. Khoyo, mae" ngo so" lo nae". Dam: dalhang ngo qho: qu" shi: nae" ga: nao ta" li" nae".