1
Jhaung zug' nhag' myid wa qid zo: gyaung: ru"ru Mo"so: lo, khug mae bo: ra". Yao: myid: o: ra" khyo: lhang: ke' na:2
ra". – Byu qe wa yao: yao" ave, re myid: ngaui: ra". Mo"so kam" wa nhag' myid re3
ca: qu" na: ra". – Mo"so wa xeim: ngaui" byid: nae" tho' mae dang main" ru we' tarha" cao" pyang" nae" rure je: o ngaui:4
ra". – Ngaid beim" ra" myo, nho geim kaid' ra" myo, nho tarha" maci: ra" mo, abao re:5
qobo bo: ra". – Qam: qhao: yang: myid: yaung: to" ru wa magain: mago" qo" li" ru: tarha" shaid' maye, so' kho' myo, no; ra"6
yaug wa sho: jhin: ru qhug' nae". – Madang mamain" ra" khyo" qho: qaung" to" ra" jo, nho" jham wa khomyhao" mangaid: re baui" lo" byaug: li" nae". Ai mabaui: shi: re shid zug' nhaid' khyo jhui" vao lo" li"7
nae". – Makhyang" ra" mo, wa gai: ra" khyo" kaid' nae" re mangaui. Yao: bam8
yao" lo, mau" yang jeim: genae". – Khyo nghung" lo" ra" yaug wa va" ra" khyo joe" lo" ba: ra". Shaogyang" ra" yaug: mau" wa jo: ra".9
Nyung: ra" yham sang myhi" we' byu myo" ra" yham mae na nae" tho' yham thaung" jheim mae na: ru je: gai: ra".10
Mashab: ra" mo, wa nhung: ra" nhag' lam: bo: ra". Yham kyo: cao: re jeju kaid'11
nae" manug. – Maphug' makhyaid' kaid' yaug qobo dae qhug' re laba lajhao nang: yaug myid: beim" li" ra". Juyi bo yaug re mho" shid' re laba lajhao je: laung" li"12
ra". – Madang main" ra" yaug: yham khoru: byo, qeim: lo" rure dang main" ra" yaug wa myid: nghae" qu" na: ra". Madang main: yaug kam" wa yao" qobo mathao:13
yang qeim: lo" ba: ra". – Sho: jhin: ra" yaug mho' yao: na: rure no: jhid' to" ra" yaug wa yao: zag: hug' na qere: khag' magyo:14
byid: genae". – Sae za: yheim" ke' ra" jhaung qhu" wa nhag' gyid' na: rure lo, qaug byid' ra". khug vag: wa nhag' yo" na15
yaug re gai yo nhao: ra". – Dang main" ra" tarha" khyo" kaid' ke' re byu gai qe ngaui bau" ako". Makhyang: mo, kam" wa nhag'16
lam: thao" ako". – Ba jhao: ra" khyo mae" nghung" lo" ra" yaug wa Movo: mug: mae"17
lab jham we' qhug' na: li" genae". – Pyo: khyo za: qho: ra" yaug sho: jhin: ru qhug' li" nae". yhid we' xau re au: am" ra" yaug18
wa kho nhae" re: ngaui maqo". – Mashab makhyang" ra" yaug wa tarha" cao" yaug: tau: nhag' lam: kaui: ra" mo, wa dang main:19
mo; tau: gaung tha" phau: genae". – Nhag' lam: lang" mung: pyi qho: ra" myiqe: we' daga" na nae" tho' din" pyaid' yo mae ye:20
na: ru wa je: gai: ra". – Juyi bo: ra" yaug: yham mae phug' de; ra" zai yo we' xau jham byang" jo; ra". Nhag' magyang: mo, kam" wa ai qo" ai yhung" kain" pye' na: ako".21
Dang main" ru we' jeju qho: ra" yaug wa kao qhang nae". Dang main" ru we' myo, nho nga: lao: qo" nae" ngaid:22
ra". – Juyi bo: ra" yaug wa qam: bo mo; vo kham" re do, mung: ai: gang" tang: ra" khug ngha jo, qo jham re phyo' khyo"23
pye' ra". – Yao: yao" nhaid' we' sho re qo" lha" yaug wa yao" nhag' lam: qug: khai: maqhug' lo: sho' lhaug' zaung" ru ngaid:24
ra". – Qi: sho' nhag' jam: yo" ru mae bolaung" qin" yaug re: , ngaid beim" ra" yaug , maphug' makhyaid' kaid' ra" yaug25
ga: mho: ako". – Mau" manug: khao" ra" byu noe" shoe wa yao: yao" gaung re se'26
na: ru za: ngaid: ra". – Yao: bam the' yu nae" rure za: myid: qho: na: ako". Dang main" ra" yaug kam" o: mado lo: gae:27
myho" byid: ba: ako". – Mashab makhy- ang" ra" ngaui" xeim: wa maca' majhaid' ngaid: ra". Ai: tho' mago" mashaogyang" ra" nhag' myid we' ngaui" ra" xeim: wa28
je yang: ca' pho: ngaid: ra". – Mhug' ta" ra" sagso: wa baui" lo" nae". Yao: yao: the' gyo" ci: ra" yaug kam" wa sagso: qo"29
kham" na nae". – Makhyang" ra" yaug wa qho' maba ngaid: ra".Dang main" ra" yaug kam" wa yao: yao" gau: khyo re30
nyhang" ba: ra". – Juyi laba lajhao: yang re: khonho" juyi khyug' yang: re: Mo"so31
re gai: aung nae" mangaid: . – Gye khe' nae" myao: jham re seim" nyhang" to: ngaid qere: aung doe, nhao ru wa Mo"so za: ngaid: ra".