1
Sabyi' qang: wa vha" yu ba" ra". Yhid shaug' yid: re apyi avhang: boe" nhao: ra". Airu" ra" khyo" yang shaid' nghung" ra"2
yaug wa juyi mabo. – Jhaung zug: re gyaug nhao: ra" ja: wa Lo:tin: kyid' ru we' dau: ra". Nhag' yo: zai lhau: zhung" ke' yaug wa3
yao: yao" kao re shaid' ru ngaid: ra". – Gye kaid' ru re myain qo" myain" byid' ru wa nga: bo: ru ngaid: .Byu vhang: kam" wa pyi4
za: aqho: qin" ra". – Gyo, yang: noe" ra" yaug wa yo thaung: manug: kaid' ngaid: ra". Aimung: gaug yaid yo, re su jhao" mho'5
qere: maqo". – Byu: nhag' khug mae myid: yaung: to" ru wa no; ra" qid thaung: we' dau qere: au: naug: sozo: du" ra" yaug wa ai6
re qo" khae: yu: ra". – Byu qe wa yao: yao: kaid' ra" mau" gai: ra" akhyo re ta" ako". Dao: so: zaung: ra" yaug re kam" khag' yaug7
the' qho: myao ko"?. – Nhag' lam: din: mung: dang main" ra" gau: khyo re cao" ra" yao: pho" qo" ra" zoshao qe wa nga: lho"8
ako". – La kin dao zaung: jo; ra" jhaung zug: wa magai: ru alhab' re yao" myo; yang9
ba: myao byid' ra". – Yao: yao" nhag' lam: shaokyang" pye' va". Qobo maqo" lo: ga:10
khag' qo" ta" nae" i"?. – Madang main" ra" jao laug: we' majho" dau: ra" bung , tang11
Mo"so ca' ra". – Zoshao lao" re: yao: yao: kaid' ra" lo, mau" shao: ru mashao: ru , jo: ru majo: ru re yao: yao" ave, khyo" yang12
qhu" byid' ako". – Mo"so wa nao nhaung" re qu" nae" myo, jid' tae" gyo: nae" no:13
khye' re byid' to" ra". – Yab za: yab: jo, re nao myaung sho: qhug' nae". Mau" khao" yaug wa, zo:shaug' magain: mago" qo" li"14
nae". – Zai vai: ra" yaug wa magai magai ga: ta" ba: ako". Ngaid qere: vai: lo" thao15
mae kam" wa lo" phug: na: ako". – Hhang jo; , laug ne re: jo; juyi we' ba jhao: ra" nhaid' kam" wa gyai phug' de; ra" zai16
yo ngaid: ra". – Byu bang" dayaug: tau we' magyang" ra" myiqe: myhi" tau: mae bokham: ra" yaug jhao" mae" yao: qo" zai daja: ja: ngha zai khyo" yu: to: ca".17
Matin: ma-ang: ra" khyo" qo" the' yu: ra" zo: pho: wa cug myho' ngaid qere: aire zo: yaug: nhaid' mae ma coe ru: boe"18
byaug: li" nae". – Juyi ba: byid: mo, we' byin qham: re aung doe; ra". Agai khyo" byin qo" qham lao" za: gye agai: kaid'19
nae". – Lau mho ba: ra" yaug wa zug' to" ra" dao: re ta" hau" pye' ba: ra". Airu: mung:20
dao: myo: jhau yaug we' dazam". – Dayaug yaug wa myhi" pho" tao re nhang" ako". Ai: yaug: myi: dam wa caid' no, thau: ra" mae21
shid: lo" nae". – Jo, nho" Ma re saoqhid' maqhid qo" yu ngaid qere: lo" thao" mae22
aseim boe" byaug: li" nae". – Ngo dae co' phaug' nae" ein: damyid Mo"so re myid: lam lao" wa , airu: kaid' lao" khyaid' yu: ru23
qo" nae". – Mamain: ra" jao laug: re Mo"so ca' ra". Nyhang" byao: yu: ra" jao re: qobo24
bo: ra". – Xaosu byu qe su" lo" nae" gau: khyo re Mo"so nyhang" to: gau ngaid: ra". Aimung: byu wa yao: yao: su" ra" khyo re25
khoru: qo" ba nae"?. – Mo"so wa shao- gyang" ra" ga: ta" shaid' rure: dao: so: to: thao dam: myid: qu" ru wa dam: zo: we'26
thaung" qhug' ra". – Juyi bo: ra" jhaung zug: wa byu vhang: qere kho' sin" pye' ra".27
Lhin" yang pyag' ru qhug' nae". – Xaosu byu qe: nhag' myid wa aung khug mae bo: ra" gu: re ca: qu" na: ra" Mo"so: myi:28
baung: ngaid: ra". – Juyi we' dang main" ru: yang jhaung zug: re gang: tang nhao: ra". Yao" la kin tao" re: juyi mae zhaug'29
to" ra". – Zolau: qe: myo,nho nga: lao: wa qam: o: ngaid: . Mao: zo: qe: myo, nho nga:30
lao: wa au: phyu: ru ngaid: ra". – Dae no mae lhau: cid' ra" khyo" yang mashao: ru qo" kyang" ba: ra".Dae khu jham re: gaung khug mae ai ru" khyo" jeju re kaid' ba: ra".