1 Mhug' hab' boe" nae" tho' dang main: mung: myaung sho" na: ru wa je: gai:2 ra". – Nhag' lam: khug mae laba lajhao mabo lo: na: re magai ngaid: ra". Hin so: ladain su" ye" ra" yaug wa tha" lang: ba:3 ra". – Byu wa matug' makhyug' lo, mau" yang khyo nghung" lo" mung: Mo"so re4 qobo ba: zhaug' ako". – Jo, nho" qo" re ba nam gyai qo" ra". Myaung sho: mo, kam" wa yao: yao" yham kyo: cao: qe we' lao" maqhug' zam" khug ko" ngaid:5 ra". – Madang mamain" ra" sagso: wa qobo dae byid' ru qhug' li" nae". Mhug'6 ta" ra" yaug re: qobo maloe, nae". – Byu myo: sho' mo, wa zug' yang nga: yhe' nae" rure qho: ako". Jhaung qhu" byid: gae: ra" yaug re yaug khao: ngo" ba nam kaid'7 nug: ako". – Myaung sho: yaug re wa yao" mao: nhaung: sang: tin: qe lao" pe" dao" manghae" ngaid: ako". Yao" ba nam sang:8 cao: qe je yang: yao: re jao" ako". – Juyi re mho" xeim ba: yu: ra" yaug wa yao" Solo kao re jhid' ru ngaid: ra". Laba lajhao re nhag' de; ra" yaug re: na gai: ru qhug' li"9 nae". – Mamain: ra" sagso: wa qobo dae maloe, ngaid: ra". Mhug' ta" ra" yaug re:10 byo, qeim: ra" khyo joe" ba: ra". – Mashab yaug wa langa: khyo" magai: na. Ai: tho' mae jeim wa byu zang qere ug nae" ma11 ang ngaid: ra". – Ave, xam: mag: ra" yaug wa yao" nhag' lam: re qo" khang" li" nae". Dayaug yaug: yang magai kaid' rure maba nho hab kaid' pye' ra" ru wa qi: qhang gai shab: khyo ngaid: ra".12 Jhaung zug: nhag' jam: yo" ru wa Lo:tin: kyid' na: ru we' dau: ra". Jeju kam" wa myo, mae gyo" ra" nghin coe: we' dau:13 ra". – Nhag' mabo: ra" yaug gai zo: wa pho" re qho' thug' nhao: ra". Pyi ba: qho: ra" yham sang myhi" re: dazo, zo, gyo" na:14 ra" qu zo; we' dau: ra". – Yham yo we' jo, nho" dai kham wa myhi" pho" Ma ngaid:. Ve, vin: ra" myhi" zang byid' ru wa Mo"so15 ngaid: ra". – Noe" shoe: ra" nhag' myid wa byu re yab nug nhao mung: noe" shoe yaug re: vae: moe; qid shab' ru phau" li"16 nae". – Juyi re gug: gam: ra" yaug wa yao" kao re gug: gam: ru boe" ra". Yao: yao: ye" lo" ra" gau: khyo re mamyid: ca: qu" ra"17 yaug wa shid: ru qhug' li" nae". – Myaung sho: mo, re byid: gae: ru wa Mo"so re jhid' shai byid' ru ngaid mung: yao: zaui" ra"18 mau" zo" mae dam: tug' xe' li" nae". – Ni" zo: qere ngai: au: mae" mho" kyang: wa, ai ru: mamho" kyang: re yao: bam byo,19 qeim: lo" li" genae". – Nhag' lam: lang" ra" yaug wa qobo dae qhug' li" nae". Yao: re qug: khai: mae" dalhang khyaid' yu: re20 dalhang dam: khyaid' yu ca" li" nae". – Lo" thao" mae juyi ba yaug boe" nug: ngaid: re mho" shid' ra" dao:re tae" gyo: mung: cao" pyang" wa, .21 Xaosu byu wa aja: ja: re yaung: to" ra".22 Ngaid qere: Mo"so: agang" tang: ra". – Byu wa nhag' myain: myid bo: re agai ba: kaid' ru boe" ra". Myaung sho" ru wa mhug' hab'23 tho' je: gai: ashi: . – Mo"so: mho dao: gyo: wa, kao qhang nae" we' tin: mung: ai: ra" khyo" yang yao: nhag' dag: ru qo" mung:24 dae phau: nae" mae" loe, nae". – Byu da myo" wa yao: yao" nhaid' khug khyo zo: nam gaug: ke' nae" lao" gyai noe" mo,25 ngaid: ako". – Manug makhyaid' kaid' yaug re be; re nyain: mataung" gai: ra" yaug gyang" lo: li" nae". Au: naug: gai: ra" yaug re mho" shid' re yao: wa juyi: akhyo26 je: ba: yu: li" nae". – Yao: pho" jo, nho" re lhau: sin: mung: yao: myhi" re yham mae" khe' thug' ra" zo: wa qho' phyo' ru jung"27 ru za: qhug' li" nae". – Nga" zo: we" mho" xeim: yu: rure ha: pye' nae" tau: ju" phyo'28 ra" yaug: dao: re datae" gyo: wa, . – Magai: ra" sagso: wa tarha" re maphug' makhyaid' kaid' ba: ra". Tarha" macao" ra" yaug re: makhyang: mashab: ra" ja: re myho' min: ra" zo: nam ru: jhid' de; ako".29 Maphug' makhyaid' ra" mo; tau: qobo dae byid' ru , byu vhang: gaung tau vose: qhug' ru wa main: qi" ra".