1 Su geje we' mazam" yaug wa yao: yao: o: ra" khyo re za: qho mung: juyi aja: ja:2 re cao" paui: qho: qin" ba: ako". – Kopyaid' wa getau mae" gyo" lag: yu: ga" ru re pe" dao" manghae", yao: khoqhi" ba: ga" rure3 za: qhu" nug: ra". – Qobo: dao: wa aqho' aqhid ga" ru we' daga" ngaid: ra". Nga: yhe' rure ci: lhai: ke' lao" wa jung" ru qhug'4 li" nae". – Nhaid' mae" thug' ra" dao: wa qid tham: re" ru: no, mung: juyi qid thug' wa yug: na: ra" qid gyaung: ru" ru ngaid:5 ra". – Qobo qo" yaug re gug: gam byid: mung: qobo maqo" yaug re yao: khae: yu ang: ra" khyo: dao: phyid' byid' re wa majo ngaid: ra".6 Mashab makhyang: yaug: nhaid' wa pyi ba: qho nhao: ra". Yao" nhaid' thoe re: qobo dae mho' na: ru ngaid: ra".7 Mashab yaug: nhaid' thoe wa byo, qeim: khyo ngaid: yao: ta" ra" dao: mae8 yao: myi" ra". – Su: gaui mho: ra" dao: kheim: wa gyai myho' ra" zo: pho: ru" ru ngaid mung: aung khug khyo vao lo" ba:9 ra". – Mau" zaui: noe" ra" yaug wa yao" zai yo re mageim: zai" kain" pye' yaug we'10 dau: ra". – Mo"so: mang khyao: wa gang" tang: gye byu zho: cang zhaung we' dau: ra". Dang main: mo, ai: khug khyo tao" vao mung: gug: gug: za: qo" khug: na:11 ako". – Ngaui hhang ba: qho: ra" mo, wa yao: bam: jo, nho" wa gang: tang: ra" vomo" ngaid mung: myhao: ra" vo kham" we' dau:12 ga: ba: jho: ako". – Byo, qeim nae" aqhid ngaid beim" ru , myo, nho nga: qo" nae"13 aqao: wa nau" nhae" ru ngaid:. – Maphaug' tau: shi: lo: tae" gyo: wa, airu: makaid' lao" nao wa nhag' magyang: mung: su re14 khyoe' na: ru boe" ra". – Byu: nhag' myid solo wa yao: yao" no dae re qo" qhao" ra". Nhag' kaug' myo, yug: ru re khag' qo"15 qhao" nae" i"?. – Ve, vin lam: lang" ra" mo, wa laba lajhao juyi re xam" qaung" to: ba:16 ako". – Yhau: gyin" ra" nhag' bo dayaug yaug re nao ye: qhug' nug: re yao" tau: mae" jhaung qhu" ci: ye: wa, aire laui:17 li" nae". – Yao: re gye kaid' ra" yaug re dao: myid: yo, joe" sho' tarha" yung" mae dao: qhid' jhau yaug wa jo nhohab ngaid:18 ra". – Tarha" yung" mae lau: gai shid' yaug mau" dalam: jho" ta" ngag: rure pha" khyo"19 yang: gai: zai" pin" ra". – Mao: nhaung" yang manug mung: ru wa gang: tang: ra" vokham: re" ru: nao re tam" kyo" li" nae". Yao: re gye she: ngaid: re vokham: kham"20 yang lhaung" li" nae" mangaid: i"?. – Byu wa yao" nhaid' dao: thoe ashi" yang vae: dug: gyi: mung: myo: laug je: bai" ru we'21 nhag' shid: lo nhao nae". – Sho wa qo" daui: na nhao: ru we' shid khyo re qo" ug; ra". Sho re o ngaui yaug wa ai: sho ashi:22 re the' zo: nae". – Yham sang myhi" yu: ru wa gai: ra" mau" ngaid: mung: AsAng: jeju23 re khae: yu: ru ngaid: ra". – Myaung sho: yaug wa ba: mho' bain" ra". Jo, nho" qo" ra" yaug kam" wa akyaung akhyi: ga: phaug'24 tau" ra". – Byin zam" cao: myo: sho' o yaug wa yeim nae" khyo qho yaug ngaid: ra". Ba nam qe ga: ru kam" wa co' xo' mao: nhaung: qe tho' je: te' dai" lo: ra".