Dao: Zham"-17

(SHAO GYANG" JHAM: PAUG' )

切换到福音影视网-新版圣经

  • 1 Nhag' lam: yaug yo taung" za: cinmain" dayho' the' zo" ru wa myain" myo" ra" yham mae zo:shaug' poe zo" ra" tho' je:
  • 2 gai: ra". – Qag: ra" o: kaung wa pe" khyag' mathaid' ra" yaug: dao mae kheim: so' qo" mung: qo" gug' gam: yao: bam we' daga"
  • 3 Ma re: qo" khae: yu ba: ra". – Hhang we' ngaui re myi" yang phaid' kyang" yu: ra". Nhag' lam: re kam" wa AsAng Mo"so: yang
  • 4 kyang" byid' ra". – Mashab makhyang" ra" mo, wa ju" phyo' ra" dao: re lam" ba: ako". Mhug' dao: ba: ta" yaug re: magai makhe' ra" dao: re tae" gyo: ba: ra".
  • 5 Myaung sho: mo, re maphug' ma khyaid' kaid' yaug wa phain" phaug' ra" Mo"so re jung" ru ngaid: . Su qug: khai: qhug' re qi byid' ra" yaug re: qobo mae"
  • 6 maloe, . – Zo: myid: qe wa kao qi: mo; lhugmaug ngaid: ko" ra". Zo: dau qe myo, nho lu: ru wa pho" ngaid: ra".
  • 7 Nhag' magyang: mo, wa dao: lho" majhau ai: tho' mae jhaung zug: re: mhug'
  • 8 dao: mata". – Jhaung qhu" wa lham: khae: yu: ra" yaug myid: ru we' dakhyo: phug' de; ra" laug qhi ru" ru ngaid mung: khyi" khao: ngo" mae myo, nho nga: qo"
  • 9 ra". – Su shaid' nghung" rure zug' to: ba: ra" ru wa jhid' myid bo yang: ngaid: . Lau shid' ra" yaug wa ba nam qere gao" lo"
  • 10 nhao: ra". – Mashab makhyang: yaug dayo dae be, qhug' mung: ba: xam" yu: ra" tho' juyi bo yaug wa qeim: mho" shid' dao:
  • 11 kheim: re je: yhau: gyin: to" ra". – Tau: lhain" ra" yaug wa magai: ra" mau" zo" re poe" ke' ra". Airu: mung: thin: ra" logyo:
  • 12 re yao: jhao" nhao: ke' ca" ra". – Pe" mau" maboe" ra" ja: re kaid' ra" Kopyaid' re qhug' nae" tho' yao: zo: ci: phyaug' pye' ra" Vae zang we' jho" qhug' nae" ru wa je: gai: ra".
  • 13 Dayaug yaug wa jeju re maba , ma gai: ru khyo" dam: tug' ra". Ai: yaug: yham wa magai magyang" ra" ru mae" loe, nae"
  • 14 mangaid: . – Jho" ta" ngag: qhid: ru wa tang" to" ra" qid tham: baid: yug: qhid: we' dau: ra". Maje" lae: lo" shi: mae"
  • 15 jhid' tam" pye' wa, . – Qobo maqo" yaug re dao: phyid' yaug we' qobo qo" yaug re lhoe' ke' yaug shid' zo" geim" re AsAng ca'
  • 16 ra". – Kopyaid' re juyi mho" byid' ru wa aje ngaid: ra". Pe" mung: ein: re yao: mae au:
  • 17 naug: sozo: madu: yang: ngaid: ra". – Ba nam wa khonhae" re: jhid' de; na: ra". Qug: khai: qhug' ra" au: mae abao" athaug'
  • 18 boe" ra". – Myid cao majab yaug za: su
  • 19 geyaug: tau: mae" bokham: ba: ra". – Gye kaid' nug yaug wa zai" shaid' nghung: nae" rure re: o ngaui yaug ngaid: ra". Yao" myid kham: phug: ra" yaug wa byo; qeim: khyo
  • 20 joe" ba: ra". – Nhag' lam: kaui: ra" yaug wa gai: ru pe" the' yu nae" khyo majo, . Ba: mhug' yaug wa byo, qeim: ru we' kyi"
  • 21 khyag' ru za: thaung" qhug' ba: ra". – Ako" asho: lo, mau" kaid' thug' ra" yaug gai zo: wa yao" gaung yao: nhag' ngai nhao: ra". Ai: yaug: yao: pho" wa ngaui: bau" ga: ru
  • 22 ma jo, . – Nhag' lam: yaug yo: ru wa qao" zin" nhao: ra". Myid myo: myid laug: ru wa sho: qug: sho qae jham re qeim" main" lo"
  • 23 nhao: ra". – Ave, magai: ra" yaug wa dang main" khyo re phyo' qheim: ba: ra" khug vag: yu zo" ako". Aimung: dang main"
  • 24 khyo majo, lo: ngaid: ra". – Au: naug: gai: ra" yaug wa juyi bo: ra" mau" re ba: qang: to" ra". Kopyaid' myo, jid' kam" wa khyi"
  • 25 khao: ngo" du: su" lhang: qin" ra". – Nhag' ma gyang" ra" yaug gai zo: wa yao: pho" re nhag' kaug' nhao mung: yao: myhi" re
  • 26 myid: myo: nhao: ra". – Dang main" yaug re qobo dae magai: byid: .Dang main" shaid'
  • 27 ye, byid' zug' mang magai: qeim. – Yao: yao" gaung re myid: qu" ra" mo, dao: myo: majhau ko". Sae za: tae" to: mo, wa khug
  • 28 qag bo mo, ngaid: ako". – Ai: tho' mago" sae za: tae" to: mung: nhaid' tab' gang" ra" kopyaid' re lao" juyi bo mung: au: naug: gai yaug ga" khyo" jho: ru qhug' ba: ra".
回到本卷目录 回到本版本目录 回到首页