1 Nhag' khug mae myid: yaung: to" ru wa byu we' tin" ra". Nhaid' sho: yang dam: ta" nae" gu: wa AsAng Mo"so a'sang:2 na:. – Nao kaid' ru jo va" ga: nao myid qere: AsAng Mo"so wa ni" nhag' khug mae bo: gu: lag: kho' byid' ra".3 Nao kaid' nae" yaung: to" ra" mau" zo" re Mo"so re qhaug' wa, . Ai ru: kaid' lao" nao myid: yaung: to" ru boe" doe,4 nae". – Mo"so wa jo, mae" jo, na mae" na alhab' yao" tau: makhyang: mashab: ra" mo, rere: qug: khai: kham nae" ba na5 tau: phain: myhung: ke' ra". – Mo"so wa ngaid beim" ra" mo, re ca' ra". Yao: bam re qobo dae byid' ru mae" khonhae" re:6 maloe, nhao ngaid: ra". – Jeju we' xam: mag ve, vin taung" na wa, aire ni" qobo Mo"so khyaid' pye' byid' li" nae". Mo"so: mho dao: gyo: yang: na wa, aire magai:7 ru nao pe" maphau: nae". – Byu: ave, re Mo"so o ngaui: ra" au: gyevo re lao" re: ba8 nam qo" kaid' yu nhao: li" nae". – Dang main" ra" khyo" qo" yu: ra" ma vai" za" jo, nho" wa magai: ra" khyo" qo" yu: ra" jo,9 nho" myo: sho' tho' je: phug' de; ra". – Byu wa yao: yao: ye" lo" nae" gau: khyo re nhag' khug mae myid: yaung: to" ra". Ngaid qere: ni" khu bye re AsAng Mo"so nyhang" to"10 ra". – Jhaung zug: wa Mo"so byid' ra" kheim: so' yang jhau: ra". Yao: dao: phyid'11 ra" nhaid' mae shaid' ru mabo. – Jo main: jao laug: we' jao wa Mo"so: jo, nho" ngaid: ra". Jao thaung mae bo: ra" jao laug: jham:12 yang lag byid' li" nae". – Jhaung zug: kaid' shaid' ra" qobo wa ca' pho: ngaid: ra". Pe" mung: ein: re jhaung zug' La kin wa dang main" ru: yang za: agang" tang:13 ra". – Dang main" ra" nhaid' dao: thoe re jhaung zug: gyo: nug: ra". Dang main" ra" dao: re ba: jhau ba: ta" yaug re nga: yhe' li"14 nae". – Jhaung zug: nhag' jam: yo" ru wa shid zug: re" ru: ngaid: ra". Ngaid qere: juyi bo yaug: yang nhag' jo, yo nhao ba: ra".15 Jhaung zug' yang nga: yhe' ru wa zin vao kheim: mae mug: qu byid' ra" jham thaui: we' dau: ra". Ai mae kao loe; ru bo:16 ra". – Ngaui hhang re qo" yu nae" tho' mae juyi laba lajhao re qo" yu: ru wa je: gai: ra".17 Lo" thao" sho' gai: ra". – Byu gai qe wa makhyang: mashab: ra" khyo re jao" pye' mung: su" ye" ako". Ai: khyo mae" mang- hung: lo: cao" ye" lo" yaug wa yao: yao"18 kao so' Solo gam: ru ngaid: ra". – Ngaid beim" ra" nhag' myid wa byo; qeim: ra" khyo , nhag' lam: myhao beim" ra" khyo wa lang: gyoe; lo" nae" khyo boe" nhao:19 ra". – Nhag' lam: nyham: gyo" mo, we' zam" mung: nhag' lam: nyham: khyo" ru wa ngaid beim: mo, we' zam" mung: qo" yu: ra" zai gyo" jham jho" gae zo" ra" tho'20 je: gai: ra". – Juyi: gau: khyo" ye" lo" ra" yaug wa jeju qo" nae". AsAng Mo"so re khug ngha: re wa nga: lho" ra".21 Juyi bo mung: shab: ra" yaug wa yao" ba jhao: ru: yang mang qi: ham" hung: qo" nhao: ra". Nau" nhae" za: dao: ba: jhau: ra"22 yaug wa juyi re laung" li" nhao: ra". – Juyi re qo" ra" yaug wa kao so' qid thug' ngaid: ra". Byu vhang: qe mho" shid' ru wa23 avhang: za: aboe" ra". – Juyi bo yaug: nhag' lam: wa yao" nhaid' re qo" mho" mung: yao" nhaid'qid jham mae juyi myo" laung"24 lo: ra". – Yaug yo: ra" dao: kheim: wa byo: yhid re" ru: cug mung: ni" gaung khyao qao"25 zin" nae" tau: mae" so' ha" qo" ra". – Nao jo: ga: myid: jho: ra" khyo wa lo" thao" mae26 shid: ra" khyo jhui" dai" ra". – Mau" zaui: so: yaug wa yao" nhaid' khyo" mho' ru27 mung: yao" tau: mae zaui" ra". – Makhy- ang: mashab: ra" yaug wa magai: ra" mau" re kaid' nae" za: yaung: ra". Yao" nhaid' qid28 wa nga" li" ra" myi: ru: ngaid: ra". – Nhag' lam: kaui yaug wa pyi qho: amyug: sin" ra". Lau shid' yaug re: ba nam qere byo; gao"29 lo" nhao ba: ra". – Atug' akhyug' kaid' mo, wa yham kyo: cao: qere shang" zo: mung: magai: ra" gau: khyo jhui" pyag' lo" ba:30 ako". – Nhaid' cag' mung: myo, nyag nyag: qhu" mo, re lha" wa, yao: bam wa magai:31 ru daja: ja: myid: ci ba: ako". – Kao qhang au: phyu: ru wa dang main" ra" yaug: tau: aphug' jhaung qhu" lhugmaug ngaid:32 ra". – Nhag' lam: qhang: ra" yaug wa qam: mo" bo: ra" yaug tho' yao: yao" nhag' lam: qo" zang: qhao" ra" yaug wa vomo" re khe' lhaid' aung: yu: ra" yaug tho' mae je: gai:33 ra". – Pha" se: re yao: yao" thaung mae ke' bam: to: qere: AsAng Mo"so wa ai: akhyo alhab' re qo" kho' khaui: byid' ra".