1 Nau" nhae" za: tau" ra" dao: wa nhag' yo: gyo" nhao: ra". Dao: qao jhau: ru wa nhag' yo" rure je: lhau: zhung" ke'2 ra". – Juyi bo mo; nhaid' sho wa laba lajhao re laung" lo nhao: ra". Kopyaid' qe: nhaid' sho kam" wa pe" lase" mathug'3 ngaid: ra". – AsAng Mo"so: myo, jid' wa jo, mae: jo, na mae: na alhab' re myao: ra". Gai: ru we' magai: rure qu" kho' khaui" na:4 ra". – Nau" nhae" ra" nhaid' sho wa kao ngaid: ra". Anghang: athin: sho kam" wa5 nhag' myid re no nhao ba: ra". – Nhag' magyang: yaug wa yao: pho" mho" shid' rure magyo: mageim ba: kaid' ra". Mho" shid' rure tae" gyo" ra" yaug kam" wa6 sozo: du: yaug ngaid: ra". – Dang main" ra" mo; yham jo, nho" myo: sho' jo; ra". Makhyang: mashab: ra" mo, kam" wa yao: bam qo" gu: lao" re: byaug: seim:7 pye' ako". – Juyi bo: ra" mo; nhaid' sho wa laba lajhao re ba: gae: myho" byid' ra". Nhag' magyang: mo; kheim mae kam"8 laba lajhao mabo. – Makhyang: mashab mo, ngaui" byid' ra" xeim: re AsAng Mo"so ca' ra".Byu gai qe: jhaung: mho' thoe re9 kam" gyo" ngaui: ra". – AsAng Mo"so wa mashab makhyang" mo; khyo re qu" ca' ra". Jo: ru kaid' mo; khyo re kam" wa10 yao: jhid' de; ra". – Khyo nghung" na yaug wa mho" shid' dao: re magyo: . Mho" shid' rure makhae: yu: ra" yaug wa shid11 nae". – Movo: mug: we' no; thao" ra" jo, qo wa AsAng Mo"so: qhid' kheim: mae de: de: bao: na: ra". Xaosu byu qe: nhag' myid12 je yang: de: de: za: boe" ra". – Gug: pyag' taung pyi kaid' ra" yaug wa qobo ceim" shid' ra" yaug re majhid' de, ngaid: ra". Juyi bo yaug jhao" maba: te' ye: ngaid:13 ra". – Xaosu byu qe myid pyo" re qisam: su mung: ako". Nhag' kaug' re myo, nho14 sham: ako". – Au: naug: sozo: du: mo, wa mho" xeim: yu nug: ako". Nhag' magyang: mo, kam" wa pe" mangaid' ru mae nhag'15 dag: na: ako". – Sho: jhin: ra" mo; ayo, akhin: ba na alhab' wa qug: khai: nae" za: ngaid: ra". Na myain mo; nhag' lam: kam" wa khyao za: poe ru: za: ngaid:16 ra". – AsAng re gyaug phug' na yang: myaung sho" ru wa jo, nho" qo" mung:17 qug: khai: qhug' ra" tho' je: gai: ra". – Yao: yao: jhid' de; ra" mo, we' daga" ao: pho' zo xeim: qhain: zo" ru wa jho" nhung: ra" mo, we' nung: sho: zo" ra" tho' mae je: gai: ra".18 Ngaid beim" ra" nhag' myid bo: ra" yaug wa gye boe" nhao: ra".Qo" zang: qhao" ra" yaug kam" wa yaug yo nhao:19 ra". – Noe" shoe: ra" yaug su" ra" khyo gau: wa azau: akhyain" jo; ra". Dang main" ra" yaug su" ra" khyo gau: wa myain yo:20 ra". – Juyi bo: ra" yaug gai zo: wa yao: pho" re ngaui bau: nhao: ra". Nhag' magyang" ra" zo: kam" wa yao: myhi" re maphug'21 makhyaid' kaid' ra". – Laba lajhao mabo yaug wa ma ngaid makhung" ru mae nhag' dag ba: ra". Nyain: bo yaug kam" wa din"22 ra" khyo cao" li" nae". – Byin maqham: nyang: ru yang myid: to" ru byo; lo" ba: ra".23 Juyi byid: mo, laug: re aung doe; ra". – Byu wa ta" ra" dao: kheim" yang ngaui bau" ra" ayo, akhin: we' dau ang: ra" dao: re jhau: ru wa khoqhi" ngaui bau: jao: ngaid: ra"24 i"?. – Juyi bo: ra" yaug cao" ye" lo"ra" gau: wa Movo: mug: re jao" lai: pye' co' mung:25 mug: tho' khyo dai" ke' ba: ra". – AsAng wa ngaid beim" ra" mo; yham re phyo' sin" pye' li" nae".Cug' mo" qe: jo, qo re26 kam" wa gug: gam byid: nae". – Mo"so wa magai: khyo" myid: yaung: rure ca' ra". Shaogyang" ra" dao: re kam" gyo" ngaui:27 ra". – Madau ma ang: ra" khyo" jo, nho" qho: ra" yaug wa yham byu qere qug: khai: jhui" qhug' li" nae". Khug vag: mayu zo"28 re kam" kao qhang: li" nae". – Dang main: yaug wa khoru: dam: tau" ke' nae" rure myid: qu" ba: ako". Makhyang: yaug kam"29 wa magai: ru za: ta" sin" li" nae". – Byu gai qe: jhaung: mho' thoe re Mo"so tae" gyo: byid' ra". Makhyang: mashab: ra" mo; jhaung: mho' thoe re kam" wa matae" gyo:30 byid: ngaid: ra". – Qi sam: su: myo, nho wa ngaui bau: nhao: ra". Gai: ra" lau dao: re shoqug: , qug: khyao byang" lo nhao:31 ra". – Kao so' we' tin" ra" mho" shid' dao: re tae" gyo" ra" yaug wa juyi bo mo, we' qo"32 zam" khug: ra". – Mho" shid' ra" dao: re ngag: ha: pye' ra" yaug wa yao: yao" kao so' alo re maphug' makhyaid' ru za: boe" ra". Tae" gyo" ra" yaug kam" wa laba lajhao qo"33 yu: ra". – Mo"so re gyaug phug' ru wa juyi re mho" xeim: yu: ru ngaid: ra". Nga: yhe' ru makhae: yu shi: re saoqhid' nhag' lam: nyham: khyo" ca" ra".