1 Juyi bo: ra" myiqe: wa yao: yao" yham dang: vai" to" ra". Nhag' magyang" ra" myiqe: wa yham dang: ug' khug' re yao"2 lo; yang phyo' pye' ba: ra". – Dang main" ra" khyo cao" ra" yaug wa AsAng Mo"so re gyaug phug' ba: ra". Khyo kaui cao" ra" yaug kam" wa maphug' makhyaid' kaid'3 ra". – Nhag' magyang" ra" mo; nhaid' mae nghao" ra" vose: bo: ra". Juyi bo: ra" mo; nhaid' qid wa khyaid' yu: mau" kaid'4 ra". – Nung: lo: mabo: ra" nung: yham wa shao: ra". Ngaid qere: nung: lo" qam"5 yang dai lhug: lo: ra". – Dao: so: zaung: ra" sagso: wa dang main: dao: ta" ra". Dao: so: mazaung: ra" sagso: kam" wa mhug'6 dao: ba: ta" ra". – Malam" makho mung: ra" yaug wa juyi re qho yang: re: mamyao ngaid: ra". Au: naug: sozo: du" ra" yaug kam" wa laui laui za: qo" zhao: ba: yu: ra".7 Nhag' magyang" ra" kopyaid' qere jao" wa, yao: bam nao re mho" byid: nae" pe"8 juyi mabo ngaid: ako". – Yao: yao: ye" lo" nae" gau: khyo re ba: qu" ru wa nhag' gyang" ra" juyi bo yaug ngaid: ra". Byu vhang: qe myid: ra" khyo wa mho" pyag' ru9 za: ngaid: . – Nhag' magyang: mo, wa qobo re pe" shui manho ko" ngaid: ra". Dang main" ra" mo, kam" wa yao: cao: jeju ba:10 kaid' ako". – Nhag' myid wa yao: yao" qug: khai: re beim" na: ra". Ngaui bau" ru mae re:11 mo, je gai: bobo: ru mangaid: . – Mashab yaug: yham gyoe; gyo" lo" ngaid yang: re: Byu gai: zaung khyae: wa ajo; jo, shi: nae"12 ngaid: . – Byu jo: ga: myid: jho: ra" gau: khyo wa lo" thao" re shid: jao: khyo dai"13 ra" khyo dakhe' jo; . – Qi: na: au: lao" re: nhag' ngai: ru bo: ra". Ngaui bau" nghao" qi: ru lo" thao" mae kaug' qhaui: ru jo; ra".14 Nhag' lam: apyag' asham" bo mo, ngaid qere: byu gai qe ngaid qere: yao: yao" ave, we' dakhyo: aphug' the' yu: li"15 genae". – Laba lajhao nang" ra" mo, wa su pe" ta" pe" lam" ba: ako". Juyi bo: ra" yaug kam" wa yao: bam: khubye re qu" lha"16 ba: ako". – Juyi bo: ra" yaug wa qobo re gyaug mung: ba: lha" ra". Nhag' magyang" ra" yaug kam" wa myid: qu" ga" ru mabo17 qobo vae" kaid' ra". – Nhag' lam: lang" ra" mo, wa mangaid makhung" mau" jham re ba: kaid' ba: ako". Magai: ru myid yaug re18 su: yang nghang: ba: ra". – Laba lajhao nang" ra" yaug wa azhaug' amhe' boe" ba: ra". Nhag' gyang: mo, kam" wa laba lajhao:19 lhugmaug re qo" zhaung" ako". – Makhy- ang: mo, wa su gai qe: qhid' kheim: mae Tarha" macao" ra" mo, wa dang main: mo; yham kham: dung: nhae mae goe; pa" ca"20 li" genae". – Sho: jhin: ra" yaug re yham kyo: cao: lao" re: ma nug: qu" ngaid: ra". Jo, nho" qo" yaug kam" ba nam gyai qo"21 ra". – Yham kyo: cao: re maqu" mageim kaid' ra" yaug wa qobo qo" ra". Myaung sho: mo, re nhag' ba: myain" ra" yaug kam"22 wa nga: qo" ra". – Magai: khyo myid: yaung: ra" mo, wa shaid' nghung" li"ge nae" . Jeju kaid' nae" ga: myid: yaung: ra" yaug kam" wa nhag' myain" ru we' dao: so: akyu" re qo" the' yu nae".23 Qam: phin: yang: mau" zaui" ru mae so' ha" bo: ra". Myain" myo" ra" akyu" kam"24 wa myaung sho" ru ngaid: . – Ju yi bo mo; jo, nho" dai kham wa yao: bam: lhugmaug ngaid: ra". Kopyaid' qe: avhang: lo, mau" zo" kam" wa pyaid' khyaid' lo, mau" ngaid:25 ra". – Jo: ra" sagso: wa yao" kao re qo" khyaid' yu ba: ra". Mamain: ra" sagso: kam"26 wa mhug' ta" ba: ra". – AsAng Mo"so re gyaug phug' ru wa khug ngha qo aqi" boe" ba: ra". Zo: dau qere: khug ngha jao: qo" li"27 genae". – AsAng Mo"so re gyaug phug' ra" nhag' myid wa shid jao: re qo" jao" ra" kao28 so' qid thug' ngaid: ra". – Mang: din" byu myo" ru: yang jhaung zug' phung bao nga: lho" ra". Mang: byu mamyo: re jhaung zug: nga: ngai: ra".29 Nhag' lam: qhang: ra" yaug wa juyi gyai ba yaug ngaid: ra". Nhag' lam: lang" yaug kam" wa gyai makhyang: yaug ngaid:30 ra". – Nhag' lam: nau" nhae" ru wa gaung khyao re qao" zin" nhao: ra". Nhung: ra" nhag' myid kam" wa sho: qug: sho: qae re31 qeim" main" nhao: ra". – Sho: jhin mo, re deim: so: zag kaid' ra" yaug wa phain" AsAng Mo"so re khyoe' na yaug ngaid: ra". AsAng Mo"so re phug' ra" yaug kam" wa sho: jhin32 yaug re ba: nhag' khyag' ra". – Makhyang" ra" yaug wa yao" mashab makhyang" ru mae gyoe; gyo" nae". Byu gai kam" wa shid:33 lo" re lao" khug ngha jao: qo" ashi". – Au: naug: sozo: du" ra" yaug: nhag' myid mae juyi bo: ra". Kopyaid' qe: akhug mae bo: ja:34 kam" de:de: za: ngaid: ra". – Dang main" ra" ave, asam" wa mang: byu qere nga: lho" nhao: ra".Qobo kam" wa mang: byu35 qere qho' phau: nhao: ra". – Jhaung zug: wa juyi bo: ra" daui mung mo, re jeju kaid' byid' ra". Qho' phyo' ba: ra" mo, re kam" wa nhag' gyid' ra".