1 Juyi bo: ra" zo: wa yao: pho" mho" shid' ra" dao: re ba: tae" gyo" ra". Ngaid beim" ra" zo: kam" wa qobo ceim" shid' rure khonhae" re: makhae: yu ngaid: ra".2 Byu qe wa yao: yao" dao: thoe mae cao" yang: aphug' jhaung qhu" the' yu: li" genae". Mhug' pyag' mo, kam" wa pyam" yhin" ra" qobo: ashi: qhug' zo:3 genae". – Nhaid' kab' gang" ra" yaug wa yao: yao" kao re gug: gam: ra". Mamyid: qu" lo: mageim: jhau: myo" ra" yaug kam" wa yao: yao" gaung re byo, qeim: khyo4 joe" nhao: ra". – Byu noe" shoe wa myid: nghae" ru pe" ja: re: qo" nae" mangaid: . Mau" phin" zaui: yaug kam" wa yao: o: ru alhab' the' yu: li" nae".5 Dang main" ra" yaug wa mhug' rure ca' gyaug: ako". Makhyang: mashab yaug kam" wa anyain: avho: ngaid mung: qho' thug'6 ru qhug' genae". – Dang main" ra" khyo wa qobo maqo" yaug re gug: gam byid' ra". Mashab makhyang: mo; gau: khyo wa qobo qo" yaug re jeim" lo" nhao: ra".7 Daqhae: wa jo, nho" qo" geim kaid' qere: myaung: ako".Daqhae: wa myaung nhohab kaid' qere: gyai qo" ako".8 Jo, nho" wa qo" yaug: kao khyi nae" tau: ngaid: ra". Myaung sho: yaug kam" wa qobo vhin: ra" dao: re mathe' gyo: ngaid:9 ra". – Dang main" ra" mo; bo" bao: wa ngaui bau" ra". Makhyang" ra" mo; myi:10 dam kam" wa shid: lo" nae". – Ngaid beim" ra" nhag' myid: yang mo, byo, thug' nhao: ra". Ta" peim" ra" dao: re tae" gyo" ra" yaug kam" wa juyi bo yaug ngaid: ra".11 Jo, nho" re laui laui za: qo" the' yu: ru wa phyaid phyaid byaug: lo" ra". Aire je: qam: ke' yang: qo" yu: re nao je: gai: ru qo" yu12 nae". – Myid: nghae" lao" na: ra" ja: phyaid maboe" re myid myo: myid laug ba: ra". Myid: kao bau: ru boe" lo lao" kam" wa kao13 so' gae ngaid: ra". – Mung dao: re maphug' makhyaid' kaid' ra" yaug wa byo, qeim: lo" li" nae". Khang" dao: re cao" pyang" yaug14 kam" wa yaug yo: ru qhug' nae". – Juyi bo: ra" yaug; tarha" wa shid qhug' nae" taui: kheim" mae" qo" jao" pye' ra" kao so' qid15 baug: ngaid: . – Au: naug: sozo: du" ra" mo, wa myo, nho nga: qo" ako". Shaid' nghung" ra" mo; khyo gau: kam" wa qug'16 thao" ra" khyo ngaid: ra". – Kyid: ra" mo, wa laba lajhao khyo" ba: zaui: so" ba: ako". Makhyang: yaug kam" wa yao" ave, re hau"17 nhao" qin" ra". – Lam maga" ra" logyo: qe wa aqug: aqe" zai" boe" byid' ako". Lam ga" ra" mo, kam" wa yaug yo: ru boe" lo nhao18 ko" ra". – Mho" shid' rure ha: pye' ra" yaug wa myo, nho nga: lao: sham: ru qhug' li" nae".Mho" shid' rure tae" gyo" ra" yaug19 kam" wa nga: lho" nae". – Nhag' dag sho' o ngaui: ja: qo" yu: re cug myho' ra".Nhag' magyang" byu qe wa mangaid ma khung" ra" khyo mae" lhang: lo nae" maqaid ngaid:20 ako". – Juyi bo mo, we' zam" ra" yaug wa juyi bo: li" nae". Nhag' magyang: mo, we' zam" ra" yaug kam" wa byo, qeim: lo" ba:21 ra". – Qobo byu qe lo" ra" khyo mae qug: khai: cao" lhau: ra". Dang main: mo, kam"22 wa gai: ra" so' ha" qo" genae". – Byu gai qe wa yao" zo: myid: qe tau: mae" jo, nho" Ma re ba: byid' to: co' ra". Qobo qo" mo; jo, nho" kam" wa dang main: mo; tau: qaung" to" ru23 ngaid: ra". – Sho: jhin yaug wa yothaung: kaid' ra" khyo" yang zo: nam qo" ra".Ngaid qere: madang main: mo; mathao mae gai:24 byo; lo" ba: ra". – Vose: ma ci: ra" yaug wa yao: zo: qere majhid' de, yaug ngaid: ra". Yao: zo: qere jhid' de, yaug kam" wa ngai25 shi" yo, mae" mho" shid' ba: ra". – Dang main" ra" yaug wa gyi: gyi: baug baug qhug' zo" ra". Makhyang: mashab mo, kam" wa moe, shab' ru thaung" qhug' ako".