1 Moshe wa ai bam ngo re malam" nga" dao: re re: magyo: lo: AsAng Mo"so wa nao re mali" qhu" nae" ga: mho: lo genae" va"2 ga: dam: tug' mho: ra". – AsAng Mo"so wa ni" lo, mae pe" zaui" ci: ga: myid' re zaung:3 bao" ci: wo" ga: phyid: ra". – Myid gaung mae pye' khyo" ke' wa, ga: mho: ru we' dakhyo: pye' khyo" ke' re zaung" bao" wa lhao maui boe" li" mung: Moshe lao" tao"4 phao: qin" ra". – AsAng Mo"so wa ni" lo; yang yao" shomyi: mae zaui" ke' wa, ga: mho: ru we' dakhyo: Moshe yao" lo, yang zaui" ke' re yao" lo, mae zaung: bao" dam:5 boe" lo: ra". – Ce ru: qhu" re yao: bam phug' kai: qe: AsAng Mo"so , Abraham: AsAng Mo"so , Isag' AsAng Mo"so , Yaku' AsAng Mo"so ngaid: ra" AsAng Mo"so wa nao mae li" myhao" qhu" va" ru re cebam6 lam" lo: li" nae" ga: mho: ra". – Ai tho' mae" AsAng Mo"so wa ni" lo, re ni" qao gao khug khyo vhao" ke' wa, ga: mho: ru we' dakhyo: lo, re qao gao khug khyo vhao" ke' mung: dam: she: thug' ke' re lo, wa gyu: ru7 phyu: ra" ye, gyaid boe" byaug: ra". – Ni" lo, re ni" qao gao khug khyo dam: vhao" ke' wa, ga: mho: ru we' dakhyo: lo, re qao gao khug khyo vhao" ke' mung: dam: she: thug' ke' re azhao mae" yao" lo, ru: dam:8 boe" lo: ra". – Yao: bam nao re malam" , sao qhid' re" ve, lho aso: re malam" ko" qere:, thao re qhu" ra" ve, lho aso: qu" lam"9 genae". – Ai shid' ja" geim" re re: malam" , ni" dao: kheim: re re: matae" gyo: gelao" wa nao wa qid mo" tham: mae" qid khae: yu mung: bug gaung mae vhe' sheim: wa, . Airu: yu: sheim" ra" qid wa bug gaung mae sa: boe" byaug nae" ga: mho: ra".10 Ailao" Moshe wa AsAng Mo"so we" ngo wa jhau nhaid' makhye' su angaid: . Genhae" mae" airu: va". AsAng: jeim ngo re mho: na: au: re lao" re: makhye' ngaid: ra". Nhaid' dang la: su , myain ae" ae" yaug , angaid: ga: AsAng Mo"so jhao" mho'11 vhao" ra". – AsAng Mo"so wa byu: nhaid' re khag' phain" to" ru i"? Nhaid' jid su , no: jid su , myo, myao su , mamyao su jham re khag' phain" so: to" ru i"? Ngo AsAng Mo"so phain" so: to" ru mangaid: i"? –12 Airu: mung: ana" ye" lo" se, . Ni" nhaid' mae Ngo bo mung: nao khoru: jhau nae" ru re Ngo mho" byid: nae" ga: mho: ra". –13 Moshe wa asang we" nao daui nhao nug: ra" yaug re lam: nhao: ke' wa, ga: mho'14 vhao" ra". – AsAng Mo"so wa Moshe re nhag' yo" ru we' Levi' byu Arun: wa ni" mao: ngaid: mangaid: i"? Yao: gelho: za: ba: jhau: ru re Ngo ba: . Yao: nao re khyo le; mae" tug: yu nae" ga: ana" li" lo: ava". Jho"15 qhug' lao" ngaui bau:" li" nae". – Nao yao: we' jho" qhug' jhau lao" ce: dao: jham re yao: re zhao: kyo: wa, . Ni" nhaid' mae re: , yao" nhaid' mae re: Ngo bo mung: naotao khoru: zaui: so: nae" ru mho" byid: nae". –16 Yao: wa su: qhid' mae ni" dao: phaug' lhai byid: yaug boe" mung: ni" nhaid' gaung tha" ngaid: li" nae". Nao re: yao" tau: AsAng17 Mo"so: gaung tha" boe" nae". – Nao qhu" nae" ve, lho aso: tau: mae" zaung: bao" ai wa ni" lo, mae nao zaui" ci ca" nae" ga: mho: ra".18 Moshe wa yaug pho" Yetaro" jhao" lo" mung: Egutu mang: mae na ko" nga" mao: nhaung: qe kao daui: na shi: ko" laug yequ" nae", yao: bam na: khyo ngo re: ye: nae" akhang" byid: la, ga: mho' re Yetaro" wa19 yaug yo gai" ye: wa, ga: mho: ra". – AsAng Mo"so wa Egutu mang: khyo dam: lo" wa, . Ni" kao re qho mo, alhab' bam: shid: gain veko" ga: Midian: mang: mae Moshe re20 mho: ra". – Ai mae" Moshe wa yao: myi: we' yao: zo: shid' zo: re jhui: mung: lo ze myao: zhaung yang: Egutu mang: khyo dam: ye" lo" ra". AsAng Mo"so: zaung: bao"21 re re: yao" lo, mae ci: ra". – AsAng Mo"so wa nao Egutu mang: yejoe" lao" Ngo byid' to: va" mug' pho" mau" alhab' re Pharaoh jhaung zug: jhao" qhu" wa, . Airu: qhu" qere: yao" nhag' lam: Ngo qao nhao mung: Israel byumyu" qe re manhao lo: na: na: li" nae".22 Pharaoh jhaung zug: re re: AsAng Mo"so wa Israel wa Nga" zo: ngaid: . Nga"23 zo:qhid' ngaid: . – Nga" zo: re ngo jhao" pa" kug: nae" tau: nhao: ke' wa, . Manhao nae" ga: ha: ngaid: re ni" zo:qhid' re Ngo se' pye' byid: nae" ga: ta" ra" akhyo zhao: kyo:24 wa, ga: Moshe re pin: ke' ra". – Gyaung: su" ye" lo" na ko" re jomu dalam: mae AsAng Mo"so wa Moshe we' qhug' mung:25 se' pye' nae" ga: yaung: ra". – Ailao" yao: myi: Zipora wa shae yu mung: yao: zo" sho qid nyaug lhai" phyid' yu yang: yham sang pho" khyid qao: goe; vao zo" dang dang nao wa ngo mae sa: de; ra" yham sang pho"26 angaid: ga: ta" ra". – Ailao" za: Moshe re nhao: ke' ra". Yao" yham sang myhi" wa nyaug lhai: gin mathao: yang nao wa ngo mae sa: de; ra" yaug gai ngaid: ga: mho: ru ngaid: ra".27 AsAng Mo"so wa Moshe re tug: yu nae" tau: ye" lo" se, ga: Arun re nhao: ra". Ai jao" yao: ye" lo" re AsAng Mo"so: bam mae Moshe we' qhug' mung: bo baug baug:28 ra". – Moshe re: yao re nhao: ke' ra" AsAng Mo"so: dao: kheim: alhab' re re: , ve, lho aso: jham re re: Arun re zhao: kyo" ra". –29 Yao: nhae tao ye" lo" mung: Israel amyu" kao qi: va" mo, re jhui" qham phaung30 yang: – Arun: wa Moshe re AsAng Mo"so pin: ke' dao: kheim: alhab' re dam: zhao: kyo: mung: byu qe re ve, lho aso: jham re31 qhu" ra". – Ai: byu qe lam" ako". AsAng Mo"so wa Israel amyu" qe re qu" kam" li" lo: ru re: , yao: bam qug khai: ru myao: na: akhyo re re: the' gyo: gemung: gam" goe; pa" kug' ako".