1 Moshe wa yao" yaug pho" Midian: Sayin" Yetaro" yao , caid' jham zam: zo" mae" yoqao" khyo ye" lo" re Horeb mang:2 ra" Mo"so: bam khyo joe" ye" ra". – Ai: au: AsAng mug: logyo: wa thao" paung" mae" myi: shae khyo" myhao" thug' qhu" ra". Moshe qu" ra" au: thao" paung" myi:3 majeim" lo" ru re myao lao" , – pe" mung: thao" paung" ma nga" jeim" lo" i? ce: mug' pho" myo, myhung" re ngo yequ" nae" ga:4 mho ra". – Moshe yequ" na: ru re AsAng Mo"so myao lao" Moshe , Moshe , ga: thao" paung" mae" khai: ra". Moshe wa5 ngo na: wo" ga: tau" ke' ra". – Mo"so wa da te' li" ni" khyid zhaung: khyaid' wa, . Nao zab: ci: ra" jo, qo wa shao gyang ra"6 myid gaung ngaid: ga: re: , – Ngo wa ni" pho" Mo"so, Abraham: Mo"so , Isag; Mo"so , Yaku' Mo"so ngaid: ga: re: mho: ra". Moshe wa AsAng Mo"so re mavae" qu" , yao" myo, khung: nghoe' ci: ra". –7 AsAng Mo"so wa Egutu mang: mae na ko" nga" byu qe the' phau" na: qug: khai: pyam" yhin" ru Ngo jhaug' jhaug' za: the'myao va". Yao: bam re nhao zo" na ko" asang qe: mathao yang yao: bam: ngug: yao" thoe re re: Ngo the' gyo: va". Yao: bam phau: zo: ko" no re Ngo ba: ra". –8 Yao: bam re Egutu mang: , Egutu byu qe: lo, mae" khyaid' yu mung: Khanani byu , Hiti byu , Amori byu , Pherazi byu , Hivi byu , Yebuti byu qe na ko" nug' we' byo: yhid yug: ra" mang: khyo dai" nae" tau:9 Ngo gyo" li" va". – Ana" re: Israel qe: ngug thoe Ngo jhao" joe" lo mung: yao: bam re Egutu byu qe pyam" yhin" ra" akhyo Ngo10 the' myao va". – Airu: mung: ana" ye" lo" wa, . Nga" byumyu" Israel byu qe re Egutu mang: mae" yejhui" byaung" she: yu nae" tau: Ngo nao re Pharaoh jhaung zug: jhao"11 nhao: ke' nae" ga: mho: ra". – Ai lao" Moshe wa AsAng Mo"so re ngo Pharaoh jhao" vao ye: nae" ru , Israel byu qe re Egutu mae" jhui" lhoe' yu nae" ru pe" kho12 makha" yaug angaid: ga: ta" ra". – AsAng Mo"so wa Ngo dang dang nao mae bo nae". Ngo nao re nhao: ke' ra" akhyo: wa ai: byumyu" re Egutu mang: mae" jhui" lhoe' yu mung: ce: bam mae AsAng Mo"so re pa" kug' ca" genae" ga: mho: ra".13 Moshe wa ngo Israel amyu" jham na: ru mae joe" mung: naonhaung" phug' kai: qe: AsAng Mo"so ngo re naonhaung" jhao" nhao: ke' ra" ein: ngo mho: re yao: bam: yang ai AsAng Mo"so: mang khoru: ga: mang: ra" ga: ngo re dam: myid: ko" re khoru: dam: ta" kyo: nae" ga: AsAng Mo"so14 re myid' ra". – AsAng Mo"so wa NGO NGAID: ru we' dakhyo: NGO NGAID: ra" ein: ru re re: , Ngo ngaid: ra" ga: mang: ra" yaug wa Ngo re naonhaung" na: khyo nhao: ke' ra" ein: Israel amyu" qe re dam: phaug' ta" wa, ga: re: , Moshe re mho:15 ra". – Aimung: AsAng Mo"so wa naon- haung" phug' kai: qe: AsAng Mo"so , Abra- ham: AsAng Mo"so , Isag' AsAng Mo"so , Yaku' AsAng Mo"so ngaid: ra" AsAng Mo"so Ngo re naonhaung" na: khyo nhao: ke' ava" ein: Israel byumyu" qe re ta" wa, . Ai: mang wa ma lai: lo" Nga" mang khyao ngaid: . Byuyug dabang: mae" dabang: mae mang: ra" Nga" mang kheim: ngaid: . –16 Ye" lo" se, . Israel amyu" kao qi: va" mo, re yejhui" qham phaung mung: nao wa phug' kai qe: AsAng Mo"so , Abraham: AsAng Mo"so , Isag' AsAng Mo"so , Yaku' AsAng Mo"so ngaid: ra" AsAng Mo"so wa ngo jhao" li" myhao" mung: , dang dang naonhaung" re Ngo kam" qu" mung: Egutu mang: mae" naonhaung" re jeim mau" kaid ' ko" jham Ngo myao va". –17 Egutu mang: mae the' phau: zo: ko" qug: khai: mae" naonhaung" re Ngo khyaid' yu mung: Khanani byu , Hiti byu , Amori byu , Pherazi byu , Hivi byu , Yebuti byu jham na: ra" jo, qo nug' we' byo: yhid yug: ra" mang: khyo jhui" yu nae" Ngo dao: so: to: va" ga: mho: ra" ein: yao: bam re18 ta" kyo: wa, . – Yao: bam re: ni" dao gyo: genae". Ai mung: nao we' Israel lau: de, qe wa Egutu jhaung zug: jhao" vao mung: Hebre byu qe: AsAng Mo"so ngonhaung" we' qhug' va". Ngonhaung" AsAng Mo"so jhao" xeim: ngaui" nae" tau: sam ba ye" ra" seyo khyo ye: nae" akhang" byid: la ein: mho' ge, .19 Egutu jhaung zug: pho" phung bao qi" ra" mug' pho: ve, lho ma myao myao wa ye: nae" akhang" naonhaung" re byid:20 zai mangaid' ru Ngo ba: . – Ai lao" Ngo wa Nga" lo, mo" tau: ke' mung: Egutu mang: mae Ngo zaui" qhu" nae" Nga" mug' pho" mau" jham: yang ai: mang: re Ngo pyam" nae". Ai: thao Egutu jhaung zug: naonhaung" re nhao: ke' li" nae". –21 Ce: byumyu" re Egutu byu qe: myo, nho mae Ngo myo, khung: lu nhao mung: naonhaung" thug' lo ko" re akeim thug' lo22 gezai mangaid: . – Myiqe: yaug nge, yao: yao" yham kyo: cao: we' yham sang: yham mae bo: na: ra" myiqe: qe mae" ngaui zai , hhang zai , ve, mai bau: mho' yu mung: naonhaung" yao" myiqe: zo: , yaug gai zo: qe re yaung" za: the' shaung: ci mung: Egutu byu qe: jo, nho" the' lhaid' yu: lo genae" ga: Moshe re mho: ra".