1
Ngonhaung" AsAng Mo"so we" Mug: myid dagye, geim" mae qi" qhang: jo; ra" Ni" kheim: so' phung bao qam: o: mug: gaung gye, mae gang" tang: jo; ra".2
AsAng: gyevo jham re qang yang: gyevo jham rere: ma-aung nhung: ra" mo, rere: sae za: na nae" tau: mae zoshao qe: nhaid' thoe khyo" yang qam: o: qhu" byid' ava".3
AsAng: lo, mau" zo" ngaid: ra" mug: gaung rere: lho" we' kyi jham rere: ngo myid: nghae" qu" ke' ra" au:,4
Byu xaosu wa pe" ru" yaug ngaid mung: qu" gam: na: i?. Yao: bam re mug: logyo: qe: o mae dajhid' za: nyham: khyo" to" ra".5
Yao" au: dao mae phung bao nga: lao: we' nghoe' gam: to: byid' ra".6
Ni" lo, mau" zo" adao mae nao yao: re ug nhao mung: ,7
Caid' yao we' gug' nyhug' mug: le; phyo: mae" ngho' ,8
Qid dae mae na: ngo: we' qid dae mae du" sin" qin" ra" gug' nyhug' acao jab rere: yao" khu vo: gyid' mae to" to: byid' ra".9
Ngonhaung" AsAng Mo"so we" AsAng: mang khyao: wa myid gaung gye, geim" mae qi" qhang: jo, shao: wo".