1 AsAng we" nhag' yo" ra" khyo" ngo re kyi" khyag' dabyid: la,. Nhag' yo" gyid' mung: thin: ra" khyo" re: damho" shid' la,.2 Mo"so we" ngo wa qam: gyai nang: yaug ngaid: khyaid' khyi: yu la,. Mo"so we" nga" shoqug: shoqae jham wa gyaug; nin" na va". Qao" zin" nhao la,.3 Nga" solo gyaug; nin" na va". Mo"so we" AsAng wa khomyhao" joe" sho' na: na nae" i"?.4 Mo"so we" gyo" li" mung: nga" nhag' lam: solo re khyi: yu la, nhag' myain" myid we' ngo re khyaid' yu la, wo".5 Pe" mung: ein: re shid: jo; au mae khag' re: AsAng re myid: beim: genae" mangaid:. Mo:vo: mug: mae jeju khoru: ba: caung: khin" na nae" i"?.6 Ngo wa myaung: yang: pyaung" pyain" byaug: kyi: va". Nga" jaung: mae damyi: geim" ngug mung: ngug byid: yang yab qo bab bab jhug' byaug va".7 Nhag' kaug' ru: yang myo, jid' qeim: lo" mung: , gye jham: mathao mae myo, thab thab ga" byaug: kyi: va".8 Magai: ra" khyo kaid' ra" mo, we" ngo mae" va" lin: lo" ge, nga" ngug ag' thaung: thoe re Mo"so the' gyo: byid' ava".9 Ngo mho' bain" ra" dao: Mo"so the' gyo" yu va". Nga" gyevo qe wa qho' gyaug: byaug gemung: seim" thao" lo" li" genae". Ajao" yao: phao: lo" mung: qho' phau" li" genae".