1 AsAng we" nga" gyevo khonho" myo" laug: lo: na: ra" i?. Byu myo: phyao: ngo re tau: lhain" ra" mo, bo: byaug veko".2 Mo"so mae khug ngha nae" yao: nhag' ngai jao: majo, lo: ga: nga" nhag' myid akhyo re byu myo: sho' mo, ta" na ko" ra".3 AsAng we" Mo"so wa nga" go nga" myo, nho nga: lao: we' nga" au: re tau: to' yaug ngaid: ra".4 Ngo thoe thaid' mung: AsAng re yao: ke' re , shao gyang" ra" bam dao mae" ngo re tae" gyo: byid' ra".5 AsAng wa ngo re bao" thaug' na mung: ngo yab pyo: nae" we' dam: so" to" nae" akhang" qo" ra".6 Ngo re gye kaid' mo, lhang" kham" su" qin" mo, atug atid re ngo magyaug lo: na nae".7 Mo"so we" to" li" wa,. Nga" AsAng Mo"so we" ngo re khyaid' yu la,. AsAng wa nga" gyevo qere boqae re pyo' byid: mung: zaui re nag; khyug' pye' byid' ra".8 AsAng: jeju khyo" yang yaug yo: ru qo" ra". Ni" amyu" dao mae AsAng: min wa ajo; jo, veshao: wo".