1 Ngo re dang main: nhao: ra" Mo"so we" ngo khai: yao thoe re gyo" yu byid: la, ngo qug: qe" na: au: AsAng gelo gam: yu va". Ana" re: nga" jhaung: mho' thoe re tae" gyo: byid: shi: la,.2 xaosu byu qe we" khomyhao" joe" sho' ngo re nga: khyoe' shi: genae" i"?.Kho myhao" myao" sho' akeim aseim re o ngaui mung: magai: ra" ja: re cao" qho shi: genae" i"?.3 Mo"so wa yao" shao gyang" mo, re khyin: to: va" rure ba: yu ge,. Ngo mho' yao lao" Mo"so tae" gyo: byid' li" nae".4 Gyaug: din: nin" mung: qobo dazai" thug' ge, jao" lha" ge, yab qo mae sae za: jhao" to: mung: nao yao" akhyo re myid: nghae" qu" na ge,.5 Gai: ra" khyo" Mo"so re xeim: tang: ngaui" byid: mung: Mo"so mae khug ngha: na ge,.6 Gai: ra" akhyo re ngo nhaung" re kho yaug qhu" byid: genae" yha" ga: myid: ko" byu myo: gemung: Mo"so we" Ni" phung bao myo, nho nga: lao: bo" bao re ngon- haung" adao mae bao: myhao" byid: la,.7 Yao: bam: gaug we' sabyi' mhang" ra" ayo, mae ngaui bau: ko" tho' mae ngo re je yang: ngaui bau: nhao la,.8 Ngaui bau: yaug yo za: ngo jhao" to: mung: yab mo" myid' na:. Pe" mung: ga" re ngo gam gam gug: gug: za: qo" na nae" tau: AsAng: yang byid' to: va" mathao ngaid:.