1 AsAng we" nao ngo re khomy- hao" myao" sho' to" myhid' to: nae" i?.Khomyhao" joe" sho' ni" myo, khung: ngo mae" nyham" to: nae" i?.2 Khomyhao" myao" sho' ngo nhag' kaug' ru we' myid: ngau" na nae" laug i?. Nga" gyevo qe khomyhao" myao" sho' ngo re ug: gam: na genae" yha".3 Nga" AsAng Mo"so we" nga" dao: re gyo" yu byid: shi: la, nga" myo, re bao nhao la, ai ru: mangaid: lao" shid yaug ru: yab pyo" lo" byaug: li" nae".4 Nga" gyevo wa ngo aung va" ga: mho mung: ngo re kaung: kag' nhaung" khoe' ra" mo, wa ngo tha" lang" ru re ngaui bau: genae".5 Ngo kam" wa ni" nhag' myain" jeju khug mae ngaui baui: lam jang" na:. Ni" khyaid' yu: khyo mae nhag' lam: yaug yo ngaui baui" na nae".6 AsAng ngo re jeju byid' na: ru mung: ngo yao: re caung: nghaui" na nae".