1 AsAng wa ai: yham re makaid' re yham kaid' mo, aseim akeim mae kaid' pye' genae". Mo"so wa ai: vogaung: mabo: lhaug' zaung" re wa lhaug' zaung" mo, aseim akeim mae lhaug' zaung" pye' genae".2 Ne, seim no' no' to" mung: myi" ayo, lai: sho' mayab macam: myaung: dug: ru we' zo: shaug' qere: aseim akeim za: ngaid: ra". AsAng wa yao: jhid' de; ra" mo, re yab: jo, shi: ko" au: mae" byid' na yaug ngaid: ra".3 Zo: dau qe wa Mo"so byid' ra" Ma ngaid: ra".4 Kao qae" ra" yo, mae khau: ra" zo: dau qe wa sulhe" lo, mae" myo: khe' ru" re: ngaid ko" ra".5 Yao" myo: daung" mae ai we' qo" ke' pyang" ra" mo, wa nga: lho" ko" ra". Yao: bam wa gyaug qho' ru mabo , gyevo qere kham: dung: mae lham: qo" kham" kyo" li" genae".