1 Mo"so we" no;thao" ra" jo, qo mae" AsAng re ngo mho' yao: na:.2 Mo"so we" nga" dao: thoe re gyo: mung: ngo jhaung: mho' ra" dao: re tae" gyo: byid: la,.3 Mo"so we" AsAng wa qobo re xam" to" ngaid: re khoyaug qo" ye; na nae" i"?.4 AsAng re gyaug phug' na vegeshao:. AsAng wa qobo re khyaid' pye' byid' na: ra".5 Mo"so re ngo myid: lao" na:, nga" solo wa myid: o: na:, ni" mungdao: re ngo myid: nghae" lao" na:.6 Ne, seim re lao" na mo, tho' mae je mung: nga" solo wa Mo"so re myid: nghae" lao" na:.7 Israel amyu" wa Mo"so re myid: nghae" lao" geshao:. Khoru: ein: re Mo"so mae nhag' myain" ru bo: ra". Khyaid' yu: khyo aqi: wa yao: we' daga" ngaid: ra".8 Israel amyu" re yug: no qobo alhab' geim" mae" khyaid' khyi: li" nae".