1 Mo"so ngonhaung" we' daga" mana ngaid: re kam" wa ga: Israel qe lhaung" ta" dao: wa ,.2 Byu geje ngonhaung" re khaid' nae" ga: to" ye; li" ko" re Mo"so ngonhaung" we' daga" mana ngaid: re kam",3 Yao: bam ngonhaung" re nhag' yo: yang: ngonhaung" re kaoso' we' daga" myug: pye' zai ngaid nhaung.4 Ai: qid bang: lhung" jham nghoe' gam: lo" mung: yug: ra" qid wa ngonhaung" sozo" adao mae nhai" lai: lo" nae" ngaid mung:5 Thin: ra" moe bug: yang ngonhaung" solo dao nhai" lheim" lo" venhaung wo" ga: Israel amyu" qe ta" na vegeshao:.6 Yao: bam: zaui: yang ngonhaung" re bin: nae" maqhaug' pye' ra" Mo"so wa nga: lho" veshao: wo".7 Ngho' wa sho: kung" yaug: lha" mae" loe; ru ru: ngonhaung" nhag' myid qo" loe; bam va". Lha" re: gyug' byaug mung: ngon- haung" loe, va".8 Mug: gaung we' myid gaung re phain: ra" Mo"so: mang khyao: mae ngonhaung" wa bao" thaug' yu: ra" jeju re qo" khae: yu: bam va" wo".