1 Ve, qae" ayo, mae" mung: yao: bam ngo re nhaung" khoe' lo veko" ga" dao: re Israel amyu" qe ta" ko" ru wa2 Ve, qae" ayo, mae" ngo re myo: sho' lhang ngo re su pe" wa pyam" yhin" veko". Ngaid qere: yao: bam ngo re ma-aung ko" ngaid: ra".3 Yo phaug' mo, nga" dao kao" mae phaug' ko" mung: phaug' khyang" dae khu aqhang dung: jo; ra".4 Mo"so wa dang main" ra". Tarha" macao" mo; taui: re zhe' khyo" byid' ra".5 Ziun: vomo" re manug nghang" ra" mo, alhab' wa qho' phau: mung: zaid: lo" byaug: li" genae".6 Yham khaung dao mae yaug: jo, mung: khag' manaid: ru jhoe' kyaug' lo" ra" myo, gae ru: boe" geshao:.7 Ai: myo, gae re yaid: ra" yaug wa lo, dazhab' lao" maqo" nae". Gaug: dang: yaug re: davo, lao" qo" nae" mangaid:.8 Khyo dang mae su" lai: lo" ra" mo, re: Mo"so byid' ra" min qo" vegeshao:. Mo"so: mang re ngha mung: naonhaung" re ngon- haung" min byid' ga: mata" geshao:.