1 Mo"so re gyaug phug' mung: yao" khyo dang mae cao" ra" mo, alhab' wa nga: lho" ko" ra".2 Nao wa ni" lo; yang zaui" qo" ra" zo: nam re qhug' zo" li" nae". Nga: lho" mung: na gai: li" nae".3 Ni" yham khug mae ni" yham sang myhi" wa ashi: zaui" ra" sabyi' naui ru" ru ngaid: ra". Ni" zo: dau qe wa qho" to" ra" Zhainlun: gae ru" ru , ni" zo bo" lhang" gam: mae na:bam: li" genae".4 Mo"so re gyaug phug' ra" yaug wa dang dang ce re" ru: qhug' nae" ngaid:ra".5 Mo"so wa Ziun: bam mae" nao re min byid: mung: nao kao daui: na: dalo: gyo: mae Yerusalem: na gai: rure nao myao: li" nae".6 Ni" zo: myid: qere re: nao the' myao shao:. Israel amyu" mae yaug yo ru wa ajo; na shao: wo".