1 Mo"so re khug ngha: ra" mo, wa malab: ra" Ziun: bam re" ru: ngaid ko" ra".2 Bam jin jham: yang Yerusalem: re lhang" kham" to" re" ru: Mo"so wa ana" mae" mung: byu ngug xe qae: yao" amyu" qere lhang"kham" ci: li" nae".3 Dang main" ra" mo, makhyang" ra" mau" re yao: yao" lo; yang makaid' geshao:. Tarha" macao" ra" mo; zaung: bao" wa dang main" ra" mo; khyao kham khyao khae: dao mae qo" kai" to: genae" mangaid:.4 Mo"so we" gai lho" ra" mo, we' nhag' lam: din" ra" mo, re gai: ra" nhag' myid ci: qhu"wa,.5 Khyo kaui khyo cao" lo" ra" mo, re kam" wa qobo kaid' mo, we' daga" phyo' qheim" pye' veshao:. Israel amyu" mae yaug yo ngaui bau" khyo ajo; na veshao: wo".