1 Israel byu qe Egutu mang: mae" Yaku' kaung bao: byu qain qe: jo, qo mae" phao: thug' lo ko" au:2 Yuda wa AsAng: shaogyang" ra" byumyu" Israel wa yao" mang: din" boe" ra".3 Qid dae wa ai re myao yang: phao: lo" ra". Yodain: gyaung: wa yug: tug' lo" ra".4 Bam mo" qe wa yao re" ru: bam zo: jham wa yao nau" re" ru: xao geim tau" ko" ra".5 Qid dae we" nao pe" mung: phao: lo" i"? Yodain: gyaung: we" nao pe" mung: tug' yug: do, lo" i"?.6 Bam jham wa yao: rere: , bug gaung jham wa yao nau" re" ru: pe" mung: thug' jhu" qin" ko" i"?.7 Myid gaung we" ai: AsAng: qhid' kheim: mae Yaku' byumyu" goe; pa" Mo"so: qhid' kheim: mae laui" nain" na wa,.8 Mo"so wa laung: mo" baui re qid lhao: myi: be, laug baui re qid thug' boe" nhao: ra".