1 Sholomun ai ru: jhaung: bin: mho' we' mug: gaung mae" myi: gyo" mung: phaid' ngaui" xeim: we' ngaui" xeim: dau: nga" lo" ra". Mo"so: phung bao re: ai: jhaung:2 yham byang" ug: jo; ra". – Mo"so: phung bao pa" kug' yham mae byang" ug: jo; mathao khin jaung qe Mo"so: pa" jhaung:3 yham maqo" vao ko". – Ai ru: myi: gyo" lo mung: Mo"so: phung bao mo" ai: yham adao byang" ug: to" ru Israel mo, byu qe the' myao gelao" laug myhung" to" jo, qo mae yao: yao" gaung myid khyo gam" goe, zo" pa" kug' mung: Mo"so gai shab; ru we' yao" jeju apyaid ato jo; jo; ra" mathao AsAng4 re pa" kug' caung: khin" ko" ra". – Jhaung zug: we' daga" mang: byu qe alhab' Mo"so:5 qhid' kheim: xeim: ngaui" byid' ako". – Ai: mae ngaui" byid' xeim: dau: nung: jaung shid' tug: shid' taung , yao datid: shid' tug ngaui" byid: yang: jaung: to" Mo"so: yham mo" vao poe kaid' ko" ra".6 Khin jaung qe wa yao: yao" caung da" mau" qovin vo, zo" ye; na: bam: ako". Mo"so: jeju pyaid da du jo; jo; ra" mathao yao: re caung: khin" byid: nae" tau: jhaung zug: Davi nyhang" to: co' be; myhang" ja: aja: ja: ci: ra" Levi' byu qe re: Davi to: co' thung" we' dakhyo: Mo"so jhao" caung: nghaui" caung: khin" zo" khin jaung qe labo" maid gin qhid' she mung: Israel mo, byu qe ye; na: ako".7 Ai: tho' mae Sholomun wa Mo"so: yham kheim: mae" vang" akhug shao kyang" mung: ai: tau phaid' ngaui" xeim: we' zam" khug xeim: jham: xau kug' yang ngha" ngaui" byid' ra". Sholomun kaid' to" gyid: ngaui" phain wa saung" ngai: ra" mathao ai: adao phaid' ngaui" xeim: jham , cinmain" jhaung qhu" jham we' xau kug'8 kai" to: jao: majo, . – Ai re" khyo: Sholo- mun wa Hamaid vomo" Egutu qid gyaung: joe" sho' khyi" khao: ngo" mae" joe" li" lo: gyai myo" ra" Israel mo, byu qe we' daga"9 nhaid' ba lam: lam: poe kaid' ra". – She' ba ein: ba yao: bam lo" thao" qham phaung kaid' ako". Nhaid' ba lam: lam: ngaui" phain poe mo" kaid' mung: ai: thao nhaid'10 ba poe kaid' ko" ra". – Lho" mo" nhaid' khye' shid' xe: sam ba re volo byu qe re peim" ke' mung: Mo"so wa Davi re re: , Sholomun re re: , yao" byumyu" Israel re re: kaid' byid: va" jeju na: gai: khyo mathao yao: bam ngaui lho" za: khag' re: khag' yao" yham khyo dam: lo" byaug; ako".11 Ai re" khyo: Sholomun wa Mo"so: yham re re: , jhaung zug' yham re re: so" pin" ra". Mo"so: yham we' yao" yham kaid' nae" myid: da: to" khyo alhab' qo" zaui"12 pin" ra". – Mo"so yao" gaung Sholomun jhao" myi" re li" myhao" qhu" mung: ni" jhaung: mho' dao: Ngo tae" gyo: byid: va". Ce: yham ngaui" xeim: to' jao: boe" nae"13 tau: Ngo khyin: yu va". – Mug: maqu sho' Ngo ba mo" lhe' nhao: to: qere: , khyag' phaung" jham re qhovo: jhaid' za: zo" da" lo" nhao sho' qere: , Nga" byu qe Ngo no14 qam" poe" nhao: ke' qere: – Nga" mang khyao: lao" ra" Nga" byumyu" qe wa nhag' lam: nyham: khyo" jhaung: mho' mung: Nga" myo, khung: qu" zo" yao: yao" makhy- ang" mau" jao" pye' ko" ngaid: re wa Ngo mug: gaung: mang: mae" gyo: byid: yang: yao: bam: qobo lhoe' byid' ru we' yao: bam:15 mang: re na gai nhao nae". – Ana" Nga" myo, phung" yang: ce: mae jhaung: mho'16 ko" dao: Ngo gyo: byid: nae". – Nga" mang hau: khyao za: tang: jo, mung: Nga" myo, jid' we' Nga" nhag' lam: apyaid ato jo; jo, nae" tau: ce: yham re Ngo khyin: yu mung:17 shao kyang" yu va". – Nao ni" pho" Davi ru: Ngo pin: to: mae to: alhab' re Nga" phyo mho" dao: we' tarha" khyo" to" gau: zaui:18 so" na: re kam" wa – Ngo Israel amyu" mae ni" anyaug akham: akai xo' yang: yang: na: thug' li" nae" ein: ni" pho" Davi re dao: so: byid' to" we' dakhyo: ni" mang: din" zaung19 tao" Ngo tang nhao nae". – Ai ru: mangaid: naonhaung" Ngo we' Nga" khang dao: pin: to: va" mho" myain" mho" thoe re macao" lo: za: getau: so pa" lo" ko" ngaid: re kam"20 wa – Ngo byid' to" mang: din" khug mae" agyi: we' naid; pye' mung: Nga" mang khyao: tau: Ngo shao kyang" to" ce: yham re Ngo va: pye' nae". Su: byumyu" dao: ka" ka" nae" we' jung" gaui jao: poe" pye' nae".21 Ce: yham wa ce qhi" qi" qhang: ru ngaid qere: ai: khyo" su" na: qin" mo, wa mug' hao: zo" Mo"so: yang ce: mang: din" re re: , ce: yham re re: pe" mung: ce ru:22 kaid' laug i" ga: myid: ko" re – Byu qe: yang yao: bam phug' pho" qe re Egutu mang: mae" jhui" thaid' lo: Mo"so re yao: bam naung phaug' pye' mung: getau: so mae khug ngha pa" kug' lo" ko" mathao ce: ru" kyin" nhaung" phau: ko" ra" ga: mho: li" genae" ga: ta" ra".