1 Ai ru: Sholomun wa Mo"so: yham kaid' to: ca" ja: alhab' bin: zaui: so" kyab' to" ra". Yao: pho" Davi jaung: to: co' ra" hhang , ngaui we' zai cao jab jham re phoe' mung: ai Mo"so: yham jo, nho" jhi mae vhao" zaui: to" ra".2 Ai mae" Sholomun wa Mo"so: dao: thang: bain" re Ziun mang: ra" Davi vomo" mae" tai: yu nae" tau: Israel agyi jham we' byumyu" agyi qe yao: kaung yao" zug: qe re Yerusalem: vomo" khyo khai: qham: yu:3 ra". – Israel mo, byu qe alhab' lho" nhaid' khye' khye' re kaid' ra" poe au: jhaung4 zug: jhao" li" zang" qham: ako". – Israel agyi qe alhab' zang" qham mung: Levi' kaung gu: wa ai: bain" re vo, ko" ra". –5 Yao: bam wa ai: bain" re re: , zang" qham seim zaung re re: , ai: seim zaung khug bo: ra" shao gyang" zai cao jab re re: vo, ko" ra". Khin jaung qe we' Levi' byumyu" qe wa ai jham alhab' vo; tai: yu: ako". –6 Jhaung zug: Sholomun we' daga" zang" qham: ra" Israel mo, mo" thaui: geim" wa ai: bain" qhid' kheim: daga" zang" qham mung: matho' nghe' lo" yao , nung: jaung7 jham se' ngaui" byid: ko" ra". – Khin jaung qe wa Mo"so: dao: thang: bain" re shao gyang" thao" ra" lamyhung" qe, akhug khyo Kherubim shid' dau" daung gyid' o8 mae vo; to" ako". – Kherubim shid' dau: wa ai: bain" adao mae yao: tao: daung lao" phye: to: yang: bain" re re: , ai: adao dao9 kang re re: nghoe' to: byid' ra". – Dao kang athao jham wa lamyhung" qe, taung gaung mae jo; ra" shao gyang" ra" jo, qo mae" qo" myao sho' qhang: ra". Taung gaung khyo kam" maze: thug'. Ai wa ana"10 ba joe" jo; jo; ra". – Israel byu qe wa Egutu mang: mae" thug' lo mung: Mo"so Horeb bam mae yao: bam we' dao: thang: to" to: mung: Moshe ke' to" laug pye: shid' lam: mae" je yang: ai: bain" khug mae pe"11 mabo. – Khin jaung qe ai: shao gyang" ra" jo, qo mae" thug' lo ko" re zang" qham ko" khin jaung qe alhab' wa yao: yao" gaung shao kyang" ci mung: yao: bam: caung da"12 mau" vin vo; ru mangaid: . – Ba: caung: nghaui" ra" Levi' byu qe Asab , Heman: , Yeduthun we' yao: bam: zo: myid: , mao: nhaung: qe alhab' bam wa pin: yaung" jid: mo" bau: ve, yang: jhe' cang" , khu lhao: , tang: jham ci zo" ngaui" phain: qhid' kheim: ye; na mung: labo" maid: ra" khin13 jaung dayo: shid' xe re: bobo: ra". – Ana" labo" maid mo, we' caung: nghaui" mo, thaui: wa daga" Mo"so: jeju beim: so: zo" yao: re caung: nghaui" mung: labo" , jhe' cang" be; ra" ja: getau: yang thoe dathoe dalam: za: khyo" caung" ako". AsAng wa gai lho" yaug ngaid: . Yao" jeju apyaid ato mae gang" tang: jo; ra" ga: mho ko" re jham thaui: wa Mo"so: yham longhoe'14 ke' ra". – Khin jaung qe ai: jham thaui: mathao yao: bam: caung da" mau" maqo" zaui: ko". Pe" mung: ga" re Mo"so: phung bao Mo"so: yham dao byang" ug; jo; ra".