1 Gyid: ngaui" phain re re: kaid' ra". Aqhang shid' xe daung" , apyi shid' xe daung" , myhao khyo daxe daung" bo: ra"2 phain ngaid: . – Gyid: thaung: lhao: mo" re re: kaid' ra". Athao dae lae khyo daxe daung" , no, khyo ngo" daung" , anhaid' lhang" gam: qi: khyo sam xe daung" bo:3 ra". – Qid thaung: lhao: lhang" gam: am baung: ru" alho thung" te' to" bam: . Dada- ung" mae daxe xe gam: sho' te' to". Ai: am lho re shid' pyae khyo" thung" te' mung: gyid: thaung: lhao: sheim" au: ai re re:4 daxo' za: sheim" ra". – Ai: thaung: lhao: wa nung: lo: daxe: shid' dau" adao mae kai" jhid' to" ra". Myo, nho byid' shaid' qang yang: dashaid' khyo sam dau: dau: myo, khung: qang mung: nhaung thao"5 jho" phaug' yang: kaid' to" ra". – Thau phyao: lo, danghoe' thau: ra". Ai: anhaid' wa qid khug' anhaid' ru: ngaid mung: qid maui: bin" yang shaung: to" ra". Ai: thaung: lhao: mae qid baid' sam taung qui" ra". –6 Gaung cid' nae" qid lhao: re re: kaid' mung: lo, kaung: mae ngo" lam: lo, yo mae ngo" lam: to" to" ra". Phaid' ngaui" ja: we' tin: te' ra" jham re cid' ru ngaid: . Qid thaung: lhao: mo" kam" wa khin jaung qe gaung7 cid' jao: ngaid: . – Hhang myi: tao" daxe lam: re re: kaid' mung: pa" jhaung: yham akhug lo, yo shaid' ngo" lam: , lo, kaung:8 shaid' ngo" lam: to" to" ra". – Zo: gai" daxe zung re re: kaid' mung: pa" jhaung: yham akhug lo, yo shaid' ngo" lam: , lo, vai: shaid' ngo" lam: to" ra". Hhang qid9 khug' dayo re re: kaid' ra". – Khin jaung qe: vang" , taung gaung vang" mo" , vang" kham: jham re re: kaid' mung: kham: lung:10 jham re gyid' yang sheim" pye' ra". – Qid lhao: mo" re re: yham lo, yo khyae: yham kheim: qid bang: ajheim mae to" ra".11 Huram re: yae: jham , ce' bao" jham , thaung: lhao: ngai jham re kaid' ra". Jhaung zug: Sholomun tau: Mo"so: yham mae ca" mau" zaui" kyab' byid' ra".12 Ai: zai jham wa zang shid' zang , khug' jham , zang shid' zang: zang phyo: adao mae" azhaung: shid' lam: we' zang phyo: kai" to" khug' shaung yhaung" nae" geim13 myho shid' lam: , – Geim myho nghoe' nae" tau: khaung: shi: bin: shaung: to" ru shid' pyae , dapyae mae shid' yo ce' , alhab' byid yo ce',14 Zaung khau" jham , ai: dao kai" to:15 nae" thaung: lhao: jham , – Qid lhao: mo" dalam: we' ai: agyid' mae" nung: lo: daxe:16 shid' dau" alho re re: – Yao: pho" Huram: wa jhaung zug: Sholomun tau: ga: Mo"so: yham we' tin" ra" zai acao jab , yae: , ce' bao" , kyo' , khug' jham re bao qhi: ra"17 gyid' yang so" pin" byid' ra". – Jhaung zug: wa ai: zai jham re Yodain: jao: dae: mug: Sukug we' Zerethan gyo: tau jo; ra" zho:18 kyin" yang zaui: so" nhao: ra". – Sholomun azai: akho myo: sho' kaid' ra". Ai qere: hhang khonho" ngaid: ru khag' maqo" ba.19 Sholomun wa Mo"so: yham akhug mae" zai cao jab re kaid' ra". Hhang ngaui" phain we' qhu" to" cinmain" kai:20 jao: gai" – Tarha" we' dakhyo: lamyhung" qhid' kheim: mae theim" to: nae" hhang gyang" myi: tao" we' myi: kaug' jham –21 Hhang gyang" pin: lho , myi: kaug' , nye,22 zai" jham – Myi: nyhae: , thaung: lhao: , gaung: nau" , Zobain jham re re: hhang gyang" yang kaid' ru ngaid: . Yham khug shao gyang" thao" qe, mae" kham: lung: jham we' pa" jhaung: yham mo" kham: vho' re re: hhang: yang kaid' to" ru ngaid: .