1 Yuda jhaung zug: Yohoshaphaid' tao" zaung daxe: she' zin: au: Ahab' yao: zo: Yoram: Israel qe re zug: gam mung: Samari2 tau tao" zaung: ra". – Yao: wa Mo"so: qhid' kheim: qobo kaid' qere: yao" myhi" pho" tao ru: wa makaid'. Yao: pho" tau: yhe' to"3 Bala' sulho re phyo' pye' ra". – Ai qere: Israel qe re shaid' nhao: ra" Nebaid' yao: zo: Yehobom shaid' nghung" gau: mae yao: bode; na: ru mung: ai: gau: mae zang: zaug cao" na: .4 Mo"ba' jhaung zug: Mesha wa yao zam: yaug ngaid: ru mung: Israel jhaung zug: re yao nau" datid we' amug' de; yao5 lo: datid re qhaug' byid' ra". – Ahab' shid thao Mo"ba' jhaung zug: wa Israel jhaung6 zug: re tau: lhain" ra". – Ai mung: jhaung zug: Yoram: wa Samari mae" thug' mung: Israel alhab' bam: re gye japhin: cao" yu:7 ra". – Yuda jhaung zug: Yohoshaphaid' jhao" re: byu nhao mung: Mo"ba' mang: zug: ngo re tau: lhain: va". Mo"ba' mang: re gye khe' nae" tau: ngo we' daga" bo cao nae" i" ga: myid' re Yohoshaphaid' wa ngo cao" nae" ga: mho: ra". Ngo wa nao ru: , nga" amyu" wa ni" amyu" ru: , nga" myao: re ni" myao: ru: angaid: ga: pin: ke' ra". –8 Kho gau: khyo" do, lo nae" ga: myid' ke' re Yohoshaphaid' wa Edom mang: ma dae9 khyo" do, lo nae" ga: ta" ke' ra". – Ai: khyo: Israel jhaung zug: , Yuda jhaung zug: we' Edom jhaung zug: thug' lo mung: nhaid' ba lam: lam: su" lhang" qin" ko" re sin: zo: qe: tau: re: , gug' nyhug' qe: tau: re:10 shaug' qid maqo" lo: . – Israel jhaung zug: wa gya we" Mo"so wa ce: jhaung zug: sam zo: re Mo"ba' byu qe: lo, tau byid: nae" ga: zang" qham nhao nhaung mhao" ga:11 mho: ra". – Yohoshaphaid' re: Mo"so jhao" myid' qu" nae" ga: Mo"so: lapa dayaug lao" mana i" ga: myid' re Israel jhaung zug' jeim dayaug wa Elia: bao" thaug' Shaphaid'12 yao: zo: Elisha na: ga: ta" ra". – Alao" Yohoshaphaid' wa Mo"so: mung dao: yao: mae bo nae" ga: ta" yang: jhaung zug: sam13 yaug geim" Elisha jhao" ye" ako". – Elisha wa Israel jhaung zug: re re: ngo nao we' pe" tin" ra". Ni" pho" ni" myhi" lapa qe jhao" ye: wa, ga: ta" re Israel jhaung zug: wa ai ru: damho. Mo"so wa ce: jhaung zug: sam yaug re Mo"ba' byu qe: lo, tau qhaug' nae" ga: zang" qham nhao: to" laug mhao" ga: ta"14 ra". – Elisha wa ngo lam khug; ra" pyaid da du Mo"so daui: na: we' dakhyo: dang dang Yuda jhaung zug: Yohoshaphaid' myo, nho maqu" re wa nao re ngo qu" lhao" qu" zai15 mangaid: . – Tang: she su re khai: lo geri: ga: ta" mung: tang: she su she: myhang" na: au: Mo"so: lo, mo" Elisha adao joe"16 li" ra". – Alao" yao: wa Mo"so mho: ra" lao: geim: alhab' tau gyab lhao: mo" dau:17 ge, . – Pe" mung: ga" re naonhaung" aug' la qhug' nae" mangaid: . Mug: re: qu nae" mangaid: . Ai qere: ai: gyab lhao: mo" tau qid byang" sheim: lo mung: naonhaung" re: , naonhaung" gug' nyhug' qe re: qo" the' shaug' genae" ga: Mo"so ta" ra" khyo:18 mho: ra". – Ai: ru wa Mo"so: qhid' kheim: mau" ngai angaid shi". Mo"ba' byu qe re naonhaung" lo, tau qhaug' byid' li" nae". –19 Ai ru: mung: naonhaung" wa vokham" qae: to" vomo" alhab' we' pyo" ra" vo alhab' re phyo' lhaui" pye' mung: sag' gae agai alhab' mhain" khyoe' pye' yang: qid thug' alhab' jhid' pye' ca" nae". Myid gai alhab' tau laug baui bam: sin" pye' mung: phyo' pye' ca"20 nae" ga: mho: ra". – Ne, seim xeim: tang yo, re qid wa Edom gau: khyo" lo mung: da dae: geim" qid to, byang" bam va".21 Jhaung zug: qe mang: zin: to" lo va" ga" ru Mo"ba' mang: byu qe the' gyo: gelao" yao: bam gye bau: gye shae qo" ci mo, alhab' re khai: qham: to" ru mung: yao: bam: mug: kyo: cao" yang: lhaug' na: bam:22 ako". – Yao: bam ne, seim to" qu" ko" re qid dao ba lo, myhao" qhu" to: mung: qid jham sa: ru: ne: jo; ru the' myao gelao" –23 sa: ngaid: ra". Dang dang jhaung zug: yao: cao: jho" se' geyang: shid; thao" va". Mo"ba' byu qe we" ye jho" lhaid' gae: yu gelang:24 ga: mho: ako". – Israel gyetab joe" lo" au: Israel qe to" lo mung: Mo"ba' byu qe jhao" cao" khe' ako". Israel qe khe' myhi" tao" ke' geyang: Mo"ba' byu qe: mang: khug joe"25 cao" vao: se' lo" ako". – Vomo" jham phyo' mhain" pye' ako". Myid gaung gai: ra" khyi" khao: ngo" tau byu alhab' bam: yang laug baui pye' sin" bam: nghoe' pye' ako". Qid thug' alhab' jhid' pye' mung: sag' gae agai alhab' thau: pye' ko" ra". Kiraharesed joe" sho' laug baui za: jhaid' to, jo; ru mung: laug lhaui: ba jhao mo, wa ai: vomo" re26 lhang" kham" yang: pye' ko" ra". – Mo"ba' jhaung zug: matho' gai: aung lo" ru ba lao" shae ci mo, nhaid' yo zo: khai: yu mung: Edom jhaung zug: jhao" qo" khe' sho' ga:27 gye to" qere: maqo" phyo' ko". – Ai mung: yao: wa yao" atha" tao" zaung nae" yao: zo: zo:qhid' re yu yang: vokham" adao phaid' ngaui" xeim: kaid' ra". Ai: mathao Israel adao nhag' yo: mo" joe" lo: ra" mung: yao: bam wa ai mae" thug' yang: yao: yao" mang: khyo dam: lo: pye' ko" ra".