1 Sholomun wa Egutu jhaung zug: Pharaoh we' yaug pho" zomo, khyo" na mung: Pharaoh myiqe: zo: re yu: ra". Kho" vang , Yerusalem: lhang" kham" vokham" jham qo" pin" ra" ba joe" sho' Davi vomo"2 mae ai: myiqe: zo: re nha: to" ra". – Ai: ayo, AsAng Mo"so: mang kheim: tau: mae yham maqo" zhaug' to: shi" mathao , mang: byu qe myhao: ra" bug gaung tau xeim: se'3 ngaui" byid' ako". – Sholomun re: AsAng Mo"so re jhid' yang: yao: pho" Davi mho dao: cao" pyang" ra". Ngaid qere: yao: wa myhao: ra" bug gaung tau xeim to' yang: nae pyo" ja: ngha" nhae" ra".4 Dalhang jhaung zug: xeim: ngaui" byid: nae" ga: gyai myhao: ra" Gibeon khyo ye" lo" ra". Ai: mae xeim ngaui" jo, qo aqi: ngaid:. Sholomun ai: phain tau xeim: dau:5 dataung ngaui" byid' ra". – Ai: vomo" tau AsAng Mo"so myi" re yab mo, mae Shola- mum jhao" myhao" qhu" mung: ngo nao re pe" byid: nae" mho' qu" wa, ga: AsAng6 Mo"so ta" ra". – Sholomun wa ni" jeim nga" pho" Davi dang main: ra" khyo" din: din: za: , nhag' lam: phyu taung" cao" zo" qhid' kheim: su" na: ru we' dakhyo: nao yao: re jeju amo" laha: ceim" shid' ava". Yao" zaung tao" tau qo" zaung: na nae" yao: re yaug gai zo: dayaug byid' ru wa yao" tau:7 jeju amo" laha: ngaid: ava". – Ana" kam" wa nga" AsAng Mo"so we" ni" jeim ngo re nga" pho" Davi atha" jhaung zug: poe" to" ava". Ai qere: ngo zoshao ngaid shi".8 Vao nae" , thug' nae" akhyo maba. – Nao khyin: yu mung: matho' nghe' lo" ru we' myo" laug yang: matho' qo" myid: qu" lo" ni" mo, mo" thaui: mae ni" jeim ngo bobo:9 na: . – Ai ru: mung: gai: ru , magai: ru re ngo qo" ba: kho' mung: ai: Ni" amyu" qe re qo" ba: kho' byid: nae" nyain: juyi bo: ra" nhag' lam: Ni" jeim ngo re byid: la, wo". Ce: myo" laug: ra" Ni" amyu" re kho yaug tarha" qo" pyam" nae" ga: mho' ra".10 Ai ru: ga: Sholomun mho' ra" dao: kheim: re AsAng Mo"so gyo" ngaui: yu:11 ra". – Ai mung: AsAng Mo"so khyo" yang re: nao wa kao qhang jhaung: re mamho' , jo, nho" re re: mamho' , gyevo qe: kao re re: mamho' , qo" ba: kho' kyo' sho' nae" juyi za: amho' ru mung: nao mho' we' dakhyo:12 ngo byid' ra". – Ngo nao re nyain juyi we' ba jhao nhag' lam: byid' ra". Nao ru: ba: ru genhae" re: mana , thao phyao: re: mana13 nae". – Ai: tho' mae" nao mabo: mho' ra" jo, nho" we' ham: hung: re re: ngo nao re paug' laung: byid' ra". Nao kao adaui: na na wa nao we' dau: ra" jhaung zug: dayaug14 lao" mana: li" lo: nae". – Ni" pho" Davi ru: nao nga" thao cao" yang: nga" mho" myain" mho" thoe we' pin: to: va" dao: cao" zaui" pyang" na: ngaid: re wa ni" byu na bang:15 re re: qhang nhao nae" ga: mho: ra". – Ai: mae" Sholomun yab: so" li" mung: ai ru yab mo, ngaid: ru ba: ra". Yerusalem: khyo yao: dam: lo" mung: AsAng Mo"so dao: thang" bain" qhid' kheim: mae ye; jo, zo" phaid' ngaui" xeim: we' zam" khug xeim: jham ngaui" byid' ru we' yao" sin: zo: alhab' bam: tau: mae" poe kaid' byid' ra".16 Ai: thao yaug zhang: myi qe: shid' yaug jhaung: zug: jhao" li" mung: yao" qhid'17 kheim: li" ye; na: ako". – Myiqe: dayaug wa nga" asang we" ngo we' ce: myiqe: wa dayham tau za: na: ru ngaid: . Ai ru: daga"18 qhain" na: re ngo zo: khau: . – Sam ba lai thao ce yaug re: zo: yaug gai khau: ra". Ai: yham tau mo, je bang" vo mana. Yao: we'19 ngo nhae za: ana: . – Ce: myiqe: wa myi" re zo nau" the' nhai" yang: zoshao nhai" se'20 pye' ra". – Gae gaung: myi: re yao to" li" mung: ngo yab mo" myid' na: au: nga" zo: yu yang: yao" tao: kheim" mae yhab' ra". Yao: zo nau" ashid re wa ngo mae yhab'21 co' ra". – Ngo wa thao: ne, kao nug' jhaug' nae" ein: to" qu" re zoshao shid; jo; ra". Ai qere: ngo zoshao re gelho: qu" re ngo khau: ra" yaug gai zo: mangaid: ga: li" zhao:22 ra". – Getau myiqe: re: ai: khyo: mangaid: . Kao daui: ra" zo nau" lam: nga" zo: , shid: ra" zo nau" lam: ni" zo: angaid: ga: ha: ra". Sao qhid' re" myiqe: re: ai: ru mangaid: . Shid: ra" zo nau" ni" zo: , daui: na: zoshao wa nga" zo: ngaid: ga: mho: ra". Ai ru: ga: ai: myiqe: shid' zo: jhaung zug: qhid'23 kheim: tau jho" ha: ngag; na: ako". – Alao" jhaung zug: wa myiqe: dayaug wa daui: ra" zo nau" wa nga" zo: , shid: ra" zo nau" wa ni" zo: ga: ta" re, dayaug wa mangaid: . Ni" zo: shid va" nga" zo nau" wa daui: na yaug24 angaid: ga: mho ko" ru mung: – shae yu: lo geri: ga: mho: ke' ru we' jhaung zug: jhao"25 shae yu: lo: ako". – Jhaung zug: wa Daui: na shi" zo nau" re kho' yang: ai: myiqe: shid' zo: re dayaug dakhyae: myho" byid;26 ge, ga: mho lao" – daui: na: zo nau" yao: myhi" wa yao: zo: re nhag' khyag' yang: nga" asang we" daui: na: zo nau" re dase' wa, . Ce: myiqe: re byid: wa, ga: mho' yao: ra". Getau: myiqe: wa ngo re: masang. Nao re: dasang kho' gae byid: shao: ga: ta" ra". –27 Ai lao" jhaung zug: wa daui: na: zoshao re dase' ge, . Sao qhid' mae" myiqe: re byid: wa, . Yao: wa yao: myhi" asang dang va"28 ga: mho: ra". – Ai: re" khyo: jhaung zug; kho' kyo" qhu" ra" mau" re Israel byu alhab' bam: the' gyo: gelao" tarha" ra" khyo" pha: kho' nae" nyain: jhaung zug: mae byang" sho' bo: ru the' myao gemung: jhaung zug: re gyaug phug' ko" ra".