1 Sholu amyu" we' Davi amyu" qe gyai myao" sho' ye jho" zin" na geyang: Davi thao khyo qam: je: qi" li" mung: Sholu amyu" qe zo" zo" mae" qam: nang" lo" ako".2 Hebron: vomo" mae khau: ra" Davi zo: qe wa zo:qhid' Yezarela vobyu Abinaung3 kham: mae" Amanung: , – ale; yaug Nabala myi: Karamela vobyu Abigela kham: mae" Khilad', Ahhao" sam , yaug Geshuri: jhaung zug: Talamai yao: zo: Makha kham:4 mae" Abashalung: ngaid: . – Aze byid , yaug Higid kham: mae" Adonia , azaung" ngo" yaug Abitala kham: mae" Shephati , –5 agyung" khyaug' yaug yao" myi: au: xaug' Egala Kham: mae" Ithream bam ngaid: . Ce wa Hebron: vomo" mae" Davi khau: ra" zo: qe ngaid: .6 Sholu amyu" we' Davi amyu" gye boe" na: au: Abana Sholu amyu" thao de, yang:7 qam: ke' ra". – Sholu mae Aia yao: zo: Rizpa mang: ra" myi: ngai dayaug na: . Isha- boshed' wa nao nga" pho" myi: ngai pe"8 mung: yu: ga: Abana re mho: ra". – Ai: dao: kheim" yang Abana wa gyai gyo" yo: mung: ngo Yuda amyu" mae" lakha: au: ngaid: i". Ana" ba joe" ni" pho" Sholu amyu" we' yao" ba nam akaung qe re ngo gam mung: Davi lo, mae nao re maqhaug' pye' lo: na: ru , myiqe: ai: yaug: mathao nao ngo re qobo9 vhin nug nhaung i". – Mo"so wa ce: mang: din" re Sholu amyu" mae" she: yu mung: Dain: vogaung: mae" Berasheba vomo" joe" sho' Israel qe tho' Yuda mang: geim" adao mae Davi zaung tao" to" to: nae" ga: kheim:10 ke' to" we' dakhyo: – ngo re: Davi re myo, nho mato: lo: na: ngaid: re Mo"so ai: tho' je yang: Abana re qobo vhin veshao: ga: mho:11 ra". – Ishaboshed' gyaug yang: Abana re dao: dakheim: re: mavae" tau: na: jo; ra".12 Ai: thao Abana wa Davi jhao" yao" tau: logyo: nhao: ke' mung: ce: mang: wa kho-yaug: mang: din" ngaid: . Ngo we' lozam" lokhug kaid' lang: . Israel amyu" alhab' bam: nao jhao" lhang: lo sho' ngo13 nao jhao" vao nae" ga: ta" ke' ra". – Davi wa gai: ra". Nao we' zam" khug nae". Ai qere: ngo mho' nae" daja: bo: . Nga" myo, khung: myao nae" tau: li" lao" Sholu zo: Mikhala re bojhui" li" wa, . Ai ru: mangaid: lao" nga" myo, khung: mathe' myao nae" ga: ta" ke' ra".14 Davi re: Sholu: zo: Ishaboshed' jhao" logyo: nhao: ke' mung: ngo Philisti byu qe: aqid dayo: yang vai: yu: to" nga" myi: Mikhala re byid' ke' ca" nae" ga: pyang: ke'15 ra". – Ai mung: Ishaboshed' wa byu nhao: ke' mung: ai: myiqe: re yham sang pho" Leshem zo: Phalati lo, mae" she: yu: ra". –16 Yao: lao wa gyai ngug; ru we' Bahurim: vomo" joe" sho' bocao" ra". Abana wa lo" se, ga: mung: yao: dam: tug' lo: ra".17 Abana re: Israel ade, qe we' byin qham mung: naonhaung" lai: lo va" yo, Davi re jhaung zug: tang: nug veko" ru we' dakhyo:18 ana" yao: re aya: tang: gese, . – Mo"so re: Nga" jeim Davi lo, khyo" Nga" byu Israel amyu" re Philisti lo, mae" re: Ngo khyaid' yu nae" ga: Davi qhid' mae" mho: to" ava"19 ga: ta" ra". – Dam: Abana wa Benyamin: kaung re re: yengaug; yu ra". Ai: thao Israel byu alhab' we' Benyamin: kaung qe myid qhug' ra" khyo ada" zo, Hebron: vo mae20 Davi re ye zhao: kyo" ra". – Abana byu shid' xe yaug we' Davi na: Hebron: khyo ye joe" ra". Davi re: ai bam re poe kaid'21 sho' lham: tug: yu: ra". – Ai mae Abana wa Davi re Israel amyu" alhab' bam: nao we' dao: thao: qo" jho" zhaug' tang nae" tau: we' nao asang myid khyo: khyao za: qo" ug: gam: na nae" tau: ngo to" li" lo mung: ai bam alhab' re nga" asang nao jhaung zug: jhao" jhui" zang" qham nae" ga: mho: ra". Davi re: Abana re nhao: ke' mung: yao: wa ngaui bau: taung" lo" byaug; ra".22 Ai au: Yaba we' Davi sin: zo: qe gyevo ajham ataung re cao" khe' ru mae" dam: lo mung: qo" sham" lo: jo, nho" jham re yu: lo: ra". Abana wa Davi we' daga" Hebron: mae mana. Davi nhao: ke' yang: yao: yaug23 yo taung" lo" byaug va". – Yaba we' yao: mae bobo: sin: zo: qe joe" lo ko" au: Nera zo: Abana wa jhaung zug: jhao" li" va". Jhaung zug: re: nhao: ke' mung: yao: yaug yo za: lo" va" ga: Yaba re lham: ta" kyo: ko"24 re – Yaba wa jhaung zug: jhao" vao mung: nao pe" yaung: na: . Abana nao jhao" bin: joe" li" va" re pe" mung: yo za: dam: nhao:25 ke' i". – Nera zo: Abana wa nao re vhain" mung: nao thug' lo" vao lo" ayaug: jham we' nao zaui: so: yaung: ra" jham a lhab' re qo" ba nae" tau: mae" za: nao jhao" li" ru angaid: . Nao ba naeva" mhao" ga: ta" yang:26 thug' lo" ra". – Yaba thug' lo mung: Abana jhao" logyo: cao" nhao: ke' mung: yao: bam Sirah qid thaung: mae" lo" khai: ke' ako". Ai: akhyo Davi maba ngaid: ra".27 Ana" Abana Hebron: khyo dam: li" lo: au: Yaba wa myain yo za: lham: tug bang" se" yaug ru: kaid' mung: vomo" kham: anhae khyo jhui" ye" lo" yang: yao: nhaung: Atahela re se' pye' byid' ra" loge, Abana vae: dug: tau thug' kyao" ke' ra". Yao: re: ai: tau shid: byaug va".28 Ai: akhyo Davi the' gyo: lao" Nera zo: Abana re se' ra" qobo wa ngo jhao" re: , nga" mang: din" mae re: Mo"so: qhid' kheim: khonhae" re: qobo vhin nae" mabo29 shao: . – Yaba we' yao" yham khaung: akaung gu: mae" au: dao mae joe" veshao: . Yaba ba nam qe mae byang no su , mao gae: phau: su , dao gug' ru , mai: shid mung: ru , moe, phau" ra" su khyao za: ngaid shao: ga:30 nhang" ra". – Ai re" khyo: Yaba we' Abis- hai nhae Abana re se' ako". Pe" mung: ga" re yao: nhaung: Atehela re Gibeon gye poe mae Abana se' yang: ngaid: .31 Davi re: Yaba we' yao: mae bo cao" ko" byu alhab' re naonhaung" mai bau: lao" caid' pye' mung: jid: mo" bau: lao" yang" ge, . Amung: Abana mathao kaug' ngug: na ge, ga: ta" phyid' ke' ra". Jhaung zug: Davi yao" gaung yao: mao shaung: nyhab'32 bo: cao" ra". – Abana re Hebron: mae nyhab' ako". Lab nhae mae jhaung zug: ngug: hug' ke' ra". Byu qe re: ngug: yhai:33 bam: ako". – Jhaung zug: pho" wa Abana mathao kaug' ngug: na mung: byu vhang: shid: ru: gai: shid: lo" i". Ni" lo, re taui: yaug mana.34 Ni" khyid jao co: taui: yaug mataui" ru makhyang: yaug: lo, mae shid: pye' ru: nao shid: pye' venhaung ga: ta" ra". Byu qe re:35 dalhang dam: ngug: yhai: lo ko" ra". – Ba mavao shi" au: Davi re zo: nam zo: nae" khyo: byu qe ceim" ta" ko" qe re: Davi wa ba mavao shi: re cinmain" zo: pho: daja: ja: ngo zo" tau" qu" ngaid: re ai tho' mae" ngo mae Mo"so dam: tug' phau: veshao: ga:36 jham tang" ra". – Ai: akhyo byu qe myao: xam" to: mung: qu" ngaui ko" ra". Jhaung zug: pho" kaid' ra" agin alhab' re byu qe qu"37 kao bau ko" ra". – Jhaung zug: wa Nera zo: Abana re se' nae" nhag' lam: mabo: ru re ai: ba Israel byu qe we' byu myo: sho' ceim" ba38 ko" ra". – Jhaung zug: pho" wa yao" daui mung sin: zo: qe re Israel qe mae ana" ba: au: she zug: we' gin bo su dayaug shid: lo"39 va" naonhaung" maba ko" i"? – Ngo xau gyain: qhug' mung: jhaung zug: ngaid va" qe re: ana" ba qam: nang" ra". Zerua zo: ngaid: ra" ce bam wa ngo tho' je yang: qam: bo: ako". Magai mashab: khyo" kaid' yaug re yao: yao" qobo we' daqi" dago" Mo"so qobo jhin xe' byid: veshao: wo" ga: yao" sin: zo: qe re mho: kyo" ra".