1 Mo"so wa Noa' yao: zo: tao ho' re min jhaung: byid: mung: mho: ru wa naon- haung" zo: myhung dau khau mung: myid2 gye, mae na: pyang" ye; pyang" ge, . – Myid gye, gug' nyhug' , mug: le; phyo: mae" ngho' jham alhab' wa naonhaung" re gyaug genae". Myid gye, dao mae" daui mae" daui , na mae" na alhab' we' qid dae mae" ngo: jham re Ngo naonhaung" re qhaug' byid:3 va". – Kao daui so' she mung: daui lab: qin" ja: alhab' wa ao: pho' myoqhui: re" ru: naonhaung" tau: zo: pho: boe" genae". Na mae" na , jo, mae" jo, alhab' re re: naon-4 haung" re byid' to: va". – Ngaid qere: kao ngaid: ra" sa: we' sho: daga" magai: qhain:5 zo: nae". – Gai gai: yao: kao bo: ra" naon- haung" sa: re wa Ngo dam: mho' nae". Gug' nyhug' gug' du: alhab' mae" re: , Ngo mho' nae" byu: lo, mae" re: , naonhaung" lo, mae" re: kao so' re Ngo mho' nae". –6 Khoyaug ngaid qere: byu: sa: re zai" yhug' yaug wa yao" sa: re re: byu: lo; yang zai" yhug' ru qhug' nae". Khoru: ein: re Mo"so wa byu re yao" khyao: dau phain" myhung:7 to" ru ngaid: ra".– Naonhaung" wa zo: myhung taung laug: li" geshao: . Myid gye, dao mae yaug ma: bam laug - byid' ma: jao: byang" ye" lo" ge, wo" ga: mho: ra". –8 Mo"so wa Noa' we' yao: zo: qe re mho: ru9 wa – Ngo wa naonhaung" we' re: , naon-10 haung" zo: myid: we' re: , – naonhaung" we' daga" lha mae" thug' lo: ra" byid khyid de; gug' nyhug' , zoqhid , ngho' alhab' jham we' myid gye, mae" daui mae" daui we' re: Ngo wa Nga" dao: thang" to" to:11 nae". – Naonhaung" we' Nga" gyo: mae to: nae" dao: thang" aso: wa daqid shi: mung: daui nam alhab' kao dau: maje, lo: nae" we' myid gye, re phyo' qheim" nae" daqid12 re: shi: lo: nae" mangaid: . – Ai mae" getau naonhaung" we' daga" ngaid: ra" daui mae" daui we' re: myid: qae: zo" xag' byungug xe qae: Ngo to" to: nae" dao: thang" sadso:13 wa – Nga" sang yhao re jham thaui: mae Ngo to: va". Ai: sang yhao wa myid gaung: gye, we' Ngo to" ra" dao: thang" aso: sag14 so: boe" nae". – Ngo mug: dab nhao: ra" au: sang yhao wa nhag' hhid' thaui: mae15 taui" li" nae". – Ailao" Ngo we' gyo: mae naonhaung" we' daga" daui: na: ra" gug' nyhug' gug' du: alhab' we' to" to" ra" Nga" dao: thang" re Ngo myid: beim: yang: phyo' qheim" nae" , thao phyao: daqid dam: shi:16 lo: zai mangaid: . – Nhag' hhid' thaui: mae sang yhao re qu" mung: Mo"so we' myid gye, dao mae daui: na: ra" daui mae" daui , na mae" na agyo: mae" to" to" ra" apyaid ato: dao: thang" re Ngo myid: beim: so:17 nae". – Ceru wa Ngo we' myid gye, dao mae" daui mae" daui , na mae" na we' Nga" gyo: mae malam: lai: lo" dao: thang" sag so: ngaid: na nae" ga: Noa' re Mo"so mho: ra".18 Lha mae" loe; lo: ra" Noa' yao: zo: jham wa Shem: , Ham: , Yaphed' tao ho' ngaid: ra". Ham: wa Khanain: amyu" yao: pho"19 ngaid: ra". – Ce bam wa Noa' yao: zo: sam yaug ngaid mung: myidkin dagye, geim" mae na: byang" lo" ko" ra".20 Noa' wa taung yo , yothaung: zaui: zo:21 mung: sabyi' khyae kaid' ra".– Sabyi' qang: re re: shaug' yid yang: yao" zaung khug mae mai bau: made; ru gaung cin dam: na: na:22 ra". – Ailao" Khanain" yao: pho" Ham: wa yao: pho" gaung cin dam: ngaid: ru re myao yang: taung gaung mae" yao: mao: we' yao:23 nhaung: nhae re yeta" kyo" ra". – Airu: mung: Shem: we' Yaphed' nhae wa ve, mai re yu mung: yao: nhae: lo; sin mae kai" ci yang: naung zaid: zaid' ye: mung: yao: pho" gaung cin dam: mae pye' nghoe' byid: ko" ra". Yao: nhae wa taung gaung khyo qhid' kheim: phaug' ko" ru mung: yao: pho" gaung cin ngaid: ru re mamyao ko" ngaid:24 ra". – Noa' sabyi' yid: ru mae" gyang" li" au: yao: zo: angai yaug yao: re khoru: kaid'25 ga" ru re ba lao", – Airu: mung: Noa' wa Khanain: wa nhang: kheim: phau: veshao: , yao: mao: yao: nhaung: qe: jeim qe: khug26 mae jeim doe, veshao: ga: mho: ra". – Ai mung: shem" AsAng Mo"so wa nga: lho" veshao: wo". Khanain: wa Shem" jeim doe,27 veshao: ga: mho: ra". – Mo"so wa Yaphed' re qi" qhang nhao mung: Shem" khin zaung mae na veshao: . Khanain: kam" yao" jeim boe" veshao: ga: mho: ra".28 Noa' wa daqid shi: thao sam yo: ngo"29 xe zin kao daui mung: – Yao" kao gug yo: ngo" xe byang" re kao thao" lo" ra".