1 Ailao" AsAng Noa' re mho: ru wa ceta: byu qe mae" Nga" qhid' kheim: mae din: main: ru re ba: myao mung: nao we' ni" yham khug byu alhab' lha khug vao: laung"2 gese,. – Myid gye, mae" gug' nyhug' madam" byaug nae" tau: shao gyang" ra" byid khyid de; gug' nyhug' daja: mae" amo" alo: nhaid' zam" zam", mashao gyang" ra" byid khyid de; gug' nyhug' daja: mae" apho"3 amhyi" shid' zam" zam" , – mug: le; phyo: mae" ngho' daja: mae" amo" alo: nhaid' zam" zam" alhab' jab sho' yu: lhaung" nae"4 ngaid: ra". – Khoru: ein: re ana" ba mae" qhid mung: nhaid' ba lo" byang" lao" byid xe myi byid xe ba myid gye, khyo mug: qu: khyo" ke' nae". Ngo phain" myhung: to" ra" daui madaui alhab' re myid gye, mae" Ngo qab: khyo" pye' nae" ga: AsAng Mo"so mho:5 ra".– AsAng Mo"so mho: ru we' dakhyo: Noa' kaid' ra".6 Myid gye, dao mae daqid shi" ke' ra" au: Noa' kao khyaug' yo zin ngaid: ra". –7 Daqid shi" ra" mathao mae Noa' wa yao: myi: yao: zo: , yao: dau mo" bam we' daga"8 lha khug vao mung: – Mo"so mho: ru we' dakhyo: Noa' wa shao: ra" gug' nyhug' , mashao: ra" gug' nyhug' , ngho' jham we' myid gaung mae yoe" qin" ra" gug' nyhug'9 jham: akhug mae ,– amo" alo: azam" zam" jham wa Noa' we' daga" lha khug khyo10 vao: laung" ko" ra". – Ai: nhaid' ba byang" thao daqid tang" nae" qid wa myid gye,11 mae joe" thug' li" ra". – Noa' kao khyaug' yo byang" ra" zin lho" mo" shid' khye' ein: khye' daxe: nhaid' ba: ne, mae gyai no; ra" qid baug: qid dung: jham tam" ma-aung lo" mug: gaung: qid kham: bung" li" mung: , –12 byid xe myi byid xe ba myid gaung: dao mae mug: qu: ra".13 Ai: ba na mae Noa' we' yao: zo: qe Shem:, Ham:, Yaphed' pha: ho' re: , Noa' yham sang myhi" we' dau mo" sam yaug14 jham wa lha khug khyo vao ko" ra". – Yao: bam we' mung: zoqhid amyu" aja: ja: , gug' nyhug' myu" aja: ja: , myid gaung yoe" qin" gug' nyhug' aja: ja: , ba: dao" ra" qo,, ngho'15 aja: ja: , – kao bo so' she: ra" gug' nyhug' gug' du: alhab' mae" amo" alo: azam" zam" jham wa Noa' we' daga" lha khug vao:16 laung" lo" ko" ra". – Mo"so mho: to" ru we' dakhyo: gug' nyhug' gug' du: jham wa ja: khao: ngo" mae" alo: amo" azam" zam" vao ko" ra". AsAng wa Noa' re lha khug mae17 pyid' lhaung" to" ra". – Ai: daqid shi" ru wa myid gye, mae byid xe myi byid xe ba do, za: do, li" mung: lha re myid gye, mae"18 vo; to' myhung" ke' ava". – Ai: qid wa je: za: lu" li" mung: myid gye, re nhai" lo" mung: lha wa qid dao mae myung" lhang:19 qin" ra". – Ai: qid wa myid gye, dao mae je: je" do; li" mung: mug: gaung gyid' mae" myhao: thao" ra" bam myhao jham nhug'20 lo" byaug: ra". – Daqid wa bam myhao jham: dao mae daxe: ngo" daung" joe" sho' do; nhai" ra".21 Myid gaung: dao mae daui lhab: qin" ra" ngho' , zoqhid , byid khyid de; gug' nyhug' , myid gaung mae yoe" qin" ra" gug' nyhug' alhab' we' byu alhab' nab; shid:22 byaug veko". – Kao bo so' she: ra" taung gaung mae" na mae" na alhab' jham wa23 nab: shid veko". – Ai mung: myid gaung: dao mae" daui mae" daui alhab' wa byu re: , byid khyid de; gug' nyhug' re: , yoe" qin" ra" ja: re: , mug: le; phyo: mae" ngho' jham re: myid gye, dao mae" sham" khyo" pye' va". Noa' we' lha khug laung" ra" mo, za:24 adang ko" ra". – Ai: daqid wa myid gaung dao mae dayo: ngo" xe ba dang: jo; ra".