1
Myid gaung dao mae byu myo" laug: lo mung: zomyi: zo: qe khau myhung: je"2
lo: au: – Mo"so: zolau: zo: qe wa byu: zomyi: zo: qe yaung" qo the' myao mung: yao: yaug yao: qu" ngaui: ru re khyin: yu3
zam" khug ko" ra". – AsAng wa xaosu byu khyo nghung" ru wa gaung sho: za: ngaid ko" ra" mathao Nga" Solo kho-nhae" khon- haung: re: mho" shid' na zai mangaid: . Airu: mung: yao" kao wa dayo: shid' xe za:4
ngaid shao: ga: mho: ke' ra". – Ai: ta mae" gaung khyao qi" qhang: ra" Nephelin: ga: mang mo, myid gye, dao mae na ko" ra". Mo"so: zolau: zo: qe wa byu: zomyi: zo: qe we' zam" mung: qo" ra" zoshao zolau: zo: qe qam: o: qi" ra" mo, geco' ne, mae" ham" hung: qo" ra" mo, ngaid ko" ra".5
Byu xaosu qe: makhyang: mashab: ra" qobo myid gye, mae qi" je" lo: na: ru re6
Mo"so the' myao: ra". – Airu: mung: AsAng wa myid gye, mae byu xaosu re myhung: nha: ru re naung myid qo" mung: nhag' jo,7
mayo mung: na: ra". – Airu: mung: AsAng wa Ngo phain" myhung: to" ra" byu re re:, byu mae" gug' nyhug' jham yoe" qin" ra" daui nam jham , mug: le; phyo: mae" ngho' jham re re: myid gye, dao mae" sham" shaung: khyo" pye' nae". Yao: bam re phain" myhung: to" ra" mathao mae Ngo naung myid qo" va" ga: mho: ra". – Noa' kam" wa AsAng Mo"so: qhid' kheim: mae myo, nho nga: lho" yaug ngaid: ra".8
-9
Ce wa Noa' mhomyi: ngaid: ra". Noa' wa din: main" ru we' ai: ta mae jab byang" yaug ngaid: ra". Noa' wa Mo"so we' daga"10
za: na ye, yaug ngaid: ra". – Noa' wa zoshao sam yaug re khau: ke' ra". Ai bam wa Shem: , Ham: , Yaphed' ngaid ko" ra". –11
Ai: ayo, akhin: mae myid kin wa Mo"so: qhid' kheim: mae maca' majhaid' mung: jo; ra". Myid kin dao mae se' da: be, khyaid'12
ru za: byang" sheim: jo; ra". – Mo"so myid gye, re qu" ke' ra" au: maca' majhaid' jo; ru the' myao: ra". Khoru: ga" re myid gye, dao mae" byu alhab' wa yao: yao" khyo re phyo' qheim" mo, za: ngaid ko" ra".13
Ailao" Mo"so Noa' re mho: ru wa myid gye, dao mae" daui nam alhab' wa Nga" qhid' kheim: mae lo" thao" ba na joe" veko" ra". Yao: bam: mathao mae myid gye, wa se' da: be, khyaid' ru byang" va". Gai gai: yao: myid gye, we' daga" yao: bam re Ngo qab: khyo" pye' nae".14
Ni" tau: mae" Gopha: sag' the" yang lha zhaug' wa, . Akhug mae aqe, qe, kaid' wa, , adao akhug hhuje; gyid' yang jhid'15
wa, . – Nao zhaug' nae" lha: akhyao wa- qhang phyao: sam yo daung", lae phyao: ngo" xe daung", myhao phyao: sam xe16
daung" ngaid veshao: . – Ai: lha mae bo" bao vao nae" dung: phung" ca" nae" , adao mae" dadung: dao mae kaid' nghoe' pin" zai ngaid nae". Ai: lha re o: gye,, agaung" gye,, tho' gye, ga: mung: sam zhao" ngaid17
veshao: . – Daui mae" daui alhab' re Ngo phyo' qheim" pye' nae" tau: myid gye, geim" mae daqid shi" nhai" ke' mung: myid gye, mae" na mae" na alhab' shid: lo" byaug:18
li" genae". – Nao we' kam" wa Ngo dao: thang" to" to: nae". Nao wa ni" myi:, ni" zo: , ni" dau mo" bam we' daga" lha khug19
vao: laung" ge, . – Nao we' daru: za: kao daui: na nae" tau: gug' nyhug' cao jab amo" alo: dazam" zam" lha khug khyo vhao" yu20
wa,. – Daung de; ngho' aja: ja: re: , byid khyid de; gug' nyhug' aja: ja: re: , yoe" qin" ra" gug' nyhug' aja: ja: jham re: amo" alo: azam" zam" jham kao loe, beim nae" tau:21
nao jhao" zang" lo: li" genae". – Nao yao: zo: nae" tau: we' gug' nyhug' jham zo: nae" tau: gai: zo: pho: aja: ja: yu: zhang" ke' to:22
wa, ga: AsAng mho: ra". – Mo"so mho: ru we' dakhyo: Noa' zaui" pyang" ra".