1 Ai lao" Mo"so wa Noa' we' daga" lha khug mae laung" jo, ko" ra" gug' nyhug' alhab' re myid: beim" ke' ra". Ai mung: Mo"so wa myid gye, mae la hug' hug' nhao2 mung: qid baug: jham thang: lo" ra". – No; thao" ra" qid dung: jham mug: gaung mae" bao: zo: kham: jham re pyid' pye' mung:3 mug: qu: ru re thang nhao: ra". – Ailao" ai: qid wa myid gye, mae" yug: za: yug: lo" mung: dayo: ngo" xe ba joe" lao" myid gye,4 mae kin" gyo" lo" va". – Ai: lha wa lho" mo" nhaid' khye' ein: ra" khye' daxe: nhaid' ba mae Ararad' bam ga" bam dao mae lo"5 gyae" ra". – Ai: qid wa lho" mo" daxe khye' joe" sho' gyo" za: gyo" lo" mung: ai: lho" khye' lho" xin: daba: ba mae kam" bam nyaug jham ze: thug' li" ra".6 Ana" ba na byid xe lai lao" Noa' wa lha bao: zo: kham: phung" mung: kuno, dadau:7 re nhao: ke' ra". – Ai: kuno, wa myid gye, mae qid makin: shi: mung: qid kin: nae" ba8 na joe" sho' dao" lhang: qin" ra". – Ai: thao myid gye, mae qid kin: makin: ba nae" tau: phaung" kyug' dadau: re dam: nhao: ke'9 ra". – Myid gye, dao mae qid dang: jo, shi: mung: phaung" kyug' wa yao" khyid: yang zaung: no: nae" jo, qo mathe' myao yang: ai: lha khyo Noa' jhao" dam: tug' lo: ra". Noa' re: lo, qang: ke' mung: phaung" kyug' re lham: zaui" yu mung: yao" jo, qo lha10 khug khyo vhao" yu: ra". – Ai: thao nhaid' ba kyo: ra" au: phaung" kyug' re lha mae"11 dam: nhao: ke' ra". – Ai: phaung" kyug' wa myi" thao zo" mae yao: jhao" dam: lo: ra". Yao" zaui: yang Zhainlun: fo' thoe" zag: ci: lo: ra". Ai: ru myao yang: myid gye, mae12 qid kin: va" ru re Noa' ba: ra". – Ai: thao dalhang nhaid' ba kyo yang: phaung" kyug' re dam: nhao: ke' ra". Ai: phaung" kyug' wa madam: lhang" lo lo: yena: ze: byaug:13 ra". – Khyaug' yo: dazin: sao qhid' lho" khye' lho" xin: daba mae myid gye, mae qid kin" lo" va". Ai mung: Noa' wa lha khaung dao re phung" mung: qu" ke' ra" au: myid14 gaung ho: lo" na: ru re myao: ra". – Lho" mo" shid' khye' ein: khye' shid' xe: nhaid' ba mae myid gaung kyaug' ho va".15 Ailao" Mo"so Noa' re mho: ru wa nao we' ni" yham sang myhi" re: , ni" zo: qe we' ni" dau mo" qe re: ai: lha mae" thug'16 gese,. – Noa' we' daga" ngaid: ra" kao daui so' she: ra" ngho' jham , byid khyid de; gug' nyhug' , myid mae yoe" qin" gug' nyhug' jham wa myid gye, dao mae zo: myhung dau myhung mung: na: je: genae" tau: nao we' daga" jhui" thug' wa, se, ga: Noa' re17 mho: ra". – Ailao" Noa' we' mung: yao: zo: ma: ho' we' yao: dau mo" jham wa lha18 mae" thug' lo" ko" ra". – Myid gye, dao mae daui lab du: su: ba: ra" gug' nyhug' jham alhab' we' yoe" qin" ja: jham alhab' wa yao" amyu" we' yao: lha mae" yain" thug' lo" ko" ra".19 Ailao" Noa' wa AsAng Mo"so: tau: phain kaid' mung: shao lho" ra" gug' nyhug' jham mae" re: , shao: ra" ngho' jham mae" re: khyin: yu mung: phain dao mae xeim:20 phaid' ngaui" ra". – AsAng Mo"so re: sheim nae pyo" ra" so' re khae: yu mung: thao phyao: myid gye, re Ngo nhang: kheim: make' lo: nae". Khoru: ga" re , byu xaosu qe wa ngai shi" mae" yao: nhag' myid tau" da21 mashab ko" ngaid: ra". – Ngo ana" kaid' zaui" lai: lo va" re" ru: ana" kao daui so' she: ra" na mae" na re khonhae" re: phyo'22 qheim" lo: nae" mangaid:. – Myid gaung gye, mathao" thao" wa qhovo: khyo" ra" ayo, jham" yu: ra" ayo, gyo, yo,, laung yo,, zin gaung:, xaung: gaung ayo, akhin: ga: abang mabyid ajo; jo, veshao: ga: AsAng mho: ra".