1 Yuda zug: phaung mae bobo: ra" Niko- din: ga: mang: ra" Phareshe dayaug wa myi"2 re Yesu jhao" li" mung: – AsAng Mo"so we" nao wa Mo"so mae" gyo" li" ra" mho" pho" ngaid: ru re ngo ba: khoru: ga" re nao kaid' ra" mug' pho: re Mo"so mae" za: mangaid: re khag' maqo" kaid' ga: AsAng re ta" ra". –3 Yesu wa ngo nao re dang dang ta" li", dalhang dam: khau: ra" yaug za: mangaid: re wa Mo"so: mang: din" re maqo" the'4 myao nae" ga: ta" ra". – Alao" Nikodin wa byu wa dalhang khau thao re khoru: dam: gai: khau nae"? yao: myhi" aung khug khyo dam: vao mung: khau nae" i"? ga:5 myid' ra". – Yesu wa ngo nao re jhaug' za: ta" nae". Qid we' Solo yang makhau: ra" byu wa Mo"so: mang: din" qo" vao nae"6 mangaid: . – Gaung sho: mae" khau: ru wa gaung sho: ngaid: ra". Solo: yang khau:7 ru wa solo ngaid: ra". – Shid' lhang dam: khau qo shi" ein: ngo nao re ta" ru damug'8 wa, . – La hug' thoe gyo: ngaid qere: khai: khyo" hug' lo yang: khai: khyo hug' lo" ru re nao maba ngaid: ra". Solo we' khau: ra" yaug re: ai we' dakhyo: za: ngaid: ra" ga:9 ta" ra". – Alao" Nikodin wa ai khoru: gai:10 boe" nae"? ga: dam: myid' ra". – Yesu wa nao wa Israel qe: mho" pho" ngaid qere: ce11 jham maba nhaung i"?. – Ngo nao re jhaug' za: ta" nae". Ngonhaung" wa yao: yao: ba: ra" akhyo ta" mung: ngonhaung" myao: qu" va" akhyo re sagso: kham: ra". Ngaid qere: ngonhaung" sagso: dao: re naonhaung"12 malham: khae: yu ko". – Myid gye, we' tin" ra" khyo re ngo ta" re lao" malam" mo, mug: gaung: tho' mae" khyo ta" re khoru:13 ba: lam" genae" i"?. – Aimung: mug: gaung mae na mung: mug: gaung mae" gyo" li" ra" Byu: yao: zo: mae" lai yang: mug: gaung khyo dayaug re: mado, lo" qu" shi:.14 Moshe wa seyo mae lhao maui re tau: yhe' to" ru we' dakhyo: Byu: yao: zo: re:15 tau: yhe' to" ru qhug' nae". – Ai: Byu: yao: zo: re lam" ra" mo, alhab' wa byo, qeim: ru maqhug' lo: apyaid ato: kao so' qo" yu16 genae". – Mo"so: yao: zo: re lam jang" ra" mo, alhab' wa byo; qeim: khyo majoe" apyaid ato: kao qo" nae" tau: Mo"so wa yao" zote: zo: re byid' pye' sho' myidkin17 sosu byu re jhid' de; ra". – Mo"so wa myid kin: byu qere qobo dae byid: nae" tau: mae" yao: zo: re nhao: ke' ru mangaid: myid kin byu qe yao: zo" mathao mae khyaid'18 yu: ru qhug' nae" tau: angaid: . – Yao: re lam" ra" yaug wa dao: phyid' ru maqhug' ngaid qere: malam" yaug wa Mo"so: zote: zo" mang re malam" mung: ana" yao: qobo19 dao: phyid' ru qhug' na: ra". – Qobo: dao: phyid' ru qhug' ru wa bo" bao wa myid gye, khyo vao lo: ru we' byu qe: mau" wa magai: ra" mathao: yang bo" bao tho' mae caid' re20 je: o: na: ako". – Makhyang: ma shab: ra" mau" kaid' mo, wa yao: yao" mau" zo" re nghoe' to: nug mung: bo" bao re ma-o yang:21 bo" khyo matin" ye: ko". – Dang main" ra" khyo kaid' ra" yaug wa yao: kaid' mau" zo" Mo"so khug mae kaid' to" ru rere: ci: qhu" nae" qhid' mae" bo" khyo te' li" ako".22 Ai: thao re Yesu we' yao" naung cao qe Yuda mang: mae joe" ye" ako". Ai: mae yao: bam we' daga" dayo, zo: na mung:23 Babtizan: byid' ra". – Yohan re: Salim vo nhae mae" Enon ga" jo, qo mae Babtizan: byid' na: ra". Pe" mung: ga" re ai: mae qid myo: sho' jo; ra". Byu ajham ataung24 li" mung: Babtizan: khae: yu: ako". – Ai: ayo, mae Yohan kyam: lhaung" ru maqhug'25 shi: – Ai: cid' shao: ra" akhyo re Yohan: naung cao qe wa Yuda qe we' jho" ngag:26 thug' li" ko" ra". – Airu: mung: yao: bam wa Yohan jhao" ye: yang: mho" pho" we" qu" wa, Yodain: lao thoete' mae nao sagso: kham: ra" yaug wa Babtizan: byid' na: ra". Amung: alhab' mo, yao: jhao" zang" ye"27 lo" pye' va" ga: ta" kyo" ako". – Yohan wa tau: mung: mug: gaung khyo" byid' ru za: mangaid: re khag' re: pe" gai: qo" nae" ma28 ngaid: – Ngo wa Khristu ma ngaid: yao" qhid' khyo nhao: ke' qhug' yaug za: angaid: ein: ngo ta" rure naonhaung" yao: nga"29 sagso: ngaid va". – Myhi" sag' qo" ra" yaug wa pho" sag' ngaid: ra". Pho" sag' nhae mae ye; jo, mung: yao" dao: re qhug' gyo" ra" banam qe wa gyai ngaui bau" ako". Ai ru: ngaui bau" ra" khyo wa ngo mae gyang"30 dang: lo va". – Yao: wa je" li" nae" ngo wa yeim: lo" nae" ngaid: ga: ta" ra".31 Mug: tho' khyo" li" yaug wa alhab' tho' mae je: qi" ra". Myidkin mae" yaug wa myidkin we' tin" ru ngaid mung: myidkin: akhyo re ta" ra". Mug: gaung khyo" li" yaug32 wa alhab' adao mae" ngaid: ra". – Yao: wa myao: ra" gu: we' the' gyo" ra" khyo re sagso: kham: ra". Airu: yao" sagso: dao: re33 khag' malham: khae: yu ko". – Yao: kham: ra" sagso: dao: re lham: khae: yu yaug wa Mo"so dang main" na: ra" ga" rure tug va"34 ga: sute' xam" ra" . – Mo"so: yang nhao: ke' ra" yaug wa Mo"so: dao: ta" na: ra". Khoru: ein: re Mo"so wa tu" ka" yang: za:35 solo byid' na: ru mangaid: – Pho" wa yao: zo: re jhid' de, yang: jo, mae" jo, alhab' re36 yao: zo" lo, mae qhaug' byid' ra". – Yao: zo: re lam jang" yaug wa apyaid ato: kao qo" ra". Yao: zo: re ha: pye' yaug kam" wa kao so' maqo" nae". Ai: yaug: adao mae Mo"so zab zhau: nhag' gyid' ru za: aqhug' nae" ga: Yohan hau" kyo" ra".