1 Ce ru wa Mo"so Sina' bam dao mae Moshe re mho: ra" au: , Arun: we' Moshe amyu" akaung qe: mhomyi: byu xag' ca: to"2 ru mae , – Arun" yao: zo: qe wa - zo:qhid' wa Nadab' , yao: nhaung: Abihu , Elaza: , Ithama: ngaid ko" ra".3 Ce bam wa khin jaung aya: tang: xau gyain: khae: yu: ra" Arun" yao: zo: qe ngaid4 ko" ra". – Nadab' wa Abihu: tao wa Sina' seyo mae na shi" au: Mo"so: qhid' kheim: mae myi: getau: yang caung da" ko" ra" au: Mo"so: qhid' kheim: mae shid: byaug veko". Yao: tao mae zo: dau mabo gemung: Elaza: we' Ithama: wa yao: pho" Arun" qhid' kheim: mae khin jaung mau" vin vo, ko" ra".5 Mo"so wa Moshe re mho: ru wa , –6 Levi amyu" qe re khai: yu mung: khin jaung Arun" mau" re zaui: nae" tau: yao" qhid' kheim: yao: bam re jhui" nha: to:7 byid: wa, . – Yao: bam wa volo seim zaung: mau" re vin vo, nae" tau: Arun: we' tin" ra" mau" re re: , volo phaung we' tin" ra" mau" re re: , ai: volo seim zaung: qhid' kheim:8 mae vin vo, genae" ngaid: ra". – Yao: bam wa volo zaung: zai yo alhab' re qu" gam caung mung: Israel amyu" zo: qe caung da" ra" volo seim zaung: mau" re vin vo,9 genae" ngaid: ra". – Levi amyu" zo: qe re Arun: we' yao: zo: qe: lo, mae qhaug' to: nae" ngaid: ra". Israel amyu" zo: qe: khug mae" yao: bam re khyin: yu mung: Ngo10 re sang nhao la, . – Arun: we' yao: zo: qe re nao aya: tang: byid: mung: yao: bam wa yao: yao" khin jaung mau" re lhaug' gam: na genae" ngaid: ra". Ai: khyo te' ye" ra" getau: amyu" qe wa se' pye' ru qhug'11 genae" ga: mho: ra". – Mo"so wa Moshe re12 dalhang dam: mho: ru wa – Israel amyu" mae zo:qhid' qe: tau: Levi amyu" zo: qe re Ngo khyin: yu va" mathao yao: bam wa Nga" byu jham boe" genae" ngaid: ra". –13 Khoru: ga" re Egutu mang: mae zo:qhid' alhab' re se' pye' ra" au: Israel amyu" zo: qe mae byu re re: gug' nyhug' re re: zo: qhid' , au: khaui: qhid' alhab' re Nga" tau: mae shao kyang" va". Zo:qhid' alhab' re gekai: lai sang: yu va". Ngo wa Mo"so ngaid: ga: mho: ra".14 Dam: dalhang Mo"so wa Sina' seyo15 mae Moshe re mho: ru wa – Levi amyu" zo: qe mae lho" mo" dakhye' mae" dao: gu: re yham khaung cao" yang: nghe' qug: to:16 wa, ga: mho: ra". – Alao" Moshe wa Mo"so mho: ru we' dakhyo: Levi amyu" zo: qe re17 nghe' qug: to" ra". – Levi amyu" zo: qe: mang jham wa Gershon: , Kohad' , Merari18 ngaid ko" ra". – Yao: yao" amyu" kaung ein nae" Gershon" zo: qe: mang wa Libni19 we' Shimi ngaid ko" ra". – Yao: yao" amyu" kaung ein nae" Kohad' yao: zo: qe: mang wa Ameram:, Izeha:, Hebron:, Ozela'20 ngaid: ra". – Yao: yao" amyu" kaung ein nae",Merari yao: zo: qe: mang wa Mahali we' Mushi ngaid: ra". Ce: jham wa yao: yao" phug' pho" yham khaung khyo" nghe' qug: ra" Levi amyu" kaung ngaid ko" ra".21 Gershon: mae" gyo" lo: ra" Libni qe we' Shimi qe wa Gershon: kaung mae"22 ngaid ko" ra". – Ai: kaung mae bo: ra" kao lho" mo" dakhye' je: ra" mo, yaug gai alhab' wa nhaid' taung: ngo" yo ngaid ko"23 ra". – Gershon: kaung mae" mo, wa seim zaung ba vao shaid' mae jo, qo yu genae"24 ngaid: ra". – Gershon: kaung mae" agyi wa Lela, yao: zo: Eliasab' ngaid: ra". –25 Gershon: kaung mae" mo, qo vin wa seim zaung mae mau" vin genae". Mau" wa seim zaung adao nghoe' pin: lung: , seim zaung athao nghoe' , volo seim zaung26 kham: myo, kyo" , – seim zaung we' xeim: ngaui" phain lhang" gam: myo, kyo" pin: lung:, vang" kham: dung: mae go: ra" myo, kyo" taui: jham re qu" gam caung genae" ngaid: ra".27 Kohad' mae" byo: gyo" lo: ra" Ameram" kaung , Izeha: kaung , Hebron: kaung , Ozela' kaung jham wa Kohad' yham28 khaung bao: ngaid ko" ra". – Yao: bam: kaung mae" mang japhin: mae bo: nghe' qug: ra" lho" mo" dakhye' je: ra" yaug gai alhab' she' tug: khyaug' yo wa pin: lung: zaung lhaug' zaung" mo, ngaid ko" ra". –29 Kohad' kaung mae" mo, wa seim zaung qid bang" shaid' mae jo, qo yu genae" ngaid:30 ra". – Kohad' kaung mae" agyi wa Ozela'31 yao: zo: Elizaphan: ngaid: ra". – Yao: bam: mau" wa bain" , zo bo", xeim: phain jham , zaung mae" qe, kyo jham re qu" gam caung32 nae" mau" ngaid: ra". – Khin jaung Arun" yao: zo: Elaza: wa Levi amyu" agyi qe: adao mae ug mung: seim zaung lhaug' ra" mo, re qu" gam nae" ngaid: ra".33 Merari' mae" byo: gyo" ra" Mahali kaung , Mushi kaung jham wa Merari'34 kaung bao: ngaid: ko" ra". – Yao: bam: kaung mae" bo: nghe' qug: ra" dazin je: ra" yaug gai alhab' wa khyaug' taung: nhaid'35 yo ngaid: ra". – Merari' amyu" kaung: mae" agyi wa Abihala yao: zo: Zurela' ngaid: ra". Yao: bam wa volo seim zaung qid meim: shaid' mae jo, qo yu genae"36 ngaid: ra". – Merari' kaung bao" mau" wa seim zaung sag' the: jham , dao kang yao: jham , khaung zang jham , zang khyid jham ai we' tin" ra" zai yo jham re re: ,37 vang" khyae zang – zang khyid jham , qae khyao" jham , taui: jham re qu" gam caung genae" ngaid: ra".38 Moshe we' Arun: mae" da du Arun" yao: zo: qe wa Israel amyu" zo: qe: tau: shao gyang" ra" jo, qo re lhaug' zo" re" volo seim zaung ba thug' shaid' mae jo, qo yu genae" ngaid: ra". Getau: amyu" byu qe ai: khyo magai: te' ye: , te' ye" ra" yaug wa39 se' pye' ru qhug' nae". – Mo"so pin: to" ru we' dakhyo: Moshe wa Levi amyu" jham re yham khaung khyo" cao" yang: nghe' qug mung: lho" mo" dakhye' je: ra" yaug gai alhab' kam" wa shid' tug: shid' taung ngaid: ra".40 Mo"so wa Moshe re dalhang dam: mho: ru wa Israel amyu" zo: qe mae kao lho" mo" dakhye' je: ra" zo:qhid' jham alhab' re nghe' qug mung: japhin: yu:41 to: wa, . – Israel amyu" zo: qe: zo:qhid' alhab' atha" Levi amyu" jham re re:, Israel amyu" zo: qe mae na: ra" gug' nyhug' au: khaui: qhid' alhab' tau: Levi amyu" zo: qe mae qo" ko" ra" gug' nyhug' jham re re: , Nga" tau: mae" ngaid veshao: , Ngo42 wa Mo"so ngaid: ga: mho: ra". – Alao" Moshe wa Mo"so pin: to" ru we' dakhyo: Israel amyu" zo:qhid' alhab' re nghe' qug43 mung: – kao lho" mo" dakhye' je: ra" zo:qhid' yaug gai: mang alhab' geim" wa shid' tug: shid' taung: shid' yo: nhaid' xe:44 sam yaug ngaid: ra". – Dam: Mo"so wa45 Moshe re mho: ru wa , – Israel amyu" zo:qhid' alhab' geim" tau: Levi amyu" jham re re: , Israel amyu" jham mae gug' nyhug' jham: atha" Levi amyu" jham mae qo" ko" ra" gug' nyhug' jham re yu wa, . Levi zo: qe wa Nga" byu jham ngaid nae".46 Ngo wa Mo"so ngaid: , – Levi amyu" zo: qe mae jain" ra" Israel amyu" zo:qhid' shid' yo: nhaid' xe: sam yaug re khyin: kho' yu47 nae" akhyo wa, – pa" jhaung: yham: Shek- ela khyo" cao" mung: byu dagaung re ngo" kye' yang khyaid' yu ca" nae". Dashekela:48 wa Gera shid' xe ngaid: ra". – Jain" ra" mo, byid' ra" khyaid' ngaui re Arun: we' yao: zo: qe re byid: nae" ngaid: ra" ga:49 mho: ru we' dakhyo: – Levi amyu" zo: qe we' Israel amyu" zo:qhid' jham re khyaid' mung: dang shi" ra" zo:qhid' jham khyaid'50 ngaui re , – Moshe wa pa" jhaung: yham: Shekela: khyo" cao" yang: ngaui Shekela: dataung: sam yo: khyaug' xe: ngo" kye' re51 khyui: yu mung: – Mo"so pin: to" ra" dao: thoe we' dakhyo: ai: khyaid' yu ngaui re Arun: we' yao: zo: qe re byid' ra".