1 Dam: dalhang Moshe wa Israel amyu" qe: agyi nhag' bo qe re , ceru wa Mo"so khang" to" ra" dao: kheim: ngaid: ra". –2 Israel amyu" khug mae" dayaug yaug Mo"so re dao: so: to: nug qere: , yao" nhag' lam: re myid: phyid’ mung: dao: thang: nae" ngaid qere: , yao" nhaid' thoe re maphyo' qheim" lo: yao: ta" va" ru we' dakhyo: cao" pyang"3 lhoe" ca" nae". – Myhi" pho" yham mae na: na shi" myiqe: zo: wa Mo"so re dao: so: to: nae" ngaid: re , yao" gaung khyao nhag'4 myid re nyham: khyo" aso: to: qere: , – Ai: dao: so: we' nyham: khyo" aso: to" ru re yao: pho" the' gyo: qere: , sae za: na: na: ngaid: re ai: dao: so: re: yao" gaung re nyham: khyo" aso: to" ru wa tang jhaug'5 nae" ngaid: ra". – Mangaid: lao" the' gyo" ra" ba mae yao: pho" tam" ngaid: re khoru" dao: so: ngaid qere: , yao" nhag' myid sozo: nyham: khyo" aso: ngaid: matang jhaug' , yao: pho" tam" kyo" ra" mathao: yang6 Mo"so re: lhoe' ke' nae" ngaid: . – Yham khaung: myhi" zang dayaug yaug dao: so: to" ru we' yao" nhag' myid sozo: nyham: khyo" dao: so: the' ta" va" ngaid: re , –7 yao" yham sang pho" the' gyo: va" ru ai: ba mae sae za: na: na: ngaid: re ai: dao: so: , yao" gaung re nyham: khyo" ra" dao: so: wa8 dang veshao: . – Mangaid: lao" ai: lau dao: the' gyo" ra" ba yao: tam" kyo" ngaid: re ai: dao: so: , yao" gaung khyao sozo: nyham: khyo" dao: so: re yham sang pho" dam: tug' pye' va" ru mung: Mo"so re: lhoe' ke' nae" ngaid: ra".9 Cug' mo" mangaid: lao" yham sang pho" gao: va" myiqe: ngaid: re yao" gaung khyao nyham: khyo" ra" dao: so: wa dang10 jhaug' veshao: . – Yham sang pho" we' daga" na shi" au: dao: so: to" re jham tang: mung: yao" gaung khyao sozo: nyham:11 khyo" ngaid: re , – the' gyo: va" ru yham sang pho" matam" lo: sae za: na: ngaid: re ai: dao: so: alhab' yao" sozo: nyham: khyo" dao: so: alhab' wa dang jhaug' nae"12 ngaid: ra". – Mangaid: lao" yham sang pho" wa the' gyo" ra" ne, mae tam" kyo" qu" va" ngaid: re dao: so: we' re: , yao" sozo: nyham: khyo" ru we' tin" ra" dao: so: madang jhaug' yham sang pho" dam: tug' pye' va" ru mung: Mo"so re: lhoe' ke' nae".13 Dao: so: alhab' re re: , nhag' lam: nyham: khyo" ru we' tin" ra" gu: alhab' re yham sang pho" wa dang jhaug' nhao nae" akhang" re: dam: tug' pye' nae" akhang" qo"14 ra". – Yham sang pho" wa dane, we' dane, sae za: tae" na: ngaid: re yham sang myhi" to" ra" dao: so: alhab' we' yham sang myhi" mae nhag' myid sozo: nyham: khyo" dao: so: alhab' re zhaug' tang: ru boe" ra". The' gyo: va" ru sae za: na: ra" mathao ngaid:15 ra". – Ai: dao: thoe re the' gyo: thao geso" no" mae yham sang pho" wa ai: dao: dam: tug' pye' nae" ga: kaid' ngaid: re yham sang myhi" qobo re yao" tau: vin: yu: ru qhug'16 nae". – Ce ru wa myi: we' lao: gyo: mae re: , yao: pho" yham na: na shi" zomyi: we' yao: pho" gyo: mae re: Moshe nhaid' thoe khyo" Mo"so khang" to" ra" cao" khyao jin kham ngaid: ra".