1 Mo"so Moshe re dam: mho: ru wa –2 nao Israel amyu" zo: qe re ta" kyo: nae" ru wa , Ngo re caung da" nae" nae ham" ra" xeim: toe' ra" myi: ngha" hab' ngaui" jhaung qhu" re tu" ka" to" ra" ayo, akhin:3 mae ngaui" na ca" genae". – Yao: bam re ceru: ein: dam: ta" kyo: shi: wa, ne, qug khao: ngo" malam: lai: ngha" ngaui" nae" tau: xeim: dau: re dazin mabyang" shi" ra" no malo" ra" yao nau" shid' dau: re Mo"so: tau: myi" yang caung da" ngaui"4 ca" genae". – Ne, seim: ayo, mae yao dadau: myi" thao mae dadau: caung da"5 ca" genae". – Zhainlun shi: re thaung: mung: qo" ra" Zhainlun xau sam loga: we' lhau: lhag' ra" cinmain" nhug phaui: dathaug' pyid' (da-o: me" ) re re: caung6 da" ca" genae". – Ce ru wa Sina' bam dao mae ta" to: va" ru we' dakhyo: Mo"so: tau: sheim nae ham" ra" myi" yang ngha" ngaui" jhaung qhu" malam: lai: caung da" nae" ngha" hab' ngaui" xeim: ngaid nae". –7 Yao nau" dadau: we' daga" vhe' sheim" ngaui" nae" tau: sabyi' qang: sam loga: re caung da" mung: shao lho" ra" jo, qo mae Mo"so: tau: vhe' sheim" ngaui" ca" nae". –8 Getau yao nau" dadau: re myi" thao: ayo, mae caung da" ra" au: ne, seim mae" ru: cinmain" we' vhe' sheim: jhaung qhu" bo: ru we' dakhyo: boke' mung: Mo"so: tau: myi" yang hab' ngaui" ra" sheim nae pyo" ra" jhaung qhu" xeim: ngaui" ca" nae".9 Ne, qug caung da" ra" myi: ngha" ngaui" xeim: , vhe' sheim" ngaui" nae"10 jhaung qhu" mae" getau , – dug no: ba mae dazin mabyang" shi" yao no malo" ra" yao nau" shid' dau: re re: , vhe' sheim: nae" jhaung qhu" bobo mung: , gaug zo xeim: jhaung qhu" kaid' nae" tau: xau lhau: lhag' ra" cinmain nhug phaui: shid' thaug' pyid' (shid' o: me" ) re caung da" ca" nae".11 Lho" xin" ne, mae nung: jaung lo: qae: shid' dau: , yao lo: dadau: , dazin maby- ang" shi" no malo" ra" yao nau" shid' dau: Mo"so re myi: ngha" ngaui" xeim: kaid'12 yang caung da" ca" nae". – Nung: jaung dau" dao mae xau we' lhag' ra" cinmain" nhug phaui: sam thaug' pyid' ( – o" me" ) , yao dadau" dao mae xau we' lhag' ra" cin nhug phaui: shid' thaug' pyid'13 ( – o" me") , – yao nau" dadau" dao mae cinmain" nhug phaui: dathaug' pyid' pyid' ngaid: ra" gaug zo xeim: jhaung qhu" we' daga" Mo"so re myi" yang caung da" mung: myi: ngha" hab' xeim: re qhaug'14 ngaui" ca" nae". – Vhe' sheim: caung da" nae" jhaung qhu" xeim: kaid' nae". Nung: jaung dadau: we' sabyi' qang: khyaug' loga: , yao dadau: we' sabyi' qang: byid loga: , yao nau" dadau: we' sam loga: re caung da" ca" nae". Ai re" ru: lho" khye' khao: ngo" mashaid' lo: myi: ngha" ngaui"15 xeim: re caung da" na ca" nae". – Ne, khao: ngo" ngha" ngaui" xeim: we' vhe' sheim: caung da" jhaung qhu" mae" jain" yang: qobo khyaid' nae" tau: caid' be, nau" dadau: re re: caung da" ca" nae".16 Sao qhid' lho" khye' daxe: byid ba: ne, wa Mo"so: tau: lhai: lhoe' ke' poe ngaid:17 ra". – Ai: lho" khye' daxe: byid ba: ne, mae lai: loe, poe kaid' ca" nae". Nhaid' ba: gu: mae main" mabo: cinmain" re18 zo: ca" genae". – Sao qhid' aqhid ba mae shao kyang" kaid' ca" nae". Pe" mau" re:19 magai: zaui: nae". – Mo"so: tau: ngha" hab' ngaui" nae" ngha" ngaui" xeim: nung: jaung lo: qae: shid' dau: , yao lo: dadau: , dazin mabyang" shi" no malo" ra" yao nau" nhaid' dau: re ngha" ngaui" xeim: dau: kaid' mung: caung da" ca"20 genae". – Nung: jaung dadau: re xau we' lhau: lhag' ra" cin: main" nhug sam thaug' pyid' , yao lo: dadau: re xau we' lhau: lhag' ra" cinmain" nhug shid' thaug'21 pyid' , – yao nau" nhaid' dau: nge, sho' dadau: re dathaug' pyid' pyid' we' gaug zo xeim: jhaung qhu" re caung da" ca"22 nae". – Qobo khyaid' ru kaid' nae" tau: qobo khyaid' xeim: dau: caid' be, dadau: re23 re: caung da" ca" nae". – Ne, qug ne, seim khao: ngo" caung da" ra" ngha" ngaui" xeim: mae" jain" yang: nhaid' ba gu: mae ai: xeim: jham re paug' yang: caung da"24 ca" nae". – Ai re" ru: ne, qug caung da" ra" myi: ngha" ngaui" xeim: , vhe' sheim: caung da" ra" jhaung qhu" mae" jain" yang: nhaid' ba geim" mae daba daba re Mo"so: tau: sheim nae pyo" ra" xeim: we' myi" yang caung da" ra" zo: shaug' re caung da" ca" nae".25 Nhaid' ba ein: ba mae shao kyang" kaid' ca" nae". Myid kin: mau" pe" re: magai:26 kaid' nae". – Ai mae" getau dug no: nhaid' dug no: nge, lao" gaug zo xeim: jhaung qhu" asag' re Mo"so jhao" ci: li" nae" ba na , sao qhid' mhang" ra" myug: shi: ba na mae shao lho" ra" shao kyang" phaung phaung genae" ngaid: ra". Ai: ba mae pe" mau"27 re: magai: kaid' nae". – Mo"so: tau: nae ham" xeim: we' ngha" ngaui" xeim: kaid' nae" nung: jaung lo: qae: shid' dau: , yao lo: dadau: , dazin mabyang" shi" yao nau"28 nhaid' dau: re caung da" ca" nae". – Nung: jaung dadau: re xau lhag' ra" cinmain" nhug sam thaug' pyid' , yao dadau: re shid' thaug'29 pyid' , – yao nau" nhaid' dau: nge, sho' dadau: re dathaug' pyid' pyid' we' gaug zo:30 xeim: caung da" ca" nae". – Qobo khyaid' ru kaid' nae" tau: caid' be, nau" dadau: re31 re: caung da" ca" nae". – Ai re" ru: malam: lai: caung da" ra" myi: ngha" hab' nae" xeim: , gaug zo xeim: jhaung qhu" mae" jain" yang: vhe' sheim" ngaui" jhaung qhu" we' daga" no malo" ra" xeim: dau: jham re paug' yang: caung da" ca" nae" ngaid: .