1 Ana" Rubin: we' Gaid' kaung mae" zo: myid: qe wa gyai myo: laug: ra" gug' nyhug' qo" ko" mung: Yazera' mang: , Gilaid' mang: mae gyo, zo: mhin: nau"2 ru re the' myao geyang: , – Moshe , khin jaung Eliaza: we' volo mo, phaung mae"3 zug: ade, qe jhao" li" mung: , – Atarod' , Dibon: , Yezera' , Nimra , Heshabung: , Eliale , Sebam: Nebo" , Beon: mug: jham4 wa , – Israel volo byu qe: qhid' kheim: mae Mo"so phyo' sin" pye' ra" ce: mang: wa gug' nyhug' jham gyo, zo: gai: ra". Ni" byu qe mae re: gug' nyhug' jham gyai myo:5 laug: ra". – Ai ru: mung: ni" qhid' kheim: mae ngonhaung" myo, nho lu: ngaid: re ce: mang: din" ngonhaung" re sang: yu nhao la, ngonhaung" re Yodain: gyaung: thoe te' khyo dajhui" lo" la, ga: mho' ko" ra".6 Alao" Moshe re: naonhaung" wa cemae na: thang: gyo" mung: naonhaung" mao: nhaung: qe wa mang: zin" vao lo" zai i"? –7 Mo"so byid' ra" mang: khyo Israel amyu" zo: qe magau" de; lo" nae" khyo: yao:8 bam: nhag' lam: re pe" khyug' ko" i"? – Ai: mang: din" re jo" qu" nae" tau: mae Kade- sha-bana mae" naonhaung" phug' pho" qe re nhao: ke' ra" au: re: ai re" ru: kaid' ko"9 ra". – Yao: bam wa Eshkola, lao: khaung: joe" sho' qu" gam" pye' mung: Mo"so byid' ra" mang: khyo Israel amyu" zo: qe malo" geshao: ga: yao: bam: nhag' lam: re khyug'10 veko". – Ai: ba mae Mo"so nhag' gyid'11 ru we' , – gai gai: yao: Abraham: , Isag' , Yaku' re Ngo jham kai: mung: byid' to" ra" mang: re Egutu mae" thug' lo: ra" mo, mae Keni kaung mae" Yephuna" yao: zo: Kaleb' we' Nun" yao: zo: Yoshu' mae" jain" yang: Nga" thao cao" mo, mabo ko" mathao kao shid' xe byang" va" mo, khag' re: qo" vao12 genae" mangaid: . – Ai shid' zo: kam" wa Mo"so: thao lam: maug yao: cao" pyang"13 veko" ga: jham tang" ra". – Mo"so: qhid' kheim: mangaid makhung" kaid' ra" mo, alhab' gain: lo" veshao: ga: Israel amyu" re nhag' gyid' mung: zin lam: byid xe gao se yo mae su" lhang: qin" nhao: ra".14 Ana" re: Mo"so wa Israel amyu" zo: qe re je: nhag' yo: nae" khyo: je mung: makhyang: mashab kaid' ko" naonhaung" wa naonhaung" phug' pho" qe: gaung tha"15 dam: thug' ye; li" vegenhaung i"? – Naon- haung” Mo"so: gau: khyo mae" khyo thaung" vao gelao" , dam: dalhang Israel amyu" zo: qe re ce: seyo segae: mae to: co' mung: ce: amyu" alhab' geim" re naon- haung" phyo' qheim" sin" pye' genaeva" ga: Gaid' we' Rubin: amyu" zo: qere lham: qeim: ra".16 Yao: bam wa yao: jhao" qui" te' ye: mung: ngonhaung" wa ce: jo, qo mae ngo- nhaung" gug' nyhug' jham: tau: nung: yham we' myiqe: zoshao qe na nae" vogaung: de:17 nae" ga: mho ko" ra". – Ngaid qere: Israel zo: myid: qe yao: bam: na jao: majoe" joe" wa ngonhaung" sin: ci mung: yao: bam: qhid' au: khyo ye" lo" nae". Ngaid qere: ce: mang: mae" byu qe: mathao ngonhaung" zo: dau jham gang: tang: ra" vo kham" kyae" ra" vogaung: mae na geshao: . –18 Israel zo: myid: qe Ma khae: yu nae" mug: khyo maqo" vao vao wa ngonhaung" yham19 khyo dam: tug' lo zai mangaid: , – Ngon- haung" wa Yodain: gyaung: thoe te' mae yao: bam we' daga" mug: myid: Ma re mamho' nae". Ngonhaung" mug: myid: Ma wa Yodain: gyaung: ba thug' te' gu: ngaid veshao: ga: mho ko" ra".20 Alao" Moshe re: , yao: bam re naon- haung" Mo"so: qhid' kheim: sin: ci mung:21 mang: zin: ye" lo" re , – Mo"so wa gyevo qe re nga" qhid' kheim: mae" qo" khe' thug' pye' mung: ai: mang: din" re qo" yu22 sho' , – naonhaung" alhab' mo, wa shae lhae sin: ci mung: Mo"so: qhid' kheim: mae Yodain: thoe te' khyo gau" ye" lo" ko" re wa , Mo"so: qhid' kheim: Israel amyu" zo: qe: qhid' kheim: mae qobo loe, mung: ce: mang: din" khyo dam: lo mung: Mo"so: akhang" we' mang: din" re Ma qo" khae:23 yu genae". – Ai ru: makaid' ko" ngaid: re kam" naonhaung" Mo"so re zai" shaid' ko" ru mung: dang dang naonhaung" qobo wa naonhaung" re cao" myhi: lo: li" nae". –24 Naonhaung" zo: dau qe: tau: re: , gug' nyhug' jham: tau: nung: yham re: lo" de: lo" kaid' ge, ana" ta" ru we' dakhyo: lo"25 kaid' ge, ga: mho: ke' ra". – Alao" Gaid' we' Rubin: kaung mae" mo, wa Moshe re nao ta" ru we' dakhyo: ni" jeim qe lo"26 kaid' naeva". – Ngonhaung" myi: zo: jham we' gug' nyhug' jham alhab' re ce: mang:27 Gilaid' vo mae nha co' nae". – Ngonhaung" kam" wa AsAng mho: ru we' dakhyo: sin: ci yang: Mo"so: qhid' kheim: mae gye khaid' nae" tau: gau" de; lo" bam naeva" ga: mho ko" ra".28 Alao" Moshe wa yao: bam: akhyo: mathao mae khin jaung Eliaza: , Nun" yao: zo: Yoshu' we' Israel amyu" zo: qe: zug:29 qe re khai: yu mung: , – Gaid' kaung we' Rubin" kaung mae" sin: qo" ci va" mo, alhab' wa mang: bao" zin: nae" tau: Mo"so: qhid' kheim: mae naonhaung" we' daga" Yodain: gyaung: thoe te' khyo bogau" de, mung: ai: mang: din" re naonhaung" qo" khe' aung lao" yao: bam re Giled' mang: re sang:30 yu nhao genae" ngaid: ra". – Kho khoru: yao: bam wa sin: ci yang: naonhaung” we' daga" macao: gau" de, ko" re Khanain: mang: mae naonhaung" we' daru: za: mug: myid re ceim" khae: yu genae" ngaid: ga:31 ta" co' ra". – Alao" Gaid' kaung we' Rubin" kaung mae" mo, wa Mo"so ni" jeim qe re ta" to" ru we' dakhyo: ngonhaung" cao:32 kaid' naeva". – Ngonhaung" shae lhae ci yang: Mo"so: qhid' kheim: mae Yodain: gyaung: ba thug' te' mae mug: myid: Ma qo" nae" mathao mae ngonhaung" wa sin: ci yang: Khanain: mang: khyo cao: gau" de, nae" ga: dam: mho ko" ra".33 Alao" Moshe re: , Amori' jhaung zug' mang: we' tin" gu: alhab' , Bashain: jhaung zug: O"ga' mang: we' tin" gu: alhab' mug: myid: vogaung: jham re Gaid' amyu" , Rubin: amyu" , Yoseb' yao: zo: Manashe: mae" na: gyo" lo: ra" Manashe: kaung mae" dakhyae: re qhaug' to: byid: co' ra". –34 Gaid' amyu" zo: qe wa Dibon: , Atarod' ,35 Aroera , – Atarod' , Shophain: , Yaza: ,36 Yubaha' , – Bed-nimara' , Bedharain: , vo jham mae gug' nyhug' na yham kaid' ko"37 ra". – Rubin: amyu" zo: qe wa Heshabung: ,38 Elale: , Keriathim: , – Nebo" , Balam:eon: we' Shibna: vo jham re de: ko" ra". Mang39 asag' re tha" mhang" ko" ra". – Manashe: mae" gyo" lo: ra" Makhira' zo: qe wa Gilaid' vo khyo lo" mung: aung: yu mung: azhao: na xug' Amori' byu jham re khe'40 thug' pye' ko" ra". – Moshe wa Giled' vo re Manashe" yao: zo: Makhira' amyu" zo: qe re gae byid: mung: yao: bam ai mae na41 ko" ra". – Manashe: amyu" zo: Yaira' wa Giled' vogaung: jham re khe' aung mung: Havug' Yaira' ga: mang mhang" yu: ra". –42 Noba: re: to" ye" lo" mung: Kena vomo" , vogaung: jham re qab: yu mung: yao" mang re yu mung: Noba: vo ga: mhang" ra".