1 Lho" nhaid' khye' sao qhid' ba mae shao lho" ra" shao kyang" phaung re kaid' ca" nae". Ai: ba mae pe" mau" re: magai: zaui: nae". Labo" maid nae" ba na ngaid: . –2 Mo"so: tau: nae ham" ra" xeim: we' myi: ngha" hab' ngaui" nae" tau: nung: jaung alo: dadau: , yao lo: dadau: , dazin byang" ra" yao nau" nhaid' dau: jham re caung da" ca" nae". Ai jham wa no malo" ru ngaid3 ca" nae". – Nung: jaung dadau: mae xau we' lhag' ra" cinmain" nhug phaui: sam thaug' pyid' , yao dadau: mae shid' thaug'4 pyid' , – Yao nau" nhaid' dau: nge, sho' dadau: mae dathaug' pyid' pyid' we' gaug zo jhaung qhu" xeim: qhaug' ngaui" ca"5 nae". – Qobo khyaid' xeim: kaid' nae" no malo" ra" caid' be, nau" alo: re caung da"6 ca" nae" , – Ai re" ru: li jo; ru we' dakhyo: lho" xin" ba mae" myi: ngha" hab' xeim: we' gaug zo xeim: jhaung qhu" we' khon- hae" re: lhaung" kaid' na: myi: ngha" ngaui" xeim: , yao" gaug zo xeim: jhaung qhu" , vhe' sheim: jhaung qhu" ru" ru mae" getau Mo"so: tau: myi" yang ngha" ngaui" ru re paug' yang: kaid' ca" genae".7 Ai: lho" khye' daxe ba: ne, mae shao lho" ra" shao kyang" phaung kaid' ca" nae". Pe" ja" mau" re: gai: zaui: so: nae"8 mangaid: . – Ai: ba mae Mo"so re nae ham" ra" xeim we' myi: ngha" ngaui" xeim: kaid' nae" nung: jaung lo: abau: dadau: , yao lo: dadau: , dazin byang" va" yao nau" nhaid' dau: re caung da" ca" nae". Ai: xeim: dau:9 jham wa no malo" ru ngaid ca". – Nung: jaung dadau: mae xau lhag' ra" cinmain"10 nhug phaui: sam thaug' pyid' , – yao dadau: mae shid' thaug' pyid' , yao nhaid' dau: nge, sho' dadau" dao mae dathaug' pyid' pyid' we' gaug zo xeim: jhaung qhu"11 qhaug' ngaui" ca". – Qobo khyaid' nae" tau: caid' be, lo: nau" dadau: re caung da" ca". Ai re" ru: qobo khyaid' xeim: , lhaung" kaid' na: myi: ngha" ngaui" xeim: , yao" gaug zo xeim: jhaung qhu" ,vhe' sheim: jhaung qhu" mae" jain" yang: paug' caung da" ru kaid' ca".12 Ai: lho" khye' daxe: ngo" ba: ne, mae shao lho" shao kyang" ham phaung kaid' ca". Pe" mau" makaid' lo: nhaid' ba geim"13 Mo"so: tau: poe kaid' ca" nae". – Sao qhid' ba mae Mo"so sheim nae pyo: nae" tau: myi: ngha" ngaui" xeim: nung: jaung lo: sam dau: , yao lo: shid' dau: , dazin byang" va" yao nau" daxe: byid dau: re caung da" ca". Ai jham wa no mabo: ru14 ngaid ca" nae". – Nung: jaung sam dau: nge, sho' dadau: re xau lhag' ra" cinmain" nhug phaui: sam thaug' pyid' pyid' , yao shid' dau: nge, sho' dadau: re shid' thaug'15 pyid' pyid' , – yao nau" daxe: byid dau: nge, sho' dadau: re dathaug' pyid' pyid' we'gaug zo xeim: jhaung qhu" qhaug'16 ngaui" ca". – Qobo khyaid' nae" tau: caid' be, lo: nau" dadau: re khonhae" re: lhaung" kaid' na: ra" myi: ngha" ngaui" xeim: , gaug zo jhaung qhu" xeim: , vhe' sheim: jhaung qhu" xeim: mae" getau paug' mung: caung da" ca" nae".17 Shid' ba ein: ba mae nung: jaung lo: qae daxe: shid'dau: , yao lo: shid' dau: , yao nau" daxe: byid dau: re re: , ai jham18 no mabo: ru ngaid ca". – Nung: jaung , yao , yao nau" myo" re myo" khyo: nang" re nang" khyo: cao" yang: li jo; ra" we' daru: za: gaug zo jhaung qhu" xeim: , vhe'19 sheim: jhaung qhu" re re: , – qobo khyaid' nae" tau: caid' be, lo: nau" dadau: re: , kaid' na gau ngaid: ra" myi: ngha" ngaui" xeim: we' gaug zo jhaung qhu" , vhe' sheim: jhaung qhu" mae paug' yang: caung da" ca" nae".20 Sam ba ein: ba mae nung: jaung lo: daxe: da dau: , yao lo: shid' dau: , dazin byang" va" no mabo: ra" yao nau" daxe:21 byid dau: re re: , – nung: jaung , yao , yao nau" myo" ru nang" ru re qu" yang: li jo; ru we' dakhyo: gaug zo: jhaung qhu" , vhe'22 sheim: jhaung qhu" jham re re: , – qobo khyaid' nae" tau: caid' be, lo: dadau: re re: , kaid' na gau ngaid: ra" myi: ngha" xeim: we' gaug zo xeim: jhaung qhu" , vhe' sheim: jhaung qhu" caung da" ru mae23 paug' yang: caung da" ca" nae". – Byid ba ein: ba mae nung: jaung lo: daxe dau: yao lo: shid' dau: , no mabo: dazin byang" va"24 yao nau" daxe: byid dau: re re: , – nung: jaung , yao , yao nau" myo" ru nang" ru re qu" mung: li jo; ru we' dakhyo: gaug zo xeim: jhaung qhu" , vhe' sheim: jhaung25 qhu" jham re re: , – qobo khyaid' nae" tau: caid' be, lo: dadau: re: , kaid' na gau ngaid: ra" myi: ngha" ngaui" xeim: we' gaug zo jhaung qhu" , vhe' sheim: jhaung qhu" jham mae paug' mung: caung da" ca" genae".26 Ngo" ba ein: ba mae nung: jaung lo: gug dau: , yao lo: shid' dau: , no mabo: dazin byang" va" yao nau" daxe: byid dau:27 re re: , – nung: jaung , yao , yao nau" myo" ru nang" ru re qu" mung: li jo; ru we' dakhyo: gaug zo jhaung qhu" , vhe' sheim:28 jhaung qhu" re re: , – qobo khyaid' nae" tau: caid' be, lo: dadau: re re: , kaid' na gau ngaid: ra" myi: ngha" ngaui" xeim: we' gaug zo jhaung qhu", vhe' sheim: jhaung qhu" mae getau paug' mung: caung da" ca"29 nae". – Khyaug' ba: ne, mae nung: jaung lo: she' dau: , yao lo: shid' dau: , no mabo:30 yao nau" daxe: byid dau: re re: , – yao , nung: jaung , yao nau" myo" ru nang" ru re qu" mung: li jo; ru we' dakhyo: gaug zo jhaung qhu" , vhe' sheim: jhaung qhu" re31 re: , – qobo khyaid' xeim: kaid' nae" tau: caid' be, lo: dadau: re re: , kaid' na gau ngaid: ra" myi: ngha" ngaui" xeim: we' gaug zo jhaung qhu" , vhe' sheim: jhaung qhu" jham mae getau paug' mung: re: caung da" ca" nae".32 Nhaid' ba ein: ba mae nung: jaung lo: nhaid' dau: , yao lo: shid' dau: , no mabo: dazin byang" va" yao nau" daxe: byid dau:33 re re: , – yao , nung: jaung , yao nau" myo" ru nang" ru re qu" mung: li jo; va" ru we' dakhyo: gaug zo jhaung qhu" , vhe' sheim:34 jhaung qhu" jham re re: , – qobo khyaid' xeim: caid' be, lo: dadau: re re: , kaid' na gau ngaid: ra" myi: ngha" ngaui" xeim: we' gaug zo jhaung qhu" , vhe' sheim: jhaung qhu" jham mae getau paug' mung:35 re: caung da" ca" nae". – She' ba ein: ba mae shao lho" ra" shao kyang" ham phaung kaid' ca"nae". Myid kin: mau" pe" re gai:36 kaid' nae" mangaid: . – Ai: ba mae Mo"so: tau: mae" nae ham" ra" xeim we' myi" yang caung da" ra" myi: ngha" ngaui" nae" nung: jaung lo: dadau:, yao lo: dadau:, no mabo: dazin byang" va" yao nau" nhaid' dau: re37 re: , – yao , nung: jaung , yao nau" myo" ru nang" ru re qu" mung: li jo, va" ru we' dakhyo: gaug zo jhaung qhu" , vhe' sheim:38 jhaung qhu" re re: , – qobo khyaid' nae" tau: caid' be, lo: dadau: re re: , kaid' na gau ngaid: ra" myi: ngha" ngaui" xeim: we' gaug zo jhaung qhu" , vhe' sheim: jhaung qhu" mae getau paug' mung: re: caung da"39 ca" nae". – Ai re" ru: dao: so: to: mung: caung da" jhaung qhu" , yao: za: yao: myid bo yang: caung da" jhaung qhu" , myi: ngha" ngaui" caung da" jhaung qhu" , gaug zo jhaung qhu" , vhe' sheim: jhaung qhu", zam" khug caung da" jhaung qhu" jham mae" jain" mung: ayo, akhin: tu" ka" to" ra" poe jham mae getau paug' mung: re: caung40 da" ca" genae" ga: mho: ra". – Ai re" ru: Moshe wa Mo"so yao: re pin: to" gu: alhab' re Israel zo: myid: qe re kai" ta" kyo" ra".