1 Mo"so wa Moshe re dam: mho: ru2 wa , – Midian: amyu" qe wa Israel zo: myid: qe re zai" shaid' ko" ra" qobo we' dakhyo: Midian: amyu" re dae co' phaug' wa, ai: ru bin lao" nao wa ni" amyu" jham:3 phaung khyo lo" zai ngaid nae". – Moshe re: amyu" zo: qe re khai: zhang: mung: gye khaid' ye: nae" tau: sin: ci nae" byu khyin: yu mung: Midian: amyu" qe re Mo"so: dae co' ye: phaug' nae" Midian: amyu" qe re4 ye: khaid' ge, . – Israel amyu" khug mae" dakaung mae" dataung taung zhang" yu5 mung: ye: khaid' ge, ga: mho: ra". – Yao: bam re: Israel amyu" atug ataung mae" dakaung mae" dataung taung zhang" yu mung: gye ye: khaid' nae" tau: sin: ci byu datug: shid' taung re qhaug' byid:6 mung: , – Moshe wa yao: bam re re: , shao lho" ra" sin: jham we' daga" labo" maid nae" khin jaung Eliaza" yao: zo: Phinaha re re: ,7 gye khaid' nae" nhao: ke' ra". – Moshe re Mo"so pin: to" ru we' dakhyo: Midian: byumyu" re mang: ye: zin: mung: yaug gai8 alhab' re se' pye' ko"ra". – Se' pye' qhug' ra" mo, mae Evi' , Rekem: , Zura' , Hura' , Reba' ga" ra" Midian: zug: ngo" yaug bobo ko" ra". Bora' yao: zo: Balam: re re: shae:9 yang qam" se' ko" ra". – Israel zo: myid: qe wa Midian: myiqe: qe we' zoshao qe re myhag' she: yu ko" ra". Yao , nung: , caid' be, mae" da du jo, nho" alhab' re re: lhaid'10 ci: lo ko" ra". – Midian: amyu" qe na ko" ra" vogaung: jo, mae: jo, re myi: ngha" pye'11 ko"ra". – The' myhag' yu: ra" byu , gug' nyhug' we' daga" zai gyo" alhab' re qab: ci: lo ko" ra".12 Yodain: qid yae Mo"ba' din" Yerikho" vo we' dau" te' mae thang: na ko" ra" Moshe we' khin jaung Eliaza: , Israel zo: myid: qe jhao" jhui" pyaung" lo ko" ra". –13 Moshe , Eliaza: we' Israel volo byu qe: zug: jham wa tug: yu nae" ga: vo yae khyo14 thug' yain" ye" lo" ko" ra". – Moshe wa gye khe' jao: mae" dam: lo ko" sin: thu , sin: khyi jham re nhag' re: nhag' yo: mung: , –15 Naonhaung" wa pe" mung: myiqe: jham16 re mase' pye' ko" i"? – Israel amyu" zo: qe Peora' mo"so: mau" mae Mo"so re shaid' nghung: geshao: ga: Balam: khyug' byid' ra" mathao volo byu qe mae qug: khai: joe"17 nhao vegenhaung i"? – Ai ru: mung: yaug gai nau" jham alhab' re re: , yaug gai we' zam" qu" va" myiqe: alhab' re re: se' pye' ge, .18 Yaug gai we' mazam" qu" shi" ra" myiqe: zo: qe re naonhaung" tau: tang"19 to: ge, . – Naonhaung" nhaid' ba byang" loe" sho' voyae mae na ca" genae". Byu se' ra" yaug , shid mao the' tin" ra" yaug khag' ngaid qere: sham" jhui" lo mo, re re: , sam ba: ne, nhaid' ba: ne, mae gaung cid' shao:20 kyang" pye' ge, . – Naonhaung" mai bau: we' sho: qid: yang kaid' ra" zai jham , sug' yang qo; ra" zai jham , sag' yang kaid' ci: ra" zai alhab' re shao kyang" ge, ga: khang"21 to" ra". – Khin jaung Eliaza: re: mang: zin: ye" ra" sin: thu sin: khyi jham khai: zhang: mung: Moshe re Mo"so khang" to" ru wa22 ceru: ga" , – myi: maqo" nga" ra" hhang ,23 ngaui gyid: gyid: phyu , xa jham re , – myi" yang mhai: ra" khyo" shao kyang" yu ca" nae". Qid: yang re: shao kyang" yu gai: ra". Myi: qo" nga" ra" zai yo jham re qid mhaid'24 qe" mung: shao kyang" ca" nae". – Nhaid' ba ein: ba mae yao: yao" mai bau: re zab: cid' bin lao" shao lho" va" mung: vo khug khyo gai: vao lo gezai ngaid nae" ga: pin: to" ra".25 Mo"so Moshe re dam: mho: ru wa , –26 nao we' khin jaung Eliaza; , volo phaung mae" agyi nhag' bo qe re: ana" ci: lo ko" ra" gug' nyhug' byu we' jo, nho" jham re nghe'27 qug: qu" mung: , – mang: yekhe' zin: mo, re agaung: kho' , agaung: dano" gu: re volo28 mo, byu qe re gae: myho" byid: ge, . – Gye ye: khaid' gye zo: qe mae" Mo"so: tau: khang: nung: , myao: , yao , caid' be, jham adau: ngo" yo mae" dadau: dau: kho' khyo"29 yu mung: , – yao: bam qo" ra" agaung: kho' mae" kho' thug' yu mung: Mo"so: qhid vo; lhaui: xeim: kaid' nae" khin jaung Eliaza: re30 byid: ca" nae". – Israel zo: myid: qe khae: yu: ra" agaung: kho' khug mae" re: byu , nung: , myao: , yao caid' jham ngo" xe dau: mae" dadau: re kho' khyo" yu mung: Mo"so: seim zaung qu" gam caung ko" ra"31 Levi amyu" re byid: ca" nae". – Moshe re Mo"so mho: to" ru we' dakhyo: Moshe we' khin jaung Eliaza: kaid' ko" ra".32 Sin: thu sin: khyi qe sham" tai: lo: ra" zai gyo" jham mae" getau mabo re , caid' be, yao jham khyaug' tid: nhaid' tug: ngo"33 taung , – nung: jaung nhaid' tug: shid'34 taung , – myao: khyaug' tug: dataung , –35 yaug gai we' mazam" qu" shi" myiqe: sam36 tug: shid' taung ngaid: ra". – Mang: ye: zin: mo, qo" ra" agaung: kho' wa yao sam tid: sam tug: nhaid' taung: ngo" yo ngaid: ra". –37 Mo"so: khang: wa yao , caid' be, khyaug' yo: nhaid' xe: ngo" dau: ngaid: ra". –38 Nung: jaung sam tug: khyaug' taung ngaid mung: Mo"so: tau: khang: wa nung: jaung39 nhaid' xe: shid' dau: ang: ra". – Myao: sam tug: ngo" yo ngaid mung: Mo"so khae: yu nae" khang: wa myao: khyaug' xe: dadau:40 ngaid: ra". – Byu wa datug: khyaug' taung bo mung: Mo"so: khang: wa byu sam xe:41 shid' yaug ngaid: ra". – Mo"so Moshe re mho: to" ru we' dakhyo: za: Mo"so: vo; lhaui: xeim: kaid' nae" tau: khang: khin jaung Eliaza: re Moshe qhaug' byid' ra". –42 Mang: ye: khe' mo; lo, mae" Moshe yu: yu mung: Israel zo: myid: qe re gae byid'43 ra" gu: wa , – yao sam tid: sam tug: nhaid'44 taung: ngo" yo , – nung: jaung sam tug:45 khyaug' taung , – myao: sam tug: ngo"46 yo , – byu datug: khyaug' taung ngaid:47 ra". – Israel amyu" zo: myid: qe qo" khae: yu ko" ra" byu , gug' nyhug' adau: ngo" xe mae dadau: re Moshe kho' yu mung: Mo"so: seim zaung lhaug' ra" Levi zo: qe re gae byid' ra". Ai re" ru: Mo"so ta" to: gau ngaid: ra".48 Byu dayo , dataung re ug: sin: thu sin: khyi qe re: Moshe jhao" qui" te' ye:49 mung: , – ngonhaung" o mae" gyezo: qe nghe' qug: qu" au: dayaug re: mayeim50 ga: mho ko" ra". – Ai: mathao mae ngo- nhaung" kao so' phug' caung da" nug yang: hhang zai , lang ve, lo, thang: , no: to' , nho kheim" jham ci: li" va" ga: Moshe re51 ta" kyo: ko" ra". – Moshe we' khin jaung Eliaza: wa ai: hhang: yang kaid' ra" zai52 jham re lham: khae: yu ko" ra". – Gye zo: qe wa yaug nge, yao: yao" tau: zai gyo" qo"53 the' yu ko" ra". – Gyezo: dataung ug , dayo ug , zug: qe Mo"so re qhaug' ko" ra" hhang wa dayo: khyaug' xe nhaid' joe: we' ngo"54 xe kye' ngaid: ra". – Ai re" ru: Moshe we' khin jaung Eliaza: wa gye sin: thu jham qhaug' ko" ra" hhang re khae: yu mung: Israel zo: myid: qe: tau: Mo"so: qhid' kheim: mae so: xam: boe" shao: ga: volo seim zaung khug khyo vhao" to: ko" ra".