1 Ai: au: Yoseb' yao: zo: Manashe: kaung mae bobo: ra" Manashe: , Makhira' , Gilaid' , Hepha' mae" gyo" lo: ra" Zalophaid yao" zomyi: , Ma:la: , Noa: , Hogala: , Milakha: , Tirza: nhae tao ho' wa joe" li"2 mung: , – Volo seim zaung kham: dung: nhae mae Moshe khin jaung Eliaza: , zug: agyi qe we' volo byu qe: qhid' kheim: li" ye;3 na mung: , – Ngo nhae ho' pho" seyo: din" mae shid: byaug va". Mo"so re tau: lhain: ra" Kora' mo, phaung mae mabo: bo. Yao" qobo mae shid: ru angaid: , yao: mae yaug4 gai zo: mabo , – Ai re" ru: yaug gai nau" mabo: ra" mathao ngonhaung" pho" mang wa ngonhaung" kaung mae.gai: byaug nae" i"? Ngonhaung" pho" mao: nhaung: qe we' daga" ngonhaung" pho" Ma re byid: gela,5 ga: mho' ko" ra". – Moshe re: yao: bam: akhyo re Mo"so jhao" mho' vhao" ra".6 Alao" Mo"so Moshe re mho: ru wa , –7 Zelophaid zomyi: qe ta" ru dang: ra". Gai gai: yao: yao: bam: pho" mao: nhaung: qe we' daga" Ma khae: yu nae" akhang" yao: bam re byid: ca" nae". Yao: pho" Ma re8 yao: bam: lo, khug joe" ca" nae". – Israel zo: myid: qe re ceru: ein: ta" kyo: ca" nae" ngaid: ra". Byu dayaug yaug yaug gai zo: mabo: ru shid: lo" ngaid: re yao" Ma re yao: zo: myiqe: zo: jham khae: yu zai9 ngaid nae". – Myiqe: nau" re: mabo ngaid: re yao" mao: nhaung: jham re byid: ca"10 nae". – Yao: mao: yao: nhaung: re: mana ngaid: re jo, nho" dai kham Ma re pho" mo" mae" re pho" gain bam re byid: ca" nae". –11 Yao" pho" mo" , pho" gain jham re: mana ko" ngaid: re yao" amyu" kaung mae" jhao" thao" bag zo: qe re byid: zai ngaid nae". Ce ru wa Mo"so Moshe re pin: to: co' ru we' dakhyo: Israel zo: myid: qe mae cao" khyao tarha" boe" na nae" ngaid: ra" ga: Moshe re mho: ra".12 Dam: dalhang Mo"so wa Moshe re Abarim: bam dao khyo do, ye: wa, Israel amyu" zo: qe re Ngo byid: nae" mang: din"13 re lo" byu: qu" ke' wa, . – Ai re byu: qu" bin lao" ni" mao: Arun: yao" phug' phyid' qe phaung khyo lo" re" ru: nao re: lo" zai14 ngaid nae". – Khoru: ga" re Zina' seyo: din" volo mo, phaung Ngo re tau: lhain: ko" au: nao tao re: Nga" dao: re lhoe" mung: ai: qid yae mae Ngo re macaung: khin" ko" qobo qo" ko" ra" ga: mho: ra". Ai: qid wa zin: seyo: din" Kadesha: jo, qo mae" Meriba' ga" qid baug: ngaid: ra".15 Alao" Moshe wa Mo"so re ,16 Mo"so: byu mo, thaui: wa AsAng mabo: ra" yao jham re" ru: maboe" shao: daui mae" daui na mae" na: kao so' jao khae zaui" ci17 yaug Mo"so wa , – ce: volo mo, phaung mae thug' thug' vao vao qo" kaid' ra" mung: yao: bam: adao mae khyin: to: veshao: ga:18 mho' bain" ra". – Alao" Mo"so wa Moshe re nhag' gyang: sozo: du" ra" Nun" yao: zo: Yoshu' re khai: yu mung: yao" au: dao mae19 ni" lo, kai: byid: wa, . – Khin jaung Eliaza: we' volo mo, phaung: qhid' kheim: mae yao: re nha: to: mung: yao: re au: she asag' boe" nae" kheim: so' qhaug' byid: wa, . –20 Israel amyu" zo: qe yao" mho dao: tae" gyo: vegeshao: , ni" myo, nho nga: lao: kheim: so' yao" dao mae kusin tha" byid: wa, . –21 Ai: yaug khin jaung Eliaza qhid' kheim: li" lao" khin jaung pho" wa Mo"so: qhid' kheim: mae Orim: kaid' byid: nae" ngaid: ra". Ai: yaug zaui: so: byid' ru we' dakhyo: yao: we' daga" Israel volo mo, thaui: alhab' wa thug' thug' vao vao kaid' genae" ngaid:22 ra" ga: , – Moshe re: Mo"so mho: ru we'23 dakhyo: kaid' mung: , – Yoshu' re khai: yu mung: khin jaung Eliaza" qhid' kheim: , volo mo, thaui: qhid' kheim: mae nha: to:24 bin lao" , – yao" au: dao mae lo, kai: mung: kheim: so' aya: qhaug' byid' ra".