1
Israel amyu" zo: qe Shitim: jo, qo mae na: na ko" au: , daqhae: wa Mo"ba' zomyi:2
qe we' na: shaid' ko" ra". – Ai: myiqe: jham wa yao: bam re yao: bam: mo"so: poe khyo jhui" ye: mung: poe sho: bozo" ru we' bo:3
goe; pa" ko" ra". – Ai re" ru: Israel amyu" zo: Bala' Peora" re goe; pa" ko" mathao4
mae Mo"so nhag' yo" ra". – Mo"so re: Ngo nhag' jo, yo nae" tau: Israel agyi qe re khai: yu mung: shaid' nghung" ra" mo, re Mo"so: qhid' kheim: mae cui" lhao" to: wa, ga:5
Moshe re mho: ra". – Moshe re: Israel agyi qe re khai: yu mung: Bala' Peora' mo"so re goe; pa" ra" mo, re dayaug we' dayaug yao: yao: we' tin" ra" mo, re se' pye' ge, ga: yang:6
khang" ke' ra". – Ai: au: mae Moshe we' volo seim zaung kham: dung: nhae mae ngug: na ko" ra" Israel volo phaung: qhid' kheim: mae Midian: myiqe: re yao" mao:7
nhaung: qe jhao" jhui" lo: ra". – Ai: ru re Arun" yao: myid: Eliaza" yao: zo: Phinaha myao lao" volo phaung mae" to" lo" mung:8
lhae taid' yu: ci mung: , – ai: Israel byu: zaung khug khyo cao" ye: mung: yaug gai pho" re kyao" sho' , myiqe: re vae: dug: baug sho' thug' ra". Ai ru: kaid' ra" mathao: yang Israel amyu" zo: qe mae qug: khai: yo:9
lo" byaug: ra". – Ai: qug: khai: mae shid: ra" mo, alhab' ngaid: re shid' tug: byid taung ngaid: ra".10
Mo"so re: Ngo nhag' yo: mung: Israel amyu" zo: qe re maphyo' qheim" nae"11
tau: , – khin jaung Arun" yao: myid: Eliaza" yao: zo: Phinaha wa yao: bam Ngo12
nhag' yo" ru yao: bam mae yo: lo" va". – Ai ru: mung: nao ta" nae" wa qu" wa, Nga" ngaui bau" ra" dao: so: Ngo yao: re byid:13
va". – Yao: wa yao" Mo"so shaid' mae qam: qi: mung: Israel amyu" zo: qe tau: qobo khyaid' ru kaid' ra" mathao yao: mae" zo: qae: myid' xag' dao: thang" ga" khin jaung aya: we' tin" ra" dao: thang: qo" ava" ga: Moshe re mho: ra".14
Midian: myiqe: we' na: shaid' mung: se' qhug' ra" Israel yaug gai wa Simun: amyu" dakaung mae" agyi Salu" yao: zo: Zimari'15
ngaid: ra". – Se' pye' qhug' ra" Midian: myiqe" mang wa Midian: amyu" dakaung mae" agyi Zura' yao: zo: myiqe: zo: Kazbi'16
ngaid: ra". – Mo"so Moshe re mho: ru17
wa , – Midian: amyu" qe re nhaung" khoe'18
kaid' mung: se' tam" pye' ge, . – Khoru: ga" re yao: bam: mo"so Peora' mau" mae re: , Peora' mo"so: mathao qug: khai: qhug' ra" ne, mae se' pye' qhug' ra" yao: nhae: mo" Midian: myiqe: Kozbi' mau" mae re: naon- haung" re caid' mhug' khyo" yang: kaung: kag' nhaung" khoe' veko" ga: re: mho: ra".