1 Mo"so wa Israel amyu" re min jhaung: byid: nug: ru re Balam: myao: ba mung: gekai: lai vha" juyi re qho: ra" gau: maye: lo: seyo khyo myo, khung: lhang: phaug'2 ra". – Alao" Balam: wa Israel amyu" zo: qe yao: yao" akaung ako' cao" yang: yao" jo, qo yao: azhain zhain zaung kaid' mung: na: bam ko" ru re the' myao lao" Mo"so: shao gyang" Solo yao" dao mae joe" gyo" zaung yang: , Bo"ra' yao: zo: Balam: dao:3 zham" khyo" lapa dao: jhau: ru wa – Sosu byu myo, bung" li" mung: mho: ru wa , –4 Mo"so: mung dao: the' gyo: mung: Sosu byu gyang" li" yang: thain" madaui: Mo"so: mung dao: re the' gyo: yaug: Balam: dao:5 wa , – O" Yaku' amyu" ni" seim zaung jham , Israel we" ni" yham mo" jham khoqhi" gang: tang yaung" lho" ra" i"? –6 Mug: he' lae: ra" lao: khaung: jham qid yae mae" khyae jham Mo"so qho" to" ra" sag' gae jham qid yae mae yaug: ra" shaug' gae7 jham re" ru: boe" ko" ra". – Yao" qid am mae" qid yug: thug' li" nae" , yao: qho" ra" myug: shi: wa qid laug: ra" jao: mae gyo" yaug: li" nae" , yao" jhaung zug: wa Agag' zug: tho' phung bao qi: mung: yao" mang: din" wa qi" qhang: li" nae" ngaid: ra". –8 Mo"so wa Egutu mang: mae" jhui" thug' lo mung: Israel amyu" wa dam: bug: re" ru: qam: qi: nae" , gyevo qe re bin" caid' zo: mung: sho: qug: sho: qae jham re khyug' mhain" pye' li" nae". Yao" la: myo" yang9 bag: kyao" pye' li" nae". – Lo: tin: we' lo: tin: zang re" ru: ab' goe; na: li" nae". Khoy- aug yao: re vae" nhug' genae" i"? Nao re min byid' ra" yaug min qo" nae" , nao re nhang" ra" yaug nhang: kheim: phau: nae" ga: mho: ra".10 Alao" Balag' wa Balam: re nhag' yo: mung: lo, pyo' pyo' zo" re" nga" gyevo qe re nhang: kheim: ke' byid: la, ein: ngo nao re akhai: ru nao wa sam lhang joe" sho' yao:11 bam re min za: abyid' na nhaung i"? – Ai ru: mung: ni" mug: khyo phao: lo" se, Ngo nao re nga: yhe' nae" ein: myid: to: ngaid qere: Mo"so wa nao re nga: maye, nhao nug yang: tam" kyo" pye' va" ra" ga: mho:12 ra". – Balam: re: Balag' wa ngaui hhang byang" ra" yao" yham re byid: ngaid yang:13 re: , – Mo"so: mho dao: re lhoe" mung: gai: ra" mau" , magai: ra" mau" pe" ja: re re: ngo maqo" kaid', Mo"so ta" ra" khyo: za: ngo ta" nae" ngaid: ein: ngo ni" logyo:14 qe re ta" va" mangaid: i"? – Ana" kam" wa ngo yao" sang: tin: qe jhao" lo" naeva". Tae" gyo" qu" shi: , ce: amyu" qe thao phyao: ni" mang: din" byumyu" qe re khoru: kaid' li" genae" ru re zug: pho" re ta" kyo: nae" ga: mho mung: ,15 Lapa dao: khyo" ta" ru wa , Bo"ra' yao:16 zo: Balam: ceru: ga: pa: ra". – Sosu byu myo, gyang: yaug wa thain" madaui gyag maqui: Mo"so: myo, myhung" re myao mung: myhao: thao" ra" Mo"so byid' ra" laba lajhao re qo" yang: Mo"so: mung dao: re ta"17 kyo" ra" yaug: dao: thoe wa , – Ngo AsAng re myao va" , ngaid qere: ana" mangaid: shi: , ngo AsAng li" ru re myao va" , ngaid qere: majhao" shi: , Yaku' amyu" mae" kyi baung: dace' thug' li" mung: Israel amyu" mae jhaung zug' lhae daung: thug' li" nae". Yao: wa Mo"ba' mang: ajheim ajhe' alhab' khe' zin" aung: yu mung: tau: lhain" ra" mo, alhab' re phyo' qheim" pye' li" nae". –18 Edom: mang: re re: qab: yu: li" nae". Seira bam re: gyevo: lo, khyo joe" byaug nae". Israel amyu" wa vae" vae" za: qam: zang19 ke' li" genae". – Yaku' amyu" khug mae" zug: dayaug thug' li" mung: dang shi" ra" vo byu tham: byu qe phyo' sin" pye' li"20 nae". – Ameled' mang: khyo qu" ke' mung: lapa pa: ru wa Ameled' amyu" wa getau: amyu" qe: tho' mae ngaid: lai: lo veko". Lo" thao" mae byo; qheim" baui" lo" li" genae"21 ga: mho: ra". – Dam: dalhang Keni' amyu" re qu" mung: pa dao: khyo" ta" ru wa naon- haung" na jao: wa qam: qi: ko" ra". Laung: mo" baui dao mae said' said' veko" ra". –22 Ngaid qere: , Asuri' zug' yang mali" qab: yu shi: re Keni' amyu" nhag' gyid' ru thaung"23 qhug' genae" ga: mho: ra". – Dalhang lapa dao: khyo" dam: ta" ru wa , aga" , Mo"so ce: mau" to" kaid' ke' ngaid: re khoyaug wa24 kao loe, genae" laug i"? – Khitim: mang: mae" lha joe" li" mung: Asuri' mang: re re: , Heba: mang: re re: phyo' pye' li" genae". Alao" yao: bam: mang: byo; baui" lo" li"25 nae" ga: mho: ra". – Balam: yao" mug: khyo to" phao: lo" ra". Balag' re: phao: lo" ra".